قصيدة قديمة جدا أعجبتني كلماتها فأحببت أن أنقلها لكم على أمل أن تنال رضاكم
أبي فارس يسافر بي على متن السهر والنور
يذوبني على صدره كما شمسٍ تبي لقياه
وأبي شاعر يصورني ويكتبني سما وبحور
يقول الشعر بعيونه وبعيون الشعر اقرأه
وأبي عابد يخاف اللي نحج لبيته المعمور
إلى منه عصى ربه سجد باكي على رجواه
وأبي عاشق يعاهدني عهود الوافي المأسور
يدوس النار لرموشي ولا يرضى أقول الآه
وأبي طاهر مثل غيث السحاب العالي المغرور
عفيف النفس والنظرة وحبه مالك دنياه
وأبي قلبٍ حنون ماتقصر نبضته بشعور
يتوج حبنا العذري بتاج روعته تزهاه
وحيدي شوقي الأجمل حلالك دمي المهدور
تبي تنشيه أو تروي زهور ذابله من ماه
أميري وينها أرضك أبوصل قصرك المسحور
أبي موتي على صدرك أضيع برجفته ودفاه
كبير الحلم في نفسي وروحي والحلم معذور
مجرد حلم داعبني تراني من الصغر وياه
وأنا ادري بها الدنيا شباب يعشقون الجور
قليل اللي نلاقيهم هواهم صافي معناه
حبيبي يالمحال اللي أبيه ولا لقيت النور
شعور غامض بنفسي أحسك جالسٍ تقراه
أحس إنك بتتحقق وأحس إن الزمن بيدور
وأحس إن الحلم باقي وأحس إني قريب ألقاه
منقول
الموضوع الاصلي
من روعة الكون
آخر 10 مشاركات
20-08-2007, 02:57
إلى من يهمه الأمر ..؟
العرض الشجري
