اضحك حبيبي مدام وقتك مسليك

راسك علامك رافعـــه يوم احاكيــك

الظاهر اني فـوق حجمـك عطيتـــك

لحظـه نـبـي نـرجـع دقيقه لماضــيـك

بذكـرك فــي أي حـالـه لقيـتــــك

كـان الضيـاع ودمعتـين تخـاويـــك

منهار وفـي عـز انهيـارك خذيتـــك

وارخصت عمري لأجل احبك واداريك

هدمـت قصـر الـذل فيـك وبنــيتـك

كـان الغـلا شمعـه تنـور ليالــــيـك

لو اظلمت دنيـاك جيـت وضويتـــك

يا للأسف كنت امدحك وافتخـر فيـك

رفعت مـن شانـك وعليـت صيتــك

كنت عندي غير ومـا أقـدر أخليــك

وأموت واحيا ان قلـت سـم وفديـتـك

اليوم اشوفـك خنـت حتـى مباديــــك

صغرت في عيني أنـا اللـي هويتــك

الضــيـف لـو انـه عـدو معـاديــك

غصب عليـك تقـدره وسـط بيتـــك

يا صاحبي بتمـوت مانـي براجــيـك

واشره علي ّان كـان حتـى طريـتـك

لاصار ذل النفس فـي قلـب يغليــك

يلعنـك يـا قلـب عشقـك وشريتـــك

اضحـك حبيبـي دام وقتـك مسـليـك

بكره تموت من القهـر لانسيـتـك



ارجو ان ينال اعجابكم

واريد مزيد من الردود

محبتكم

قيتارة الليالي

الموضوع الاصلي  من روعة الكون