ترد على موضوعي أرد على موضوعك

روعة القلب · #1 (**permalink**) 12-04-2007, 09:16

السلام عليكم ورحمة الله وبركاته

أخواني موضوعي هذا كان ودي من قبل أنزله فالمنتديات اللي مشارك فيها

لأني لاحظت حركة ما لها أي داعي

وهي ما أرد على أي شخص إلا إذا كان يرد على مواضيعي

كلكم تعرفون ذا الشي

وأدري كثير منكم ضده ولو صار يؤمن فيها لأنه مجبور لأن كل من حوله أو إن صح التعبير بعض من كان فالمنتدى يستخدم الأسلوب هذا

وهي بصراحة طريقة ما لها أي داعي

وبعض الشباب يقول أنا ما أرد على أي واحد ولاكن من يرد علي أرد عليه وأحيان لو فيه موضوع حلو ويشد انتباهي أرد ما في أي إشكال
حتى لو صاحبة ما رد علي ولا مرة

هذا شي أنا ملاحظة في كل منتدى "

وكل شخص له وجهة نظر .........

أما أنا وجهة نظري

أرد على المواضيع اللي لها فائدة أو على الأقل مواضيع تمنيت يوم اعرف شي عنها وما في شك أنا مستفيد برد ويستاهل هذا الشخص إني أرد عليه لأني مستفيد من موضوعه

ويستحق إني
أقول
له
يعطيك
ألف
ألف ألف
ألف ألف ألف
ألف ألف ألف ألف
ألف ألف ألف
ألف ألف
ألف
عافية
ولا تحرمنا جديدك يا مبدع!!!

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-

بس أنا أبي تنتهي الظاهرة هذه اللي أعتبرها سيئه وطريقة ما تفيد أحد

ليش ؟؟؟

لأننا أخوان يجمعنا منتدى واحد
ويجمعنا نظام واحد وهو نظام المنتدى وطريقة استخدامه

وما أحد ينكر ذا الشي

طيب دام وصلنا لشي أو على الأقل وصلة الفكرة لكم

وأتمنى ما أحد يرجع لها مره أخرى خلاص يتركها

وما عندي مشكلة يمكن أحد له عذر غير ما ذكرت أو يمكن له تعقيب على ما ذكرت ما عندي مشكلة أنا تحت أمر الجميع لنقاش

ومثل ما قلت أخوان وعلى راسي الجميع

وشرف لي لما يناقشني واحد من منتدانا الرائع
وأنتظر ردودكم وانتظر كل ما يدور في داخل كل واحد فيكم

والمعذرة لو صار منا مبالغة ..
ولاكن صدقوني ما كان ودي مع إني متأكد إني
ما بالغت

وختاماً "

لو أصبت فهذا بفضل ربي

وإن أتى مني خطاء فمني ومن الشيطان

وصلى الله وسلم على نبيه محمد وعلى آله وصحبة أجمعين

والسلام ختام .. وهو خير ختام

منقول للإفاده

الموضوع الاصلي من روعة الكون

ترد على موضوعي أرد على موضوعك

الــمــنــتــدى الــعــام