لاتتصل ماني على الصوت شفقان / مصافحه أولى لكم

فارس المطيري · #1 (**permalink**) 21-08-2007, 09:33

يسعدلي مساء الجميع

الشكر للشاعر / خالد الماجد على الدعوه ، واسف على هذه التاخير وهذه القصيده تلبيه لخالد

ومحبين هذه القصيده

اعتقد لايخفى على الجميع هذه القصيده ،

ومن المؤسف انها نسبت الى اكثير من 99 موقع شعري بدون ذكر اسم شاعرها ،

ولكن اشكر سيدي الشيخ / حمدان بن راشد ال مكتوم على الجائزه ونشر القصيده وتثبيتها في موقعه الشخصي ،

واشكر ناصر السبيعي / مدير تحرير مجلة المختلف على نشرها ايضا ،

لكم ولكن الجديد من شاعرها ،

...

لاتتصل ماني على الصـوت شفقـان = وفـر كلافـة عنـوتـك واتصـالـك
اللي زعل يبقى على طـول زعـلان = ومشكور ماقصـرت يكفـي سؤالـك
مامشي ورى المقفي لو كـان ماكـان = عز نفسي صـوب رغبـة وصالـك
صحيح أحبـك مولعـاً فيـك هيمـان = وصوتـك يسافربـي لاعالـم خيالـك
لكن حبـي لـك ألـه اربـع أركـان = من دونهـا عنـدي قصيـره حبالـك
عزي ؟ وفهمك ؟ كلمتي ؟ وزود تحنان = وايضا الوفا ؟ واأبشر بقلبـي وفالـك
وأنكـان ناويهـا صـدوداً وهجـران = لابـوك لابـو الحـب لابـو جمالـك
أحقرك وانهي عشرتك (ذل) حقـران = بهيبـك لينـه يخيـفـك أضـلالـك
ماقد سمعـت بـذل أنسـان لاأنسـان = منـي خـذه لاتسمعـه دوك جـالـك
لاتحسبني شخـص بالسهـل ينهـان = منهو نواهـا محاولـه صـار هالـك
لاتتصل ماني على الصـوت شفقـان = وفـر كلافـة عنـوتـك وأتصـالـك
اللي زعل يبقى على طـول زعـلان = ومشكور ماقصـرت يكفـي سؤالـك

فارس المطيري

الموضوع الاصلي من روعة الكون