حلى بالحمام المائي يخلي العرساان طوابير

السلام عليكم ورحمة الله

انا جايتكم اليوم بطريقة حلى ........ اكيد ان شاء الله ح يعجبكم


وانا مجربتها بنفسي ........... اما طلع حلى جنان كل اللي ذاقوه طلبوني طريقته
قلت دامه حلو مايغلى على اعضاء منتداي الغالي


عموما انا الحين ببدا لكم بالمقادير

لحظه لحظه نسيت اقولكم اسم الحلى ,,,,, اسمه " قدرة قادر "

واللي يبي يسال ليش هذا الاسم انا اقوله

طيب نشوف المقادير:
اولا : 2-3 فناجيل قهوه سكر >>>>>>>>> " ترى فنجال القهوه مكيالي اللي استخدمه "
طيب مقادير الكريمه :
كاستين حليب جاف - " وبنفس الكاسه " كاسه ماء -بيضتين - فانيليا -فنجال شاي زيت - ثلاث ارباع الكاسه نفسها سكر ويفضل يكون مطحون
طيب مقادير خليط الكيك :
نص باكت من كيك بيتي كروكر - حبه بيضه - قليل من الزيت - اقل من نصف الكاسه ماءالصواني المطلوبه :صينيه توضع فيه المقادير - صينيه توضع فيها ماء وتوضع فيها صينية الحلى - وصينيه او اي غطاء عندك تغطين فيه صينية الحلى

طيب الحين نجي نشوف الطريقه :اولا : تذوبين فنجالين السكر وبعدين توضع في الصينيه بحيث انك توزعين السكر الذائب في اسفل الصينيه بالكاااامل

ثانيا : تحطين بالخلاط مقادير الكريمه اللي ذكرتها بالسابق كاستين حليب جاف وكاسه ماء وفنجال شاي زيت وبيضتين وفانيليا وتخلطينهم تماما حتى يمزجوا لمدة 3 او4 دقائق

ثم يصب الخليط على السكر الذائب اللي وضعناه بالصينيه ... تمام الحين

ثالثا: في نفس الخلاط مافي داعي تغسلينه على طول حطي نص باكت من كيك بيتي كروكر وبيضه وشوي زيت واقل من نصف الكاسه ماء واخلطيهم حتى يمزجوا مع بعض تمام
ثم يصب خليط الكيك على الكريمه السابقه بشكل دائري ومرتب حتى ينتهي الخليط تماما بحيث يتوزع خليط الكيك على الكريمه بشكل متساوي

ثم نجيب صينيه ونضع فيها ماء ونضع فيها الصينيه اللي فيها الخليط ونغطي الصينيه بصينيه اخرى او اي غطاء عندك متوفر
وتوضع في الفرن وتشعلي عليها من فوق ومن تحت .... وبعد مرور نصف ساعه افتحي عليها وشوفي اذا ارتفعت كلها طفيء عليها من تحت وشعلي عليها النار من فوق وخليها كمان نص ساعه او اقل..

وبعدين خرجيها من الفرن واتركيها 10 دقائق فقط
وبعدين اقلبيها في صينية التقديم وشوفي عاد شكلها والاحلى بعد طعمها... صحيح انتو بتقرأونها طويله لكن يوم تسويها ولا 5 دقايق تاخذ منك .. انا بنفسي مجربتها

وياليت اذا جربتوها تقولون لي النتيجه .. وبالهناء والعافيه



اللهم صل على محمد وعلى آله وصحبه أجمعين

الموضوع الاصلي  من روعة الكون