تخيل نفسك بغرفتك وجالس تصفح في المنتدى كالعاده وقاعد تقرأ نكته حلوه جديده وفجأه ضحك
بجنبك واحد اصلع وماله رموش ولا حواجب وقال لك رد على صاحب النكته وقل حلوه وش موقفك؟
طيب نفترض انك ماخفت وكنت شجاع وطلعت واثق من غرفتك بتروح تجيب لك من الثلاجه بيبسي وفتحت الثلاجه وأخذت
البيبسي وجيت تسكر الثلاجه وفجاه صرخ عليك واحد وقال لك يدي يدي لاتسكر عليها وفجأه تحصل يد طويله ..تتبعت
اليد وبالأخير يطلع الشخص اللي من غير حواجب ولا رموش اللي كان عندك بالغرفه هو اللي صرخ واول مادخلت الغرفه
ابتسم لك وش بيكون موقفك؟:mo13:
طيب بقول لكم قصه حقيقيه صارت لي ........
كنت انا وعيال عمي مخيمين في البر من زمان وكنا نسولف عن الجن وعالمهم طبعا انا متأكد ان كل واحد منا خايف بس
ماحب انه يبين شكله انه خايف . وكنا شابين النار والليله ظلماء وحدثت بعض المواقف الطريفه ومنها
احد الشباب كان يبي يسوي الشاهي وركب البريق على النار وحط السكر وورق الشاهي التلقيمه وبعد ماشربنا
الشاهي وجينا نغسل البريق وحصلنا في البريق خنفسانه متقطعه ورايحه وطي . في البدايه قلنا لايصير احد العفاريت
حاطها لنا وقلنا وش هالجني الوسخ .:mo13:
طيب جينا ننام واذكر اني كنت بالوسط يوم حطيت راسي ويوم توقظت في الليل حصلت نفسي بطرف الشباب .. طبيت
رواسي بالنصف بينهم ويوم صحيت الصبح لقيت نفسي بالطرف مره ثانيه .
المهم طلع الصبح وطلعت الشنبات بالوجيه بعد ماراحت بالليل.
قعدنا نفكر وش جاب الخنفسانه ببريق الشاهي ؟
جاء الليل واختفت شنباتنا ( طبعا تعبير مجازي من الخوف)
وشبينا النار بس قلنا مارايح نسوي شاهي هالمره اي الخوف ومايسوي جلسنا نسولف حتى قام خالد واستأذن
بيروح يقضي حاجته
كملنا سواليفنا وراحت ساعه وساعتين وخالد مارجع ..قعدنا نفرقع اصابعنا ونصوت
خــــــــــــــــــــــــالد خالد خــــــــــــــــــــالد ماحد رد علينا
من جد خفنا وعرفنا ان الدعوه فيها انا.
طلعنا بالكشفات ندور على خالد
وسمعنا صوته قريب من عند شجره ومربط بحبل
فكيناه وقلوبنا ترعد من الخوف .
حاولنا نسأله ماجاوب وكان معرق وحالته صعبه ..أتفقنا اننا نشيل خيمتنا ونرجع لبيوتنا اصرف لنا
ومن الخبصه والخوف نسينا بعض اغراضنا في مكان الخيمه بس مو مهم اهم شي نرجع سالمين لبيوتنا
اول مادخلنا الديره ارتحنا شوي وسألنا خالد من اللي ربطك قال واحد
اصلع وماله حواجب ولا رموش هاي
نفس اللي عندك بالغرفه اي تراي امزح لاتخافون
لكن من جد شربنا شاهي مع خنفسانه لان اللي سوا الشاهي شال بيده مع ورق الشاهي خنفسانه صغيره وماحس بها
اي وطبخناها مع الشاهي .
وسلامتكم
الموضوع الاصلي
من روعة الكون
آخر 10 مشاركات
02-09-2007, 10:43
وسع صدرك مع مشاري ( موقف مخيف)
العرض الشجري
