هديه

هدية


كلهم فدوه لعيونك يروحون
لأن مابيهم اليرهم عليه


أجت عينك بعيني وصار زلزال
چا لو حاظنك شيصير بيه؟


أحنه بروح وحده اثنينه نعيش
إذا جفنك غفه نغمض سويه



وإذا جتنه المنيه أثنينه نروح
لأن أحنه سوه حلوه المنيه


أقدم روحي الك ورده وشمعتين
وأتيهك بالورد والگاك بيه


يبو عيون العسل خليني وياك
شسوي أرجع بعد للناصريه


أگلك ميت انه شلون أحاچيك؟
تگلي شلونك!!.....شخليت بيه؟

تسألني ورد روحي ذبل ليش؟
لأن وردات خدك مزهرية


شفتك وأنخطف لوني عله ممشاك
ونسيت أسمي وعلي وتاهت عليه

گوه تصير الي لتگلي متصير
واذا متصير گوه تصير اليه


هدیة ومو مهم منين جابوك
بس أنهجم بيتك من هديه
بس أنهجم بيتك من هديه

الموضوع الاصلي  من روعة الكون