في احد الأيام كنت أنا وسلطان نتمشى بالسياره في ديرتنا الجميله ونسولف عن المشايخ اللي يطلعون الجن من
المرضى وكل واحد يفتي من راسه ويتفيهم حتى وصلنا الى طريق مسدود من التفاهم
أنا اقول أن الجني يطلع مع أصبع المريض
وهو يقول أن الجني يطلع مع المكان اللي يحدده الشيخ وفي الغالب يطلع مع فم المريض اذا استفرغ
المهم........................
أتفقنا نروح لشيخ معروف يبعد عن ديرتنا حوالي الساعه ونشوف بعيونا وبعدها نشوف من اللي كلامه صح
رحنا للشيخ وكان عنده ناس كثيرين من جميع الجنسيات السودانين والسعوديين والهنود
جلسنا بزاويه عقب مانصحنا احد المطاوعه أن الشيخ يقرأ علينا حتى لو مافينا شي
جلسنا بالزاويه ونشوف هالمرضاء
حتى جلس سوداني مقابل الشيخ قعد يقرأ عليه وفجأه قعد يتكلم الجني اللي داخل السوداني....
الشيخ:أتق الله وأطلع
السوداني: مابطلع ولو تحب النجوم.
الشيخ: ليش ماتطلع يافاجر؟
السوداني: يا.... (مافهمنا شي).بس سمعنا الجني يتكلم بلسان السوداني ويقول أنت صاحب العقار عايزني اطلع؟
قعدنا نضحك غصب عنا
حاولنا نكتم الضحك بس ماقدرنا حتى لاحظنا الشيخ
فطلب من 3 شباب كانو عنده يربطون أصابع رجلينا ويدينا بخيوط صغيره جدا
سألناهم ليييش ؟
قالو عشان يقرأ عليكم الشيخ
عقب ماربطو اصابعنا كلها
زاد ضحكنا أكثر على بعض والناس تقول الله يشفيهم
تضايق الشيخ من ضحكنا وقال قربو احدهم بقرأ عليه
فاقربو سلطان يم الشيخ فقعد يقرأ عليه وسلطان يضحك
مسطه الشيخ بعصى عنده وقال ياعدو الله تضحك من أيات الله جزاءك عسير عندي.
أنا أنبطحت من الضحك على بطني ودمعت عيوني من الضحك
واسمع سلطان يقول مابي شي ياشيخ والله مابي شي....
والشيخ يمسطه مره ثانيه وهو مره يضحك ومره يحلف أنه سليم ومابه شي.
والشيخ يقول الاعيبك ياعدو الله ماتمشي علي ،،
حتى طلب الشيخ من الشباب انهم يكتفونه بقوه
وقعد يقرأ عليه حتى سكت سلطان وماصار يرد على الشيخ
وبعدها قعد يمسح على راس سلطان ويقوله شفاك الله
احمد ربك أنه فكك من عدو الله
أنا احترت وقعدت أضرب اخماس في اسداس معقوله سلطان فيه جني ومادرى عن نفسه طول هالفتره
ياربي لايصير انا بي بعد جني وأنا مادري؟
طلع سلطان وقربوني أنا يم الشيخ وأنا كاتم ضحكتي اخاف يمسطني بالعصى بعد ،،حاولت لكن فلتت مني الضحكه
وكان عيبي الوحيد أني أذا ضحكت ماأسكت واه من العصى ياناس هو يضربني وأنا اضحك من هالموقف ،
الشيخ:ياعدو الله تضحك من ايات الله
وأنا ماأرد عليه من الضحك والعصى شغاله على ظهري:mo13:
حتى سمعت الشيخ يقول أذا ماطلعت بقتلك ، بصراحه خفت وقعدت احلف له اني ماأعاني من شي وأني جاي انا
وصاحبي حب استطلاع ،:eh_s(10):
قال تلعب على مين اطلع احسن لك قبل لاأقتلك وطلب من الشباب يكتفوني ويقربون المشرط
أنا سمعت اسم المشرط وفار دمي من جد وأنا اتماسك معهم وعيونكم ماتشوف غير الغبره بالحوش حتى قدرت انفك
منهم عقب ماجاني طق عمري ماذقته
والله وأنا اطلع من باب بيت الشيخ عقب ماتركت شماغي عندهم وثوبي تشقق منهم
طلعت وحصلت سلطان بالسياره ركبت ودعسنا بالسياره وعقب مابعدنا
علمت سلطان باللي صار وفطس من الضحك علي ..... ومن شكلي وثوبي مشقوق وبدون شماغ وحالتي حاله..
سالت سلطان
قلت له انت وشفيك من جد فيك جني؟
يلعن ام السؤال ه:mo13:
قال يادلخ انا عقب هالتمسيط اللي جاني تعبت قلت وشوله أعابط مع هالشيخ وسكت والظاهر ان الشيخ حسب الجني
طلع ه
لكن من جد تووووووووووبه من اللقافه وبعدين يطلع مع اي مكان يبي احنا وش دخلنا
تقبلو تحياتي
الموضوع الاصلي
من روعة الكون
آخر 10 مشاركات
06-09-2007, 12:07
العرض العادي
