المصيبة - الجزء الثاني ......

لو تبون ملخص لما سبق روحو شوفو الموضوع من اوله ترا ما احب الملخصات ززز اللي يبي يلخص يرد وي عني و الله جد لو ما قريت الجزء الأول ما بتفهم شي



كنا وصلنا لمرحلة ان ربعي محمد هو اللي تولى القايدة بعد اللعبة الذكية اياها مني .... و شربها الاستاذ و صار يلعن الدقيقة اللي طلب مني فيها انه يسوق ه ........

المهم هو ساق و انا رحت في غيبوبة كنت في حاجة لها منذ فجر يوم السبت و الحين صرنا الثلاثاء ....
قمت بعد حوالي ساعة و صارت الساعة 7:30 و بعدنا ما وصلنا (( الله يرجك و يغربلك يا محمد )) اللي انا اخذه في ساعتين بالكثر هو رح ياخذه في اربعة ه ترا والله فكرت نفسي بتريلة من كثر ما كان بطيء حتى التريلات كانت تسبقنا و تشرخ مع روحها ....
القيت نظرة على العداد لقيت المؤشر على 120 قمت رقعته نظرة حااارة قالي وش تبيني اسوي ؟؟؟ اطير ؟؟؟؟!!!!

قلتله لا وقف و انا بكمل الطريق .....
و قبل ما اكمل جملتي لقيت صوت يجيني من ورا اعرفه "طلال" ما عليك انا انا بسوق غفو عيونكم ......
ترا طلال والله انه رائع بالسواقة و يعجبني قمت قلتله كفو يالغالي تعال بلا هالنملة اللي وياه بنوصل على الصيف الياي


وقفنا و بدلو اماكنهم و طلعنا مرة ثانية و انا اسمع صوت المكينة يعلو و يعلو و يغني و يطربني بزئيره الراااائع .....
و اقول في قلبي الله عليك تسلم ريولك و يديك و هو يطالعني و انا مستانس في نومتي
و نمت و يا ليتني ما نمت ................

والله ليتني ما نمت ...........

لأني يوم صحيت لقيت راسي يدش بالزجاج اللي قدامي و تريلة لول لطف الله و رحمته كنت بكون تحتها مهروس اللحم مطحون العظم ........

بس للأسف .....


صار الحادث .......

و انا دشيت بالزجاج و راسي انجرحت و طلال راسه صدمت بالسكان بقوة و اللي ورا لمحت خيالهم يطير و كنا خلاص بننزل تحت التريلا لولا ستر الله و بنكون في النعوش و اهلنا يصلون علينا ... بس فعلا "لكل أجل كتاب" .........
انا من صدمة راسي ما دريت شفت شي الا الظلام بس و سمعت صوت يقول ..... شباب احنا صلينا الفجر حاضر صح ؟؟؟؟
انا مع الم راسي و شدة الصدمة ضحكت و كلنا صرنا نضحك ....
ه


طبعا زعلت شوي على سيارتي بس والله ما همني ترا لقينا دريول التريلا جاي علينا و وجه كله رعب " رحت في دهية يا محمود ..... رحت في دهية يا محمود ..... عيشك اتقطع يا محمود ..... اها يممماااااااااا "
منظره خلانا نوقف ضحك و صرنا نطالع فيه نزلنا و هدينا عليه و كان سوي و رح يصيح و يبكي كيف الحرمة بس هديناه و

قلناله روح يا ريال شوف مصلحتك و شوف شغلك و توكل على الله

الريال: انتو كويسين ؟؟؟؟

الحمدلله الله سلمنا و سلمك انت بعد

الريال: يعني مفيش حاجة بس ضررت غير العربية ؟؟؟

ياخي السيارة بتنصلح و انتهينا ما عليك .....

الريال: طب طب .....

جابر اللي نطق اخيرا : لا طبطب و لا دلع خلص يبوي روح لحالك .....

الريال: الله يهديكو و يعمر بيتكو و يرجعكو بألف سلامة يا ولاد الحلال .....

و راح الريال.....
و هو يطالع جابر بنظرة و كأنه يقوله والله انك رايق يا عديم الحياء




فجأة ......
ضربني صداع قوي لدرجة انه اغمى علي و انا واقف على الطريق و ما قدرت ريولي تتحملني ..... و ما فتحت عيوني الا يوم الأربعاء العصر و ما اتذكر اي شي بس لنا حكولي فتحت عيوني على أخرها و مثلهم خشمي و انا اصرخ .....


سيااااااااااارتــــــــــي؟؟؟؟!!!!!!!


و طالعت طلال بنظرة كاني اقوله اكرهك يا سبب كل بلوة و مصيبة ..... طلعت بالشباك و نظرت بالشارع لقيتها واقفة كيف الكلب الأعور ه بس بعد كذي تذكرت كيف كان المنظر و كيف كان من الممكن جدا تكون النتيجة مرعبة و مأساوية .........
بس الحين كل ما نذكر نسكت شوي و بعدها نضحك ضحك عجيب كأننا نتسائل هل فعلا بعدنا أحياء نرزق ؟؟؟؟




اتمنى تكون عجبتكم القصة و ما كنت ممل بس قلت بغير شوي من المواضيع اللي اطرحها اي نعم القصة غريبة بس طول الوقت كان في نوع من الضحك و الطرافة .............

الموضوع الاصلي  من روعة الكون