بنت الأكابر
ألف حزن .. وألف ليلة .. وألف جرحٍ في حشا روحي أشيله
وما .. أجيلك !!
يا نهايات البداية
والاّ .. تدري !!
يا بدايات النهاية
والاّ .. تدري !!
يا عناي ويا شقايه
والاّ تدري !!
ما أظنك راح تدري ..
كيف تدري ؟
وانتي ما عندك ضمير ..
وما عرفتي الخوف والجرح الغزير ..
والهجير !!
أسألك بالله تدرين وش معنى الهجير؟
آ ه ه ه ه يا بنت الاكابر !!
آ ه ه ه ه يا حزن المقابر !!
لاني !!
أحب ولا أكابر ..
لاني !!
متحمل وصابر ..
والاّ .. لانك بنت نعمه .. ومترفه .. وخالك وزير
وانا فيني ..
ألف حزن .. وألف ليلة .. وألف جرحٍ في حشا روحي أشيله
وما .. أجيلك !!
***
انا تايه وافرك القاع بــــ/ أيديه
وانتي من فيّه .. لــــ/ فيّه
بين أقراطك ..
وعقدك ..
والقلاده ..
حتى مكايجك .. بهت !!
بيّن رماده ..
صار وضعك .. حيل مزري
حيل .. مزري !!
حيل .. مزري !!
حيل .. مزري !!
هذا .. وزري
أيه .. وزري
ذوقي يا بنت الاكابر ..
ألف حزن .. وألف ليلة .. وألف جرحٍ في حشا روحي أشيله
وما .. أجيلك
***
كل كابوسٍ .. يجيني !!
راح .. يجيلك
يحاصرك .. صبحك وليلك
لين تغرقك الدموع
علميني !!
أشربي مر الدموع ..
جربي ذل الخضوع ..
الخضوع !!
الخضوع !!
الخضوع !!
كرريها ..
في سجودك والركوع
جربي ضيم القهر..
جربي انواع السهر ..
والله لو صرتي تحت رجلي مداس
ما .. أجيلك !!
ما .. أجيلك !!
ما .. أجيلك !!
ألف حزن .. وألف ليلة .. وألف جرحٍ في حشا روحي أشيله
وما .. أجيلك
شكراً لكل من مر من هنا
الموضوع الاصلي
من روعة الكون