اليوم الفرح بعيونك

اليوم الفرح بعيونك


اليوم العيد لاح وهلن انجومه
سمعت صوتك حبيبي همسة أمحبين
طردت الحزن مني انگشعت غيومه
وحل عندي الفرح كحله وتبوس العين
أحبك أكثر من الگلب ويالروح
عمري أنت وهواي وشوگ المعيدين
يمن كلك غله بيمن أقيًمك گول
فدوه عمري مو مره ألك مرتين
أحبك وأبقه أحبك يا نفس بالروح
غفيت بوسط دمي وبالشرايين
يعنوان ألوفه والحب والأنسام
ورد الحله بس يمك صفه بلونين
ادري الشمس من تشرق تضوي الكون
وشمسي يا حبيبي ضوت الكونين
بيك مسودن وأحله صفاتي تصير
عندي وخلها تلبسني السوادين
يعذيبي وتمر نسماتك يريًحن
بعطر زلفك غفت حتى البساتين
لو مرك حبيبي الزعل بالصدفه
يعني الكون أحرگه وأحرگ الماشين
داخ الصبر مني وابد ما مليت
وخله يصير شوگك موصبر صبرين
أنه الحنظل عسل حسيته بودادك
طعمه گلي شنهو بلسم الشفتين ؟؟
انه الشوفك حبيبي أحسب الساعات
وأتمنه تشوف شصار بيه الحين

الموضوع الاصلي  من روعة الكون