%لعــــــــــــــــبة الخـــــــســـــــــران%

السلااااام عليكم ورحمة الله وبركاته

في قصيده حييييييل اعجبتني حسيت فيها نوع من الغموض

وحبيت الكل يقرها معي




اشوف اني خسـرت اللـي ابيـه وحسرتـي دارت
لعبـت ولعبـة الخسـران ترجـع بـه علـى بابـه
هدف ملغـي ولا يحسـب وفرصـة خافقـي حـارت
عشان (اصبر ترى الحارس يزيد الضغط باعصابه !!)
صحيح اني تماديـت ونسيـت احلامـي ان سـارت
ولكن حارسـك واقـف ولا ادري وينهـا اسبابـه ؟!
حرقت القلب كل القلب احسـب الغيـر لـي صـارت
سند ليّه واثـره هالغيـر مـا تـدري عـن احبابـه
انا المجروح ولا تسأل شف اجروح الزمـن جـارت
تغطـي هالمكـان ادري وبلسمهـا نـوى غيـابـه
تعبـت ادور الـراحـه ونفـسـي للشـقـى زارت
تعبت اطـرد ورى حلمـي وغيـري للاسـف عابـه
تعبـت اصـد وارد السرايـا بعـد مــا غــارت
تبي تقطـع لحـم عظمـي وتهـدي لحمـي لذيابـه
وانـا مانـي فريسـه لذيـابـه كانـهـا ثــارت
انا مـن لابـة تسـوى .. ان شهـد لابتـي لابـه
ماهو لازم اكون اضعيـف اذا كـل البشـر شـارت
هذاك اللي وحيـد ضعيـف يعيـش بداخـل الغابـه
وماهو لازم يطيح الحـظ اذا احـلام العمـر طـارت
مـا دام الحلـم ماهـو علـم ولا للواقـع يشـابـه
وهدف ملغي .. هدف ضايع وفرصة خافقـي حـارت
وقف حارس .. قعد حارس وشد بوجهـي اعصابـه
اهـم العلـم لا شفـت البشـر بقلوبـنـا بــارت
وشفت الجرح بعيوني واشـوف اللـي بعـد جابـه
وشفت اني خسـرت اللـي ابيـه وحسرتـي دارت
لعبـت ولعبـة الخسـران ترجـع بـه علـى بابـه



ملاحظه__ لابه تعني القبيله حبيت اقولها للي مايعرفها

الموضوع الاصلي  من روعة الكون