بعيده هواي

بعيده هواي انصحك لاتروح بعيد
ولتفكر ابد بعيونك اتوسل
انسى الكبل جانت بين اديك تذوب
ومثل متريد ترجع لا لتتامل
زعلت انته علي يعني وذا زعلان
ميهمني اذا تزعل وذا تقبل
موجود انته يمي وجن ولا موجود
وميهمني اذا تبقى واذا ترحل
مليت انه كلشي وكل سنيني وياك
وحبي الك صار بحبه هم ايمل
تريد تروح روح وادعي الله وياك
ممحتاجك بدونك صرت زين اندل
ماتقبل تحبك روحي بعد اليوم
وكلبي هم بصم بالعشره مايقبل
مسدود الطريق من البدايه وياك
اركض ركض صار سنين مااوصل
كبل صح جنت احبك واهوى كل مابيك
وجنت صح الوليف وجنت ليه الخل
وصح من جنت اشوفك انثر انه ورود
وازرعلك رياحين وورد واشتل
وصح جانت امنيتي بس اشوفك يوم
واذا مريت بيه اشموع الك اشعل
بس الماضي راح وكلشي راح وياه
بعد ميفيد نندم نحزن ونسأل
ولتسألني خذلت هواي كلبي وياك
وصرت من اذكرك من كلبي ولله افشل

الموضوع الاصلي  من روعة الكون