اجيتك

تعال ابساع ....اجيتك كلي لهفه وشوك
كبل متنادي جيتك لا تتانيني
كبل متصيح انه اسمعتك بلا صوت
عد عينك حبيبي افديلك اسنيني
اجيت وجبت كلبي وروحي كل وياي
واحس انه شكثر ملهوفه الك عيني
تعال ابساع .....اجيتك اهجر الاحزان
من تنسه الحزن حزني تنسيني
اجيت امسح ادموعك بيدي والالام
ادفع عمري بس راحتك تكفيني
انسه الحزن بعد اليوم والحسرات
لا تنزف جرح صدك تأذيني
انسه الراح كله ولاتهم بالجاي
وخلنه انعيش حبنه ولا تجافيني
يااول عشك واخر هوى بدنياي
سودني غرامك حيل سابيني
ابروحي احسك صرت روح الروح
واتنفس اثاري الهوى بأنفاسك
نبض لكليبي احسك واقرب انته اهواي
رغم مااجهل انه شيحوي احساسك
اعرف البيك جنك كاعد انت وياي
ويمرني الموت صدك لو تعب جاسك
كبل مااشوفك انه تعلقت بالصوت
واعرفت طيبه وشهامه التنبض بساسك
تعال ابساع ......اجيتك يااعز الناس
بس خليني اصيرن وحده من ناسك

الموضوع الاصلي  من روعة الكون