ثلاث سنين...... وتاليها فمان الله

ثلاث سنين تحلف دمعتك مافارقت عينك
غرام و وجد
وتحلف لي ...!!
وانا اصدق ...!!
ثلاث سنين تحلف صورتي مافارقت جفنك
وَلّـه ... وهيام
وانا اصدق ...!!
ثلاث سنين تحلف ما نسيت اسمي
ولا لحظة
وانا اصدق ...!!
ثلاث سنين ...؟!
ثلاث سنين وتاليها فمان الله ...؟!
ياااااااااااه
قوية حيل ...!!
ثلاث سنين ياكذاب ...؟!
ووش قلبك ...؟!
أنا اتحدى إذا قلبك مثل باقي البشر ينبض ...!!
أنا اتحداك ...؟!
وش رايك ...؟!
أنا اتحداك إذا عمرك عرفت العشق وش معناه ...!!
أنا اتحداك إذا تقدر توّصف لي مشاعر قلب ...!!
أنا أتحداك إذا تعرف تحب أي شيء ...!!
أجل معقول من جدك عقب ما اعطيتك أشواقي
واحاسيسي
ومشاعر من وسط جوفي
وحُبٍ أُنثى ...
وصرت أنت أول أحلامي
وعشقي
وبيتي في وسط صدرك
تكافئني
" بـــ \ فمان الله ...؟! "
قوية حيـــــل ...!
مين إنتا ...؟!
قل أي شيء ... لكن لا تقول إنسان ...!!
ياويل العاشق الكذاب من ربه ...؟!
ثلاث سنين تقطف من بساتيني غلا ... و ورود ...؟!
وانا ازيدك ... واتلذذ وانا اعطيك ...!!
ثلاث سنين تاخذني على عقلي ...؟!
وانا في وادي النيات على النية ...
وعلى ما ينبضه قلبي ...!!
ثلاث سنين وتاليها انتهى كلش ...؟!
بعد ماكنت لي كلّش ...!!
إذا تسمي هيامك عشق
مالك بالهوى ملة
وربي ما بعد شفت بحياتي قاسيٍ مثلك ...؟!
ثلاث سنين عمر إنسان
إذا تدري ...؟!
ثلاث سنين يدق القلب فيها مية مليون دقة ...
إذا قلبك عرف يدق لو دقة ...!!
ثلاث سنين وتاليها الغلا كذبة ...؟!!
وعمر إنسان ... يدفن في خفا النسيان ...!
وعشق إنسان لكذب إنسان ...!!
وتخل ...!!
يكون القلب بيدينك ...
مجرد تسلية ... لعبة ...!!
مو قاسي ...؟!
عموماً ليش أكتب فيك
واضيع بك بعد ليلة ...
كفاية عمري اللي ضاع
ثلاث سنين ...!!
وضاع اليوم بعد ليلة ...!!
ويا خوفي إني احبك ...!!
واقاسي ... وانت لي قاسي ...!!
واعاند عقلي وفكري ...
وابيع لضحكتك ناسي ...!
واساير قلبي المسكين ...
ووش باقي عقب هالعمر ...؟!
ضاعت مني سنيني على كذبة ...
؟!
تبي تكمل ...؟!!
أنا موافق ...
تعال نكمل اللعبة ...!!
وتاليها مغير سنين ...
وقلبٍ ينذبح ويموت
وقلبٍ بس يتسلى ...
يظن إن الهوى لعبة ...!!
وخذ سكين ...!!
وحلالك قلبي المسكين ...
ولا اوصيك ...
ابد والله ...!!
من الشريان إلى الشريان ...
سهلة ... صح ...؟!
انا ادري ذبحتي بيديك مهي صعبة ...!!
فديـــــــــــــــــــــــــــــــــــــــــــــتك وانت ظالمني
فديـــــــــــــــــــــــــــــــــــــــــــــتك وأنت قاتلني
فديـــــــــــــــــــــــــــــــــــــــــــــتك أعشقك من جد ...
وانا ادري فيك
كذاب .... يا كذاب ...
ولالي بالهوى حيلة
عشقت وذبت ...!!
ولازم اواصل ...
وانا ادري فيك ياكذاب ...!!
لكن الهوى ملعون ...!! ابن ملعون ...!! ابن ملعون ...!!
وفدوة عينك الثنتين ثلاث سنين
وخذ معهن ثلاث سنين ...!!
إذا باقي ثلاث سنين ...!!
وربي يسعد ايامك ...!!


منــــــــــــــــــقــــــــــــــول ،،

الموضوع الاصلي  من روعة الكون