تزعل ليش

أصبر الروح ليش وأنت بيه الروح
واذا تطلع اظل بس جسد خالي
لكيتك من جنت مالاكي كل الناس
انت اول محب وانت الصرت تالي
يالكلك محبه وانته احن مخلوق
معقوله الحمامه تصير كتالي
صح ماكو بجمالك آني ادري بهاي
وروحك رقتك ماكظه كل جالي
حرام عليك تزعل وانت تزعل ليش؟
أجيك آنه اعتذر وبلا ذنب خالي
احسك تختلف عن كل بقيت الناس
بعيوني اشوفك علنجم عالي
وأشوفن دمعتك ما جنه تنزل ماي
ذهب تنزل دمعتك تجدح تلالي
الك بستان عمري بكل ثمن مزروع
راضي بكلشي منك كلشي يحلالي
أجيك ومن ارد فارغ ارد للغير
وعنب بس عله مودك تارس سلالي
يمك انسه روحي ومن اكون وياك
وعلا فنجان شفتك تركع دلالي__________________

الموضوع الاصلي  من روعة الكون