اسويلك سمه

حاير من تجي بيا ورده الاگيك
وياعين التكفي وبي اخليك؟


لذلك لازم اتلگاك بالبيت
حته بكل كتر بالبيت الاگيك


المجره انته شتكفي الغرفه والبيت؟
اسويلك سمه خاطر تكفيك


أحضنك خاف أحضنك والله محتار
وأگلك خاف أگلك خاف ابچيك


الي مطلوب دين شلون وياك
اطلبك روحي حته بروحي اخليك


اروح بورد چفك لاخر الكون
واتيه بورد وجناتك ورد بيك


وأشيلك بالجفن دمعة مجانين
حته أطيح عيني وماابديك


ردت من عندي روحي وماگلت لا
ذبحت بروحي روحي وجيت اعزيك


خليتك رمح يم باب الجروح
تدگ باب المنيه وماأحاچيك


أرسمك ماي بس انته بخلگ نار
وتشعلني شمع بس ماأطفيك


تزعلني بكثر ما بالسمه نجوم
وانه اضعافهن اضحك وأراضيك


عودك ينحني لو مرت الريح
وآنه شگد صلب بس انحني عليك


تمر بيه حلم وتفزز الناس
ومحد ينتبه بس آنه أفز بيك


واسولفلك سنيني شيبچن دموع
دمعهن ...دمعه رايح.. دمعه آتانيك


وگبل لاتمشي تنزف دمعة الشوگ
وينشف دمعته عن لايبچيك


ذيچ الجيه تدري أنطيتك الروح
وماظل شي بعد بس لازم انطيك


شوف شباقي بيه بكيفك اختار
وأنته براحتك وأخذ اليكفيك
أنته براحتك وأخذ اليكفيك

الموضوع الاصلي  من روعة الكون