وين الفرح وين

تـريـد اكتـب عالـفـرح وين الفـرح
ضـاع منـي وضـيعـت عـنوانـه

تـريـد ارسـم للفـرح عدة وجـوه
انـه بس حـزنـي العـرفت الوانـه

جـنـت مااعـرف طـريقه للحـزن
صـار كـل عثـرة بـخـت يـلـكانـه

عـيوني من كـثر الـدموع تكحلن
وكلبـي فـلاح احـترك بسـتانه

وتـريـد هسـه للـفـرح افـتحـله باب
شـكثـر احـتاجـيتـه سـد بـيـبانـه

شـكثـر ايـام انتظرتـه يمرنـي طيـف
مـرنـي مـرة الفـرح كـال انسـانـه

شـلون اوصـل للفـرح والكـى طريـق
وانـه مـركـب والـدمـع ربـانــه

انـه والضـحـكة ابـد مـانلتقـي
مثـل لـيل ويـه الشمس سـبحانه



لاتـعاتـب كـلبـي طـاح من الهـموم
ظـال مـجـتوف بـطـرك احزانـه

الموضوع الاصلي  من روعة الكون