مســـ،ـ،ـ،ــاء الــــورد لأحلى صبــايــا وأحلى شبـــاب...
فكرة هالموضوع إن أي واحد يدخل يكتب موقف طريف مر عليه بحياته،، أو صار لأحد من أقاربه أو أصدقائه،،
وأتمنى ألقى منكم تفاعل...
ببدأ أنا معاكم بموقف صار لوحده من صديقاتي،، هو الموقف صاير من زمان مره،، يعني تقريباً من5 سنوات بس من جد موقف يضحك،، وربي كل ماتذكرت هالموقف أموت ضحك،،
يلاااا أترككم مع الموقف...
كنا وقتها متخرجين من ثالث متوسط،، صديقتي ذي تقدم لها واحد وخطبها،، البنت أنواع البراءه ماتدري وش معنى خطبه أو زواج،، علمتها أمها انها انخطبت وتأخذ رايها بالموضوع،، قالت ok ماعندي مانع،، بعدها باسبوعين جا خطيبها العصر مع أبوه لهم يعني تقدموا لها رسمي،، البنت نايمه ماتدري عن الدنيا ماتعودت تصحى هالوقت،، وقال الولد اللي خاطبها: خلاص بما أنها موافقه أبي أتملك اليوم عشان عندي بعثه وباروح وأنا متطمن ومافي داعي نحط حفله أو شئ،، ملكوا للبنت وهي نايمه بالعسل ماتدري وش السالفه،، بعد ماصحت جت لها أختها اللي أصغر منها قالت إن أبوي بيجي يشاورك إذا أنتي موافقه وإلا لا.؟قومي صلي واستخيري<<وش يشاورها انتي بعد،، البنت تملكت وخلصت السالفه:)
المهم صديقتي ذي أنواع الدجه من قالت لها اختها صلي قامت تصلي ماتدري وش السالفه،، كله من الخوف والاحراج من أبوها إذا جا يسألها،، المهم بعد ماخلصت من صلاتها اللي دبلتها كم ركعه:) جا أبوها وقال ترانا ملكنا لك اليوم،،قالت اي مو مشكله،، طلع أبوها وتركها،، (عاد هنا الموقف اللي يموت من الضحك من جد) قامت ياحبي لها بكل براءه وطلعت الشنطه ووقفت عند الدولاب تختار وش أحلى شئ من ملابسها عشان تاخذها معاها<<ياحياتي مستعجله ه
دخل عليها أبوها وقال لايابنيتي مو الحين الزواج بعدين بعد ماتخلصين دراستك،، عاد هنا شوفوا أنواع الفشايل بس،، أسبوع كامل ماتحط عينها بعين أبوها..
زين بعد ياللي مالبست عبايتها وطلعت وركبت معاه بالسياره ه
عاد أتوقع الحين لو يقولون لها روحي مع زوجك قالت لا
الله لايحطنا بمثل موقفها إن شاء الله خخخخخخخ
الموضوع الاصلي
من روعة الكون
آخر 10 مشاركات
18-09-2007, 09:16
مواقف مضحكه من حياتي...
العرض الشجري
