!|[ لبيـــــــــه]|!

لبيه يا عمـري مـن القلـب لبيـه
آمر ولو تامر على الـروح تفـداك

لبى عيونك لو تبي العين وش فيـه
أصلا أنا مولود لجـل إنـي ألقـاك

سيطر على قلبي وخـذ كـل مافيـه
محدن تـرى يستاهـل القلـب إلّاك

والله لك انتي يرخص القلب وراعيه
وأجزاء جسمي كلها تحـت يمنـاك

لو قال : أبي ، بوهبه أنا بين أياديه
لو قال: أبي أكثر، أنا قلت له: جـاك

بهديه كل عمري وأنـا مـا بوفيـه
وبقول آسف لو نقص حق لرضـاك

ولو قال: يكفي قلت أنا : لازم أعطيه
آسف حبيبي بالغـلا مـا وصلنـاك

وإن زاد حبي يا مـلا ويـن أوديـه
لادام لي نبـض ٍ تناسـى وخـلاك

يلعن أبو عمرن قضى وانت مافيـه
ما كنت أعرف الحب والشوق لولاك

مـا زيّنـك تزييـن انتـي تحليـه
سبحان رب بالسمـا كـان حـلاك

سبحان رب ٍ بالسما كـان معطيـه
أخاف أنا أوصف وأظامك في مزاياك

يضيع كـل الـي بقولـه وأسويـه
لا جيت لـي قـدام عينـي أتلقـاك

أبيه في عمري وأنا بروحي أفديـه
أنا وشـوف العيـن نفـداك نفـداك

....وسلامتكم....
....اامل ان تنال على رضاكم....

الموضوع الاصلي  من روعة الكون