قصة سعودية حلوة مرة ( تركي & شذى )

السلام عليكم
كيفكم هذا اول موضوع لي انشاء الله يعجبكم
قصة حلوة قريتها وحبيت انقلها لكم
بسم الله نبدا.
......:شذى حبيبتي في ناس خطبوك من أبوك...
شذى وهي مستغربه: هلا يمه شتقولين في ناس خطبوني؟
ام محمد وهي تناظر بنتها الوحيده:إيــــه خطبوك وينتظرون الرد عشان يجون يخطبون رسمي..
شذى بفضول : مين هم...انا اعرفهم ؟
ام محمد: لا ما تعرفينهم...ولا أنا اعرفهم بعد؟
شذى: إذا انا ولا انت نعرفهم مين يعرفهم؟
ام محمد : خالد اخوك يعرف المعرس...
شذى وهي تناظر امها: مرة وحده معرس زين يمكن ما أوافق...يا خوفي بس يطلع زي راكان اللي قبله ما يعرف...
امها تقاطعها: اخوك خالد يمدح فيه ويقول مثله ما ينرد...
شذى: يعني بس خالد يعرفه.....
امها وكأنها تذكرت حاجة: انت بعد تعرفين خالته اخت امه...
شذى باندهاش: خالته اعرفها انا ؟ من تقصدين يمه ؟
امها وهي تبتسم: فكري ...تتوقعينها مين؟
شذى وهي محتارة: مين من الجيران او من اصدقاء العيلة؟؟
امها: ما حزرت....و باقولك حاجة ترى اهل المعرس مو من الشرقيه؟
شذى واندهاشها زاد: مو من الشرقية...وانا اعرف خالته واخوي خالد يعرف مرس الغفلة...ومثلة ما ينرد.....يمه خلاص تراني خلاص وصلت حدي قولي لي مين وماله داعي هالفوازير اللي انت مسويتها..
امها: اوكيه بقولك...
تقاطعها شذى بضحتكتها الرنانة: احلى يمه اوكيه هذي من وين جابيتها....والله الوالده حركات..اوكية..بكرة ايش رح تقولين...تشاو...ه
ام محمد : تضحكين على امك هاه؟ زين يا شذى موتي بفضولك نامي الليلة بدون ما تعرفين عريس الغفلة على قولتك...
شذى وهي تحاول تكتم ضحكتها : خلاص يمه والله آسفه بس بالله من اللي علمك عليها أكيد سعود ما غيره صح
ام محمد: ماني بقايله زين...
شذى قامت وحبت فوق راس امها : خلاص السموحة يمة بس قولي لي من المعرس تكفين يمة الله يخليك الله يوفقك الله يـ....
ام محمد تقاطعها: خلاص زين زين باقول عاد انتي تلصقين بالواحد إلين يقولك....
شذى: زين مين المعرس؟؟؟
ام محمد: خالته تراها معيدة بالكلية عندك بقسم لغة عربية؟؟
شذى والفضول ذابحها: بالله عندي بالكليه وبقسمي بعد مين هذي؟
ام محمد:اسمها عبير...عرفتيها؟
شذى والبسمة شاقتها: من جد ونااااسة الصراحة اذا هو على خالته رح يكون جنتلمان...
ام محمد باستغراب: وش جنتلمانه انتي وخشتك؟
شذى وهي مبسوطة:ما عليك مني...زين اذا هو مش من الشرقيه اجل من وين؟
ام محمد: من الرياض...
شذى وهي تناظر امها: من الرياض...وجا الشرقية يخطبني...ليه خلصو بنات الرياض عشان يدور برا...
ام محمد:يقول لاخوك خالد احنا ندور على العرق الطيب...
شذى: اوكيه يمه قولي لي عنه نبذه مبسطة و موجزة اكيد خالد قال لك شي عنه لو بسيط؟؟
ام محمد: خالد يقول ان اسمه تركي وهو ضابط وان عايلته مشالله عليها ناس معروفين بسمعتهم الطيبة ويقول ان ابوه واخوه الكبير يشتغلون في التجارة وعندهم خير... احبائي أعضاء منتدى الغلا فاصل اعلاني خخخخ اكملكم الجزء الثاني بعد ما شوف ردودكم وتفاعلكم مع القصة

الموضوع الاصلي  من روعة الكون