:: عـادي × عـادي ::

عـادي × عـادي

عادي يجي مثلك وعادي تروحين

مثلك يجي ويروح يابنت عــادي

ان رحت ماغيرت فالشرع والدين

وان جيت في صفحتك عندي سوادي

ماني بقايل لك ترا قــرة العــين

لاصرت في عيني تعاف الرقـادي

تكفين ماهي لي ولا اقول تكفين

زدتي عنـــاد وزاد عندي عنــادي

انا العظيم اللي تعلى الصلاطين

تاجه شمـــوخــه كلمته ماتعــادي

وانا الكريم اللي عطا القلب عشرين

عشرين عام احب ضايع وغادي

وانا الشجاع اللي كسر حد سيفين

دونك تهاب الناس صهوة جوادي

شامـخ وراسي لوتميل المــوازين

مثل القمر والشمس حسب اعتقادي

ان ملت ساجد في صفوف المصلين

وان قمت جاء للارض تحتي ارتعادي

يصعب على الرجال طرد المقفين

كــرامته تنســيه صــوت المــنادي

ماتنفــع الدمعــــه عيـــون المحبين

ولاتجــبر الآهات كســر الفــؤادي

مسكين متغطرس جرح قلب مسكين

نفذ مراده قبـل ينـفـذ مـرادي

اقفيت انا مقفي ولاكن على وين

انت اجتهد تنسى وانا في جهادي

رحتي مسافه والرجاء لا تعودين

عادي انا قبلي تراك انت عادي

وسلامتكـــــم ..,,

الموضوع الاصلي  من روعة الكون