وين ادورك

وين ادورك


شلون اكضي الوكت وانتة بعيد عني
وانة اكضي لليل افسر اسباب هجرك


جم عذر دورت ابرر بية غيابك
يافكر يكدر يوضح اسباب عذرك


صار مدة وماتجيني ومانسيتك
باقي كل لحظة تمر بيهة انة اذكرك


من هجرتني صدري وية الهوى اتعارك
مايريدة ايريد بس بريتة عطرك


يل جنت امرايا اشوف الدنيا بيها
اعمى اذا ماشوفك انة اشلون اكسرك


يابحر طولك اليمتد بخيالي
منين اجيبلك خلك يكدر يعبرك


وانة اكضي الليل سهران اعلة بابك
يمتة بابك ينفتح ونشوف بدرك



من رحت مادورت واسالت وينك
لان انتة بروحي عايش وين ادورك


يانهر صافي بزلالك تشفي علة
وانتة حتى الماي اذا يعطش ينطرك


وانة صحرة وانتة كطرة ماي بية
بعيني شلتك ماشربتك خاف اهدرك



ياكسر ضليت بين ضلوعي عايش
والزمن جربتة مايكدر يجبرك



ياشعر بية لوحة تشرح كل عذابي
ويامشاعر مابجت؟ لو تقرة شعرك



ياصعب كلش اذا قسيت كلبك
وانة كلبي بلون شعري ومايكدرك


وراح اكلك روح جرب غيري بلكت
تذكر ايامي المضن بيهة يذكرك



تذكر ايامي المضن بيهة يذكر

الموضوع الاصلي  من روعة الكون