مدينة الشوق

مدينة الشووووگ



ضليت الدرب ابلياچ يا بنية
ودخلت مدينة الشوگ مجبور


اتعجبت عالجدران بدموع مبنية
وكلام العتب عليهة شلون محفور



ولوحة ابضخامتهة معلگة ومدمية
بكل لحظة تفتح جرح وتفور


وسفينة تنقل جروح مشفية
اسماء تنذاع ابين كل الحضور


اثاريهة تصلح الآم واهات منسية
ترجع حبيب المشتاگ وتردة مسرور


قدمت طلب بلچي ترجعچ الية
گالت اصبر ايام ... وليالي .. وشهوور


داريت الحزن وفضحتني الدموع العلية
وچ گلبچ شگد قاسي اوياي مغرور


ملت متاناتي ومل الصبر بية
وقدمت ايام عمري لعيونچ نذور


اسمعت اجمل خبر السفينة مرسية
رحت زحوف ووگفت باول الطابور


ما ذاعت اسم والتافت علية
وگالتلي بصوت ناصي مقهوور


انسى الماضي وامسح منك الاذية
گلبك بسمهة يرجع محرم ومحضور


هاجرت مدينة الشوگ وهموم بية
بعيدة الباب وچ عبرت السور

الموضوع الاصلي  من روعة الكون