عيد العراقيين

عيد العراقيين

يا ألهي

العيد اجانة

وبعده ثوب الحزن الاسود

لابسينة

وبعده طاري الموت

بينه

شوكت نفرح

شوكت نرتاح ونكول الحزن

ولّة

وننفض غبار الموت

من بيوتنة

العيد اجانة

يا الهي

واحنة كل واحد بديرة

الاب يدور على ولده

الام توّن ونّة ثكالى

الخوف هدهة

الحزن شلهة

وبيهة والله الوكت لاعب

لعبته

الاخ يدور وين اخوته

بيامدينة

بيامكان

الاخت ظلت تنتظر

دكة الباب

وشيجيب الباب غير الموت

وغير الموت

بالله شيدك بيبانة

يا الهي

شكد تعبنة

وماعرفنة الي يعين

ياالهي

شكد حزنة

ومالكينة

الي يواسي

الموت..قاسي

الكل..نساتة

وما بقت إلا رحمتك يا الهي

وكون ياربي

تكون ويانة






احمد الشاعر

الموضوع الاصلي  من روعة الكون