أحلام رجل منسم ...........؟؟

قصة رجل منسم !!

--------------------------------------------------------------------------------


باص الجنة وباص النار

**********************

جلس ذلك الرجل على السرير الابيض ... في احدى المستشفيات في الخليج

وكان كل جسمه شاش ورجليه كلها جبس

وما تسمع الا اه واوه واي ومادري شو

مغير يون من الاوجاع اللي فيه

عاد انا قلت يمكن انه مسوي حادث قوي

او انه محترق او او او ... الخ

المهم جت الساعه 4 العصر

وبدا وقت الزيارة

انا استغربت من شي غريييييييب وااااااااااايد

كل من جاء يزور هالشخص يطلع من عنده ميت من الضحك

انا جاني الفضول وقلت وش السالفة

وعلى هالحال كل من جاء وسلم عليه ما تسمع الا ضحكهم من ورا الستاير

انا قلت لازم اعرف وش السالفة

انتهى وقت الزيارة

وانقز له على طول

واتشافا له واقوله الحمد لله على السلامة

عسى ماشر ومن هالكلام

وانا كل همي اعرف ليش يضحكون :

المهم قلت له : انا اشوف اللي يجونك ما يرحون من عندك الا وضحكهم واصل اخر

المستشفى ... قال لي : ليـش عاد أنت حاسدنا على الضحكة ... قلت له :

لا يـا أخوي مب كذا السالفة والله لو عندك مليون كان يمكن أحسدك ! ... بس اضحكوا عادي خذوا راحتكم بس بغيت اعرف السر يعني ... اذا ما عندك مانع ... قال لي :

طيـب ولا يهمك ... انت مثل ما تشوفني مكسر ومربط بالشاش ...

قلت له : ايه والله ... الله يشفيك ...

قال لي : يا طويل العمر انا ساكن في شقة في الدور الثاني ... وعندي بلكونة مامن زيـنها ... واذا نمت فتحت باب البلكونة ... وطفيـت النور... وتسدحت على السرير ...

ويوم نمت على السرير ... وغصت في اعماق اعماق نومي ... حلمت اني في يوم القيامة ... وحلمت مثل ما تقول ان الناس في مكان مثل موقف الباصات وفيه باصات رايحة للجنة وباصات رايحة للنار !!! ...

المهم الجماعة ينادون بالاسامي ... فلان بن فلانة باص النار ... فلان بن فلانة باص الجنة ... وهكذا

فلان بن فلانة ... هذا اسمي ... وقلبي يـدق و يـدق ... روح باص الجنة ...

اووووووووووووه الحمد لله ارتحت

ومشيـت ادور على الباص اللي مكتوب عليه الى الجنة ... وحصلته ودخلت فيه ...

مشيـنا بالباص وبعد فترة جاتنا لوحة مكتوب عليها (الجنة 50 كيلوا )(النار 100 كيلوا )

وهذا وحنا مع اللوحات ... والله ونتعدى الجنة ... قلت يمكن السواق يـعرف مكان لباب ثاني ...

شوي وشفت النار 15 كيلوا ... وبعد شوي النار 10 كيلوا ... وكل شوي نقرب من النار ... يا رجال وش السالفة ...

المشكلة الناس ساكتيـن وماحد قلق في الباص الا انا ... قلت بدخل عالسواق وشفته معطيني ظهره ... إيـه إإإيـه أنت وين رايح ؟؟؟!!! ... قال لي بدون ما يلتفت : رايح النار يا حبيبي ... قلت له :

ويـش ؟؟ انا من اهل الجنة ... وليـش توديني النار يا وجه النحس !!!...

والتفت لي ... طلع هو ابليس !!! ... الله يلعنك ... انا من اهل الجنة ... ياملعون لا توديني النار ... انا من اهل الجنة ... والله العظيم اني من اهل الجنة ...

تو من شوي قايلين اسمي ... وقف يا ملعون ... وقف يا ملعون ... وهذا انا أصورخ... وهو بانواع الضحكات الشريرة هاهاهاهاها ... هاهاهاهاهاهاهاها ... هاهاهاهاهاهاهاهاهاهاهاهاها ...

قلت له يا ملعون وقف !!! أبي انزل !!! ... قال : والله الباص هذا مبرمج على انه ما يوقف الا في النار ... تبي تنزل أقفز منه ... وركضت على الباب وفتحته ...

وهوووووووووووووووووووووووووووووووووووووووووووب



ولا وعيت الا في المستشفى ... قافز من البلكونة ... في الحوش !!!