دلـــة الــرسـلان ..!!

على ريح الدلال اللي تفوح الهيل وطيب الفـال
اصوغ القاف واثنيبه وكـل حـرف يعنينـي
وبعد الله وذكر الله ربـي المعتلـي ذو الكمـال
تجيني موجة احلامي همول مزون فـي عينـي
وعلى ذكر الجمايل اللي تبدل بالخصال خصال
تسطر الوان الحقايق علـى الكـراس تلوينـي
سليل ملوك ياغاوي لامن طرف جد ولامن خال
مدونه عاداتنا وسلومنا على الصفحات تدوينـي
حصرنا قاع ماتنمد مشينـا شرقهـا والشمـال
ولاحنـا علـى المرقـاب نشكلهـا بشكلينـي
كلام الواقعه بين ماهـوب محـو مـن خيـال
ومصير الوقت يرجع بك وعلى قوله تجارينـي
رسنا رمـح ..وماجينـا نغيـر الحـال حـال
مطنخ راس وفخر الباس لـي قلـت ضلعينـي
صغير القوم ينطح لي صار به بالعلوم شكـال
ولاحنا بليل الدون والشكـات ننكسهـا مقفينـي
نطوي وجه المشكله نردها برد لو هي اشتعـال
نوردها على صم الصفي لين تقـص نصفينـي
ولاني مادح نفسـي واشيـد بالرجـى آمـال
مصير العبد لي قبره وخلـق الآدمـي طينـي
خطينا الطيب من ساسـه ليـن عدينـا طـوال
وبسطنـا كـف ماتنمـد لغيـر الله مدعينـي
ماهرجنا بحكمة الزيتو ولا بقولة قيل ولا قـال
راعي الدار اصـل الـدار يكملنـي عناوينـي
ولاعاد تطـري لـي حـط فـلان ولا شـال
تعاهدنا على الاسلام بالعرف والشرع والدينـي
وعلى بدع المثايل اللي تمجد بالرجـال ابطـال
جبت القـاف وانهيتـه وطلبتـك لا تطرينـي



وسلامتكم من الشر ،,,

تحياتي ..

!! روعتي بكلمتي!!

الموضوع الاصلي  من روعة الكون