ياغالين ماعجبني الركود اللي بالمنتدى
وجيت بهالقصيدة اللي اتحدى بها كل شاعر
ابي اشوف مين هو اللي قد التحدي من الشباب
وهذي بأسم كل فتاة بالمنتدى..............
تعال أعلمك التحدي كيف!!
يمــين الله يمــين الله لأعلمــك التحدي كيف
:::::::::: واعلمك القصيد شلون يخضع لي وانـا بنيه
واعلمك السما وشلون تمطر والليـالي صيف
:::::::::: واعلمـك المذاهب الأربعــه وتبيت النيه
انا بقولها لك جد00ترى ما ينفعك ياحيف
:::::::::: واذا انك "انس" ياعمي تراني ساس جنيه
يقولون السما زرقا وانا اقول البحر والسيف!!
:::::::::: بهم نفس الزراق اللي نشوفه بالسما زيه
يقولون الفضا واسع وانا اقول المدى ما شيف
:::::::::: اجل وشلون لا شافو فضاهم للمـــدى فيه!!
مداي اكبر من وجيه بها كذب ونفاق وزيف
:::::::::: وصداي ارحب من نفوس الرجال وكل نشميه
امد الكف واراهن واعرف صيغة التعريف
:::::::::: مدام ان الوجيــه السود والكفين مقريه
وضوحي مثل عين الشمس ما يحتاج للتوصيف
:::::::::: واعرف ان الجهامه عن وجيه القوم مطويه
ترى هذا قصيدي جاك بلا غش ولاتحريف
:::::::::: واذا منك لمست سهيل 00تعال وصافح يديه
بشموخي اتحداهم
الموضوع الاصلي
من روعة الكون
آخر 10 مشاركات
17-10-2007, 04:13
أعلمك التحدي كيف؟ وأعلمك القصيد شلون يخضع لي وأنا بنيه!!تحدي لكل الشعراء
العرض الشجري
