متى تحج البقرة على قرونها.....؟

السلام عليكم ورحمة الله وبركاتة
متى تحج البقرة على قرونها.....؟
سؤال يثير قريحة كل كائن على الارض...
هذا السؤال اثار اهتمامي لان هذا السؤال
يحتري (ينتظر) كل انسان حتى يولد ثم ينشب براسه
حتى يصبح شبابا او عجوزا
اخواني اخواتي اما بعد..
سؤال يتبادر الى ذهن الجميع دائما
سؤال طالما توقفت عليه الامال والاماني
سؤال يمكنك وضعه تحت السرير
او ركنه على الجدار او الاحتفاظ به في الثلاجه
او في اي مكان حتى تعرف مدى صحة هذا السؤال...
المهم
السؤااال هو : متى تحج البقره على قرونهاااا !!!؟؟؟
_ الزوجه المسكينه في انكساار وتميلح بعد ان استشورت الشعر
زوجي يابعد عمري يابعلي وش رايك نروح نتعشى في مطعم اليوووم؟
الزوج وفي يده عقال
(لاحجــــــــت البقره على قرونها...)
_ الطفل الاشهب الاغبر توووه لاعب كوره
مع عيال الحاره : ماما اشتريلي لعبه زي كل اصدقائي
الام وفي يدها ملاس الجريش
(لاحجت البقره على قرونها...)
_ فتاة طموحه تصيح بحنجرتها المبحوحه متكيه
على ركبتها ومدنقة(ن) براسها والشعر يغطي عيونها:
بااابااا بروح لبيت صديقتي
الاب وهو يرش عليها رذاذا من التُفال
(لاحجت البقره على قرونها...)
انه لمشهد يدمى له القلب... وتدمع له العين... وتنشق له الخشوووم...
كل هذه الامال تتحطم وتتكسر كالقزاز المتناثر
والسبب ان البقره لم تحج بعد على قرونها
اخواني اخواتي اما آن الاوآن لهذه البقره ان تحج وتفكنا من شرها؟؟
<<----- قلبها خطبه
قولو لي وش السواااات؟؟
هل نمسك بالبقره ونحججها على قرونها ونصورها
ونجعل الكل يشوفها ونجعل كلاُ يحقق مُنااااااه ام ماااااذااا
بصراحه ناوي احجج البقر على قرونها وش رايكم انتم؟
بتردون والا اذا حجت البقره على قرونها......

الموضوع الاصلي  من روعة الكون