اريد احجي واشتم اهلي

لاهو صوج الوكت...والزمن مو غدار..
اهلي كلبهم حجر .. والعشك عدهم ثار
حرموني منك غصب..حركو الشوك بنار
ليش انه مني شبدر .. ومنك حبيبي شبدر
دمعاتي صارت نهر ..كتبتلي كومه اشعار
ليلى صرت يا محب .. وانته صرت مجنون
وعيون عند الكلب ..وجروحي عد عيون
نبجيك والله ونحن ..يابعد هاي الدار
طيفك يمرني غفل ..يشبكني جنه سوار
يا حلم انته ووفي ..ارجوك لا تنهار
ارد احجي واشتم هلي ...رفضوك الييه تصير
كالو غريب الخطب.. ماننطي مهما يصير
عمي علييه انكلب ..جنه شمرني ابير
يحلف يمين بغضب .. ياربي شنهو الصار
شـِكلو جناحي بجمر .. والكلب يمك طار
شوف الدرب بس أثر .. ضلينه بس اثار
واطلال حبنه انتهت .. صارت بعض احجار
هيج انتهينه بأسف .. وسفه الزمان اندار
ولو انت ردت الصدك .. لا هو صوج الوكت ..
والزمن مو غدار ....
اهلي كلبهم حجر ..والعشك عدهم ثار ..

الموضوع الاصلي  من روعة الكون