*&^أقطـــــــــــع الراس قدامك_ولا أخضع لأشكالك^&*

جبرك الوقت ترجعلي جبـرك وجيتنـي ندمـان
..........دمرك الشوق يا خايـن وجيـت تسابـق ظلالـك

عرفت الحب بغيابي وعرفت انك معـي غلطـان
..........تأكد مـا يشرفنـي طريـق(ن) دربـه وصالـك

تبيني اخضع لجل عينك وانا ما اخضع ومهما كان
..........اقـطع الـراس قدامـك ولا أخضـع لأشكالـك

لعبت بحسبة جروحي وكتبت من الحزن عنـوان
..........ونسيت اللي يحبك موت وصار الغيـر يحلالـك

إذاغيري يبي قربك وصـرت فبحـره الغرقـان
..........نصيحه لا يموت الحـب ومـن قلبـي هنيالـك

تشب النار في قلبي وتنسى انـي معـك انسـان
..........تخالط بالشقـى هيلـك وصـب الهـم فنجالـك

بعد ما انقلبت الدنيـا تجينـي محتـرق ولهـان
..........وتقول ارجوك سامحني ووعـد منـي ابوفالـك!!

تبي قربي أنا حاظر ولكـن بطلبـك مـن شـان
..........تشوف شلون لي عـزه تـرد الجـرح لأمثالـك

أبي تبكي على شاني وأبي تصرخ من الحرمـان
ولو إني بآخـر الدنيـا ابسمـع صـوت موالـك

أبيك تصير مجنوني ومن شافـك يجـي شفقـان
..........يقول شلون علمنـي وش اللـي غيـر أحوالـك؟

تدل الدرب من دونـي وقدمـك سكـة الأحـزان
..........توكـل لا تنادينـي ويعينـك الله علـى حـالـك

وأنا يكفينـي ذليتـك وحديتـك علـى الهجـران
..........تقول الموت من بعدك واقـول هنـااااك اشوالـك

غسلت ايديني من حبك وبرحل واهجرك يافـلان
..........فمـان الله وباقيلـك نصيحـه خلـهـا فبـالـك

ترى من يضحك الأول مصيره فاللعب خسـران
..........وأنا من يضحك الثانـي عشـان أحطـم آمالـك

وان شاء الله تنال اعجابكم

الموضوع الاصلي  من روعة الكون