قصيدة الموناليزه

اذا مو بيك اسولف انه ماموجود


لان بس بيك اسولف كل وكت انه


تدري انته بمكانك وين بيه ايصير


بس شويه اوخر تطلع هنانه


مو بس انه احبك انه وانه هوايه


وبعد من عندي عشره انحبك ويانه


ادري انته بشر بس هل الخضار منين


ابو البستان شافك حرك بستانه


الورد من شاف طولك بس عليه مريت


مايقبل بعد يكعد بسندانه


ادري شلون رايك يعني كلنه انموت


كول انموت كلنه منين دفانه


الحانه وداعتك سكرت ناس هواي


بس انته الوحيد السكر الحانه


بتهوفن امس لوسامعك ماصار


يم صوتك امس جاكعدن آلحانه


يلومني من اشوفك اسكت من الخوف


عمي الشاف طولك ضيع اللسانه


ربك بالخلق سواك بس سواك


وانه وذوله مدري شلون سوانه


لاتطينه عين ايجوز نلهس بيك


بس اطينه جارك نشتم اردانه


بس كون افتهم فارس احلامك وين


وهنياله اليشوف امبارك حصانه


بس اوكف دقايق رحمه للعباس


بس اتمر عليك اطيب مرضانه


اذا بس انته بيه الدنيه جنه اتصير


واذا مابيه انته الدنيه خربانه


انه الدوم احبك مستحيل انساك


اذا انساك صدك هذا مو انه


__________________

الموضوع الاصلي  من روعة الكون