××××××××××غسلت وجهي×××××××××

السلام عليكم
كيكفم ان شاء الله كلكم تكونون بصحة و سلام
هاذي قصيدة عجبتني و نزلتها عساها تعجبكم إن شاء الله
:>:>:>:>:>:>:>:> :>:>:>:>:>:>:>:>:>:>:>:>:>:>:>:>
غسلـت وجهـي وحلـم/ن كـان باقيلـي
يوم ان دمعـي وحلمـي طاحـو اْرباعـه
محـدن درابـي سـوى كفّـي ومنديلـي
وصدر/ن من الحزن ضاق وصاحت اضلاعه
يـا ليـل قلّـي دخيلـك ويـن قنديلـي؟!
ما عاضنـي فيـه ضـي اْنجـوم لمّاعـه
قنديلـي اللـي قهـر ظلـمـاك ياليـلـي
هبّـت ريـاح الزمـان وطفّـت اْشعاعـه
يا ليـل مـا تحْزنـك جـرّة مواويلـي؟!
اذرف دموعـك وجـاوب نفـس ملتاعـه
لا تْصير مثـل الزمـن قاسـي و ناويلـي
وتبيع عشرة عمـر ويـاك فـي ساعـه!!
كـل مـا بكيـت بألم..ابغيـك تبكيـلـي
وخلْنا انتقاسـم همـوم القلـب واْوجاعـه
يا ويـل قلبـي عقـب فرقـاه يـا ويلـي
وقتي عصاني وانا اْمشيله علـى الطاعـه!
لبسـت ثـوب الامـل وانهدّبـه حيـلـي
والقلـب لثيـاب ياسـي صـار شمّاعـه
انـا زرعـت الوفا..لـكـن محاصيـلـي
اشـواك نكـران ادمـت قلـب زرّاعــه
يا ليتنـي كنـت عـارف ويـش يخفيلـي
وقت/ن عقب ما صفالـي غيّـر اطباعـه
ليتـه مثـل مـا خبرْتـه دوم صافيـلـي
ما كان دمعـي وحلمـي طاحـو ارباعـه




للشاعر
سعيد الاحبابي
9/9/2007

الموضوع الاصلي  من روعة الكون