الجزء الأول-...وكل من قالوا الأقارب هم عقارب صادقين

بسم الله الرحمن الرحيم

اخواني و أخواتي أعضاء المنتدى الغالي

أنا ( محمد التركي ) عضو في منتدى الأحساء الشعبي بجمعية الثقافة

والفنون بالأحساء

وعضو جديد في منتداكم الغالي

وبدأت في تأليف الشعر منذ 4 سنوات تقريبا

ولي مشاركة في احد المهرجانات

والقادم أكثر ان شاء الله


وسأطرح بين اياديكم اليوم مشاركة شعرية اجتماعية
وأرجو أخذها بعين الاعتبار
لأنها لقصص حقيقية لا خيالية
وساطرح لكم عدة مشاركات لهذا الموضوع
عن طريق أجزاء
وهذا هو الجزء الأول منها

( دنيا عجيبة )

دنيا عجيبه و الأهـل ودهـم يجبـروهــا عــلـيه
هــو ولد عــمّــتها وهــي مــا ودّهــا والله فـيه
تقـول ماني مـوافقـه يقولـوا لا غـصبٍ عـليـك
ما هـو بكيـفك ترفضيـن اللـي يناسـبك و نـبيـه
جات امّها قالت لها وش رايك انـتي فـي فـلان
قالت ويعني لو رفضت قراري إنتي بتسمعـيـه
قــالـــت لهــــا أكـيــد لا قالــت وليـه بتسـأليــن
قالت لهـا هــذا فـلان مـالـه فـي هـالعالم شـبـيـه
ما تخيّلت في يوم يصبـح ولـد عـمّـتـها كــزوج
هذا سبـبهــا الـلـي تـقـول هــذا سبـبها وتكـتفـيه

هذا زواج ما هـو بلعب مـو بكيـفهـم يتحـكـّمون
وشلون تبني هـمّهـا عـلـى رجـا هــم يـفـرحـون
إن قالت انهـا ما تـبـيه فــزّوا عـليـهـا بالغـضـب
بعـدها بـايّـامٍ قــلال جـابـوا مهـرهـم يخـطـبـون
وش كان موقفـها سوا ضيـقة صدرها بالضلوع
راحت تصيح وتشـتكي هـمّ الأقـارب والحـزون
و إن جـا أبوها يستمع راي الجريحه وش تقـول
ضاقت بها الدنيا بثوان والدمع فاض من العيون
وصارت تضاهر بالرضا على حساب جروحها
مـا ودّها تخـلـف كــلام أبــوهـا لـو مهـما يكـون
هـو خوف أو هـوّ الخجـل أو ردّها دون اقـتنـاع
ما تعرف اسـم شعـورهـا تجاه من له يخطـبـون
ما من مواسي لجرحهـا الكـل يجـرح مـا يحـس
واللــي مثــل ذول الأهــل لابــدّ يـومٍ يـنـدمـون

( الأقارب عقارب )

ذي عظيمه في حـكايـتها المواجع و الأنيـن
وكل من قالوا الأقارب هم عقارب صادقين

الكـل يحكي بقلـبــها بطيبه وصدقه والحنان
ما كان يخطر وقتها في بالهـا تنسى الأمـان

صاروا أهلها يجبروها بالزواج من القريـب
مو بكيفها لو بالرضا أو باستحاله هي تجيب

بان اللي خلف الأقنعه و اللي معاها وضدّهــا
بين القلـوب الخـادعـه و اللـي يمـينه مــدّهـــا

و الـلـي خطبها منبهـر وأفراحه فيها ما تقاس
مسـكيـن يجـهـل إنـّهـا ما وافقت من الأسـاس

وش كـان ذنبه بكذبهم أصبـح ضحـيّـه مثـلهـا
يالله تـجـعـل دربـهـــم يسهل له و يسهـل لـهـا

وسلامتكم

واعذروني عالإطالة