دامك عتيبي وش تبي بالبقيـــــــــه

السـلام عليكـم ورحمة اله وبركاته :


ما عادني حي ولا عادني ميت
من عقـب مـا للقلب روح خوية
كيـف انت ياللي رحت عنا تخليت
ادريبها روحتـك عني قـوية
مير انتبـة بنصحك لامن تشكويت
بنصحك وللـرفقة فروض علية
الدين دينك تمسكة حيـن صليت
وآيات ربك بيـن فجـر وضحية
والصـبر صبـرك وان غدن المفاويت
كلش مقدر عند رب البرية
ولا البخل ياخوك درب الطـواغيت
يخلـي حلالة عقب ملفا المنية
اطنخ وخل العمـر كلة مكاشيت
البر عاشـق والعـذارى المطـية
ليا جاك طرقيا ثـم قلت حييت
سوالـف وقـهوتن على نار حية
لا غيبة تذكر ولا قال ابا الفـيت
وقـمت وذبحتلك شاتن رعيـة
والربع عزموا من بعدهم تعشـيت
وسكـر علـى الشاهي تزيدة شوية
طقة بلوت وكـل مـن فية فتيت
هذا معة خمسين ومعك انت مية
واللى سرى يم ابلة ولي على البيت
وارقـد وصل الفـجر بنفس زكية
والنـاس اشكالا لها مـا تناسيت
اختر خـوي مثل شرواك زية
وزد قيل مايخلـط من الماء والزيت
واصابـع اليدين ماهي سوية
وبربعك العتبان علق بها الصيت
دامـك عتيبي وش تبي بـالـبقية
هذي شهادة حق وانـا لها ادليت
قوم قروم مـنـزحة كل عية
شيوخ الرجال منوخـت كل عفريت
اهـل الشجـاعة والكرم والحمـية
ولـو امدح العتبان واللة ماأوفيت
من شرق نجد اليا حدود الحـوية
د



وسلامتكم

الموضوع الاصلي  من روعة الكون