الى اعزائي اهل المنتدى

السلام عليكم
هي دارميات اهدي دارمي الى كل شخص الاحبابنه الغالين
..............
(قيثار الحب)
صورة انته وسط العين تبقى بخالي
وكل ما يمر طرواك ينكلب حالي
...........
(رومانسيه للابد)
لا تظن يوم انساك يالروحي عندك
لو ماكفر بالدين صدكني عبدك
..............
(ملكة الاشواق)
لو غاب عطر الورد عطرك يضل يفوح
ولو طال بينه البعد ساكن تضل الروح
..................
(براءة)
لاتظن يوم انساك لو يوم اعوفك
صدك ابيع الروح بسكون اشوفك
....................
(الحي الميت)
اتمنى عندي جناح وكل ساعه امر بيك
معذبتني هي الروح بس تنشد عليك
............
(خكرونه)
اتمنه روحي تطير طير الحمامات
وتمر على الغالين تنقل سلامات
.................
(تناهيد المسافر)
تسال عليك الروح ليش انته غايب
القلب من فراكاك شاف المصائب
................
(روبى)
حسبالك انا انساك والله انته غلطان
جوه الجلد مو جود يعني انته شريان
..................
(عراقية وافتخر)
اهديلك انا الروح وكل ما ملكته
صدكني ارضه الموت بس سالم انته
.............
(المقاولون)
بسك تعذب الروح دوخني حبك
لاتظن يوم انساك لاوحك ربك
............
(سلطان الغرام)
محبوبي دك الباب دك عرفتها
من السطح للكاع روحي شمرتها
..............
(مشاعر طفل)
مو روحي بيه تعيش مرات اشك بيك
مرات احجي الروح حسبالي احاجيك
...............
(جفاف وردة)
كون اشلع العينين وارسلها الكم
وترد اليه ردود وبيها صوركم
.............
(قيثارة الليالي)
صح من انام الليل اغمض العيون
بس الكلب والروح بيكم يفكرون
............
(نجديا ارضي وسماي)
انت النهر ياحلو ويبقى عذب جاريك
ويزداد حبي الك كلما يمر طاريك
..........
(ريما رياض)
اسال عليك الروح مدري شتكلي
مدري انته نصف الروح مدري انته كلي
.............
(تخنقني العبرة)
نايم وافكر بيك من اكعد شلون
اعتقد لو مشلول لو اعمى لعيون
......
(غزال العرب)
اصفن اسولف بيك كل فكري يمك
اسمي الثلاثي انسا ما انسا اسمك
.............
(الساهر)
ماغمضت عيني الليل بس بيك افكر
لابيه طول بعاد لا بيه اصبر
.............
(ملاك بغداد)
مجروح يضل القلب والجرح من فركاك
انته الحبيب الوفي والروح دوم وياك
.............
(فراشة بغداد)
حسنك دخل منهاج عند اليدرسون
والنجح بالشفتين يرسب بالعيون
.............
(اسيرة الحب)
مانسينا ولا قسينا ولاكن خذتنا الدنيا والتهينا
يشهد ربي حبكم بعده فينه
.................
(احساس مؤلم)
تدري شوكت انساك يااغلى الاحباب
لمن يجيني الموت واتغطه بتراب

..............
وهذا دارمي اهدي الى الكل


اليتيم مو لي يموت ابوي لو تموت امه
اليتيم اليفز بالليل ما يلكه المحب يمه

وعذروني اذا ما ذكرة كل الاسماء يالغالين

الموضوع الاصلي  من روعة الكون