رسالة عتاب

[font=Verdana]رسائل وسائط ( عتاب)[/font]

(فخامة كبرياي)

لعنبو قصة غرام كل أبوها كلمتين..
ابتدينا عند احبك و انتهينا عند باي..
تونا ما مشينا في الهوى لو خطوتين ..
وانتهى الموضوع فجأة !
مدري وش خطاي..
انتهى الموضوع كذا بكل سهوله تحكمين ..
وين أحبك وين أبيك وين ساكن في حشاي..
يمكن انك ما وفيتي يوم جيتي تعشقين ..
و يمكن انك تحسبيني بتبعك من دون راي..
و يمكن أصلا ما عشقتي بس كنتي تلعبين ..
و يمكن انك ما وصلتي في هواك لمستواي ..
و يمكن اني ما عرفتك في الحقيقة وش تبين..
و يمكن اني خنت نفسي يوم اعطيتك وفاي ..
علميني في الهوى ياجاهله وش تعرفين ..
تعرفين إنك غديتي شي يجري في دماي ..
علميني في العطا و التضحية وش تفهمين ..
لعنبو حبك عشانك طنشت أقرب أقرباي..
كنت أحطك في عيوني تسرحين وتمرحين ..
كنت أشيل هموم قلبك و أرمي همومي وراي..
كنت أطير من السعادة يوم أشوفك تضحكين..
كنت ذايب في هواك مثل سكر وسط ماي..
كنت نايم في العسل وارسم من الفرحة سنين..
كنت اظنك قلب عاشق ماسكن وسطه سواي..
ما وعيت إلا و إنتي في خفوقي تطعنين..
ما وعيت إلا سيفك في الحشا رايح وجاي ..
ورده اي والله ورده بس عرفتي تجرحين..
كل شيء فيني جريح إلا فخامة كبرياي..
ما تأثرت بغيابك ويش يعني دمعتين ..
بكره أنسى صدقيني و أرجع بكامل قواي ..
ادري ان حنا افترقنا بس ابفهم حاجتين ..
علميني وش كسبتي و علميني وش خطاي ..
أصلا الموضوع كله ما تعدى كلمتين ..
التقينا عند أحبك و افترقنا عند باي ..

الموضوع الاصلي  من روعة الكون