يوميات ديناصورات زمن العجائب..لايفوتكم رهييب

مر حبا بنااات,, قريت ها الموضوع الزين وحبيت انكم توسعون صدوركم فيه وتقرونه



كان ياما كان في قديم العصر والأوان كان فيه ديناصورات بس انقرضوا وأنتهوا,,,,,,,, ,,,,,,عاد اقولكم انقرضوا وانتهوا
قام طلع لنا عاد دينصورات هالزمن زمن العجايب على قولة الرويشد
دينصورات بس بشكل مصغر
ما ادري ايش اقول
دينصورات
تماسسيح
همج
اغبياء
ما يفهموووون
كل شي شين يصلح نقوله فيهم
نتكلم الحين عن الديناصورات من 15-35
1- يشوف عاد عمره 15 يحزب انه صار شي عظيم ويقوم يقول ياأرض هدي محدش قدي
ينقلب اخينا في الله عضو في هيئة الأمر بالمعروف والنهي عن المنكر
(بس على اهله وخواته)
من يشوف اخته طربانه على اغنية في التلفزيون حلوه يصعد السطح ويحوس الدش حوووسه بس عناد عشان ما
تفرح اخته ولا تستانس, يروح مع اخته السوق على انه محرم وما يرجعها والا وهي تتبكي
على باله كل اللي في السوق بيغازلونها
2- من الفضاوه يفكر كثير
كيف اطلع حلووو؟
يقوم يدخل غرفة اخته ولا امه
ويكركب الأغراض كركبه
يستشور شعره ويرمي الأستشور
ياخذ الجل يحط شوي ويكب الباقي من النذاله
3- يسهر طول الليل
ولما يصحى يجي يقعد في الصاله كنه كنغ
هو جوعان بس ما تكلم
كذا يجي يلعن ويسب بخاواته
الله ياخذكم ما تشوفوني قايم من النوم وين الغدا
ولما تجيب الغدا
حتى ما يفتحه
يقول ميد امه
يما عطيني فلوس بررروح اتغدى برا
لعانة
4- لين صارعنده امتحان يقعد طووول النهار لعب ولما يجي الليل ما يدري ايش يسوي مافتح الكتاب والوالد متوعده بالعقال اذا يسقط مررره عاشره
ما يلقا حل غير انه يبرشم
ولين جا الأمتحان مشا الله لينه حاال كل الأسئله
ويجي يخرب على أخته اللي ذاكرت وما جابت درجات زينه وكل المدح بيكون في الديناصور الغشاش
5- لين صار عمره 17 يشتغل له حنه ورنه
يمااااااااه
يبااااااااااااااااه ابي سيارة حرام عليكم انا الظاهر بعجز ما شريتوا لي سياره
لين شروا السياره من اول اسبوع ياخذها الا مسوي الف طعش حادث
6- ينحاش الملعون من البيت (مسوي زعلان)ويروح يقعد بالأستراحه مع اخوياه الديناصورات ويشجعونه الأغبياء بعد على النحشه
وتقعد الأم المسكينه تبكي ودموعها على خدها اربع اربع
ولما تموت امه من الصياح بعد اسبوع توه يرجع لا ويجي يكلمها بكل وقاحه وهي تبكي
انتي اسكتي بكلم تليفون ضروري وما له داعي يسمع خويي صياحك
7- تجيه طنات الديناصورات اللي ماعندهم سالفه
ويحن على امه اخطبي لي
ولين خطبت له لينه ناسي الموضوع ويرجع يقولها خلاص هونت اصلا مابعد كونت نفسي
وما عندي فلوس للمهر
ومحد متفشل وطايح وجه غير امه
8- يلقى نفسه متملل وما عنده شي يسويه
يقوم يتفرفر بالأسواق ومغازل في بنات خلق الله
يروووح لسوق نفسه وياخذ منه 200 حبيبه
(مو جد يلعب بعقولهم)
يلعب على 200 حبل
9- يشوف اخته المسكينه توها مخطوبه (يموت من القهر)
وما يرتاح لمن يطفش خطيبها
يطلع من بيتهم كنه مجنون
ماسك شوشته ويصرخ
10- عاد الحين لا صارعمره 30 وعجز توه يتزوج ويمرمط بنت الناس مرمطه
لليلة العرس تتصل عليه تقوله تتعال عشان نصور
يجي ونفسه في خشمه مرررررررررره
ويصور معها صورتين
ويقولها بعدين اخلصي علينا انا ما لي خلق
ويكلم نفسه : الظاهر ذا اليله موب معديه على خير اففففففففففف
11- اليوم الثاني من العرس , البنت تصحيه من النوم ما تلقى الا ذا الكف المقلع مطير وجا
ومن الخوف المسكينه ما تحكي لأحد وبدل ما يصير شهر عسل صار شهر بصل
12- بعد 3 شهور تجي فرحانه تبشر زوجها تقوله عندي شي حلو ابي اقوله لك
لا لا تقولين انتي ما يجي من تحت راسك الا المصايب
لا انا متأكده بتفرح لما اقولك
ولعنة تلعنك قوللي وخلصينا
انا حامل
ما درت الا العقال مقطع جلدها
انا الحين وش ابي بعيالك انتي بلحالك غاثتني تجيبين عيال وش تسوون فيني انتي وعيالك الله ياخذك انتي وياهم
(يدعي على عياله وهم مابعد جاو)
13- بعد تسعه شهور يكون قرب موعد الولاده لين جات ذيك الليله الغبره الل لي بتولد فيها زوجته
وتجلس تحصيه من النوم عشان يوديها المستشفى
وما يقوم الا بالطقاق
ويوديها وينطلها عند باب المستشفى ويروح يكمل نومه بالسياره
ولين جا الصباح توه يتذكر انا زوجته بتولد
وبعدين يروح يدخل ويدور زوجته
و يسألهم هي ولدت؟ يقوللوا ايه
يسألهم هي في أي غرفه
وبعديبن يروح لها ولما يدرى انها جابت بنوته
ويقعد يسب ويلعن مايبقى احد الا ويضحك على المسكينه
هذي ابسط فعايل الديناصورات الله يجازيهم


اكيد اعجبكم

انتظر ردودكم

الموضوع الاصلي  من روعة الكون