ياطر جيبي >>> الاختبارات وماتسوي(( نشوفكم بعد اسبوعين)).. كيبورديه

طبعا اعزائي اصدقاء منتدى روعة الكون


عندي قصيده كيبورديه يمكن يكوون فيها خلل بسيط جدا


ولكن الوقت ماسعفني عشان ادلع القصيده


لاني سوف اغادر المنتدى مايقارب اسبوعين بالكثير


لان الاختبارات بدت:blb7:


واتمنى من الجميع يدعي لي بالتوفيق بالاختبارت


والحصول على امتياز بكل المواد:kaso2:


والقصيده تحكي عن طموحي وحبي للدراسه


بس الله يجازي اللي بيصعب الاسئله ويحرمنا الوصول لهدفنا وطموحنا

>>>>>>>>>>>>>> غصب تجيب ممتاز


اليكم القصيده


ياطر جيبي من اختبار ٍ لـ اختبار

ـــــــــــــــــــــ ومذاكره شي بحياتي ضروري

ماينفع الدكتور تقديم الاعذار

ــــــــــــــــــــ ولا .. اعـّـبي بالمدايح سطوري

دكتورنا ظالم وقاسي وجبار

ـــــــــــــــــــ والمسأله معي تعــّوق مروري

من قلـّة الحيله كتبنا هالاشعار

ـــــــــــــــــــ ودي انا ارضي بقصيدي غروري

حلم الشهاده داخلي صعب ينهار

ــــــــــــــــــ (بزنس ومن) حلمي وفن الظهوري

وأجادل هوامير الريالي بالـ سعار

ــــــــــــــــ واصير هاااااموره وابني قصوري

وان لم اكن ذيبه بتاكلني تجــّار

ـــــــــــــــــ ألا انا هي الذيبه أهدا واثـوري

آآمر على (توفيق) يشب لي نار

ــــــــــــــــ ويصيد لي حباره ويطعم صقوري

وانادي هندينا الخبل هذا (كومار)

ــــــــــــــــ يجهـّــز المـوتر ويفحص مطـوري

ورانا البورصه وعماااارات بدوار

ــــــــــــــ ونشيـّـك الصندوق حق التــجوري

افز من نومي على صوت ابرار

ــــــــــــ تبكي وفي يدينها ذبلت زهــوري


يمه:sm201: رعبتيني وش فيتس وش صار

ــــــــــــــ قالت: اذا ازعجتس فـ اي ام سوري

ابرار شوفي وقتي اليوم غدار

ــــــــــــــ ماحدٍ يحس فيني ويراعي شعوري

خليني احلم والحلم ماهو بـ عار

ــــــــــــــ لاصرت بالواقع اصادم صخــوري

يارب ياخالق هماليل الامطااار

ــــــــــــــ وفقني وسهل عليّـه عبـــــوري


وسلامتكم:a059:


كلمات // شاعرةالمليونksa


دعواتكم


ملاحظه (( بزنس وومن )) بالعربي يعني سيدة اعمال

(( اي ام سوري)) بالعربي يعني اسفه


اتمنى من اي احد يقرا قصايدي ويبي ينقلها يحافظ على حقوقي الادبيه ويكتب تحتها اسمي

المستعار... اوكيشن:a059:

الموضوع الاصلي  من روعة الكون