حال الشباب يوم يحبون NeW

مـــــــررررررحبا ..

حال الشباب يوم يحبووون


. تلقونه دايم كاااشخ وفرحاان ويسولف وطلبو منه أي شي( بيقولكم تم.. انتو بس آمروا)
أنصحكم اذا ما لقيتو حد يشلكم السوق او توصيله حق مكان ..تراها فرصه لا تتعوض طلبوه ..وع ضمانتي ما بيردكم..

2. من فرحته معاشه يخلص من اول اسبوع من كثر ما يصرف ع كشخته ..
اتعرفون عااد عطوورات ويفصل كل شهر 7 كنادير او أكثر... وفواتير التلفون والرصيد..ومن غير الهدايا حق ال؟؟؟؟؟


3. 24 ساعة في السينما (كله أفلااام رومانسية) لا وكل العزايم ع حسابه(أونه عااد)..

4. ما يرقد الليل من كثر التفكير (العيون ما يحتاي الصبح حمر ومتنفخاات بعيد الشر)..
بس أحيانا ما يرقد من اليوع (ظاهرة غريبه) بتلقينه في المطبخ نص الليل يدور أي شي عسب ياكله خخخخ


5. عاااد يا ويل أمه ويلاه..كل يوم الصبح وع الغدا والعصر وفليل
وفي أي وقت (أميه أبى اعرس) ( يستوي شراات الياهل يوم يبا ابوه يشتريله لعبه)خخخ..
ما بخلي حد فالبيت ما بيقولهْ..ع باله العرس في يوم وليله .. <<< هيه والله

6. (هاذي من الواقع وصارت قدامي) بتلقونه حاط اغاني ربشه ويعافد ويغني
و اييوول فحجرته برووحه (ينان من الخاطر)..

7. يوم ياخذله شاور (يتسبح) بيصدع البيت كله من كثر ما يغني في الحمام ..
امرره اللي تبغون تسمعونه..تقول شريط منوعاات ( وعااد يا ليت الصووت حلو ..ما ادري من جاذب عليه وقايله صوتك حلو) .. >>> اظن الحب قايلتله صوتك شرات حمد العامري


8. اذا ست الحسن(حبيبة القلب) في حارة ثانيه ...لا دورونه واايد..
بتلقونه يداور في سيارته هناك..( يسوي استعراض بسيارته..ثاني يوم بتلقونه فالصناعية يعدلها)

9. عاااد اذا زعلت عليه ..اول شي حالة اكتئاب شديد ..ما اييلس فالبيت ..
اذا من هل بوظبي ودبي بتلقونه يرمس عمره عند البحر.. واذا من هل العين
بتلقونه بايت في العزبة يرمس بوشه أو يرمس العمال اللي هناك خخخخ..(والله الدنيا ما تستاهل )


10. اذا سرتو غرفته ..غالبا ما بتلقون عنده دفتر مال قوم بو ربيه(مال صف اول ابتدائي)
بس صدقوني ما بتلقونه بسهوله خخخ....اتعرفون شو بتلقون..أونه حليله يألف قصايد..
لو تقرونهن ما بترومون تصخون من الضحك ..كله كلااام فاضي..ويبات ينقل من المجلااات قصايد..
ويرسم حروف (عااد هنيه الحروف بالانجليزي مب بالعربي يطلعن أحلى) خخخ..
وعااد تعالو اطمشو عالخط.. ما يحتاي..التاء المربوطة تصير مفتوحة..والمفتوحه مربوطه ..وبلاااوي ..



والسموحه اذا الموضوع مكرر ..

الموضوع الاصلي  من روعة الكون