حيرتني واحترت .. وشي نواياك

حيرتني واحترت .. وشي نواياك *** كل ما نسيتك جيت تعلن خضوعك




عجزت افهم بالهوى كيف مبداك *** طبعك غريب ونادر الناس نوعك




مرة تجيني قاطع حدود دنياك*** تسبق معاذير البطاء لي دموعك




في لهفه منهاالوله جاوزاخطاك *** وكن الغلا مستل سيفه يلوعك




ومره احس ان الغلا من بقاياك *** ما ضمته بين الحنايا ظلوعك




صار الغياب اليوم ابرز مزاياك *** واول غيابك ما يكّمل اسبوعك




قلي امانه ريّح البال وش جاك *** لا تنطفي بالحب اخر شموعك




عطني عهودك بالوفاء هات يمناك *** واللي بغيته بالمعاليق طوعك




رهنت شوقي بايع الناس لرضاك ***وانهد حيلي من غرايب طبوعك




ابيك تبقى داخل العين ترعاك *** لو طحت يصعب في المحبه طلوعك




مليت صبري اشتكي منك وانهاك ***يالله عسى ما صابني ما يروعك




هذي حروفي نزفها من سواياك *** ترجمتها باحساس ياصل سموعك




اخاف يومٍ ما يجي فيه طارياك *** وان جيت ترجع ما يسّرك رجوعك

الموضوع الاصلي  من روعة الكون