.."طموح الحبــــايب"..

ابديت لك من خاطري بعض الاسرار

وبينت لك معنى طموح الحبايب

ابيك تاخذني تعابير واخبار

صفحة غلا ما بين ليل وهبايب

لا تنتظر باكر ترى الوقت غدار

يمكن تجي وتشوف روس النصايب

اطو الجراح الماضيه طي الاسفار

واقبل على قلب من الحب شايب

كل الحواجز من عزايمك تنهار

ما دام لك وجد من الشوق ذايب

بالحلم شفتك بدر من بين الانوار

لمعة شعاعك يا حبيبي لهايب

مستاق لك بالحيل ياريح الازهار

متى على الله ينتهن النشايب

الروح من بعدك بها الشوق محتار

شمعة امل ما بين ريح وسحايب

تبقى لي البسمه مع الوقت تذكار

ايام فاتت من طموح الحبايب

الموضوع الاصلي  من روعة الكون