ليه اذا حبيتك أكثر زدت قسوه

ليه اذا حبيتك أكثر زدت قسوه
وان دريت بحاجتي لك .. زدت جفوه

وان عطيتك من حياتي ماتريده
ماكفاك وتحسب ان الحب نزوه

والله اني يا أحب الناس ..أحبك
والله ان الروح لو ترضيك ..فدوه

والله اني تارك غيرك .. وجيتك
مزعل الزعلان والعذال عنوه

كل دقة قلب فيني لك قصيده
تكفي الدنيا مع احباب غنوه

وكل هاجس مايجيب أ خيالك
سلوتي بالعمر.. في صحوه وغفوه
اجمع احساسي واشواقي واجيلك
والبس ثياب الهوى والعشق كسوه
وانتقي من سواليفي حسنها


والقصايد من غزلها كل حروه
وأنثر العبرات والضحكات عندك
واقول اني احق الناس فضوه
ادري اني عادي مافيه ميزه

وادري اني كادح ماحاش كروه
وادري اني في خريف العمر ماضي
مابقي بيني وبين القبر خطوه

لكن اني صادق في ما اقوله
واطلب من الله عن الزلات عفوه


تحياتي

الموضوع الاصلي  من روعة الكون