الروح ولهانه على شوف شرواك

الروح ولهانه على شوف شرواك
وان ما حصل قلنا عليها السلامي
القلب واحد والمشاعر ترجاك
ترجي وصالك قبل دفن العظامي
تبقى رفيق الروح والروح تفداك
ويفداك عمري يارفيع المقامي

@@@

لابان برهان الغلا من يساويك
نجمك طلع ونجوم غيرك تهاوت
ولو شفت احد مثلي يعزك ويغليك
اصرخ وقول ان الاصابع تساوت

@@@
ادري انك صرت ضمن المستحيل
بس قلبي رغم بعدك مانساك
ادري اني منك ضيعت الدليل
والسبب لا شك هو كثرة غلاك
ادري اني من سبب بعدك عليل
الله اكبر صار حبك لي هلاك
ادري اني ممكن القالك بديل
بس وين اللي يساويك بغلاك

@@@
قررت اغامر واتعب النفس بالحيل
واقول ياربي تسهل دروبي
ارمي حياتي بين شبك وحابيل
وابيع عمري في سبيل محبوبي
اما يروح ابعد من الجدي وسهيل
والا يصير اقرب من زرار ثوبي

@@@
المشكله ماهو بقصدي جفاها
المشكله قلبي تعود عليها
راحت وقلبي راح يمشي وراها
من دون مااشعر كل ما ابعد اجيها
حبيبتي لو كان تعرف غلاها
احبها ياناس واموت فيها
المشكله بالضبط ماهو خطاها
خطا الخفوق اللي تعود عليها

@@@
انت العزيز اللي على العز مرباك
وانت القصيد اللي على القاف موزون
وانت الوفي يوم الوفى من سجاياك
وانت الغلا يوم الغلا فيك مجنون

@@@
اشياء كثيره ما تخليني انساك
اعيشها واطرد بقايا سرابك
لك ذكريات باقيه لو فقدناك
صوتك وضحكاتك وكلمة هلابك
حتى المكان اللي يشهد يوم لقياك
الحين يبكي من سبايب غيابك

@@@
بسالك ليه الهوى منك وفيك
ليه المشاعر ماتعين الا بساعة شوفتك
ليه المحبه والوفا وابيات شعري تهتويك
وليه انت وبس اللي اموت ببسمتك
تدري لو مره اقول كرهتك ما ابيك
يرجع صدى صوتي ويقول:
" الله ما اكبر كذبتك "

@@@
كان المسافه ترفض اني اشوفك
خل اتصالك غصب عنها يجيني
وكان اتصالك تمنعه لي ظروفك
يكفي رسايل شوق بيني وبينك
وان كان مالي حظ حتى بحروفك
خلك بعيد ومسكنك وسط عيني

@@@
يا مبعد عن شوفت العين لاباس
ابنتظر لو فرقتنا الليالي
لولا الامل مابه حياة مع الياس
ابتحمل لرضاك فوق احتمالي
انت الوحيد اللي ذكرتك من الناس
وايا ذكرتك كل زين طرالي

@@@
تزعل علي وانا الذي منك زعلان
وارضيك لو حقي عليك اشتكيك
احيان اجي ضدك واجي بصفك احيان
تطيح من عيني وقلبي يشيلك
ان غبت عنك ردني الشوق ولهان
وان غبت عني ما ادور بديلك

@@@
مهما ابعدتني عن مواصيلك دنياي
تبقى بقلبي عديل الروح مهما جفيته
لا. لاتقول اني على الود نساي
انت القريب اللي بعمري فديته
اعلمك ياصاحبي ليش انا جاي ؟
حسيت قلبك يحتريني وجيته

منقووولة

ارجواانـــــــ

الموضوع الاصلي  من روعة الكون