|
قصة رومانسية لا تفوتكم بقلمي والله أرجو إبداء الرأي
قصة رومانسية لا تفوتكم والله بقلمي أرجو إبداء الرأي
هااااااي أعضاء المنتدى من جد قصة اليوم غير وترى هي تستحق منكم ردود من جد أتمنى تكثروا مشاركات ببدأ بتعريف بالشخصيات **عائلة أبو فاتن ** أبو فاتن(52سنة ظهوره في القصة قليل لانه دايما مسافر بره البلاد بسبب شغله وما يجي الرياض إلا قليل صبور متفهم ) أم فاتن (42 سنة ذات قلب كبير وطيب وأهم شي عندها سعادة بنتها فاتن وولدها فهد وهي طباخة من الدرجة الأولى) فاتن ( 17 سنة رومانسية وحساسة ومقولتها المشهورة (مارح أتزوج إلا بعد قصة حب أحسن من روميو وجولليت واحسن من قيس وليلى) , ورغم إنها سافرت بلاد كثيرة مع أبوها بس حبها للسعودية لا يفوق تصوركم هذا غير جمالها الي يفوق جمال أي فتاة شرقية ) وأخييرا فهد (10 سنين يكره المدرسة جدا ودائما ما يحل واجبته وكان مفروض كل يوم واقف في الحصة لولا أمه تحل له الواجبات عشقه السيارات والبلاي ستيشن) **عائلة أبو خالد** أبو خالد (45 سنة أخو أبو فاتن الوحيد, أرمل يدير نفس الشركات لأن الشركات كانت تبع أبوهم قبل ما يموت وكانت وصيته إن أبو فاتن وأبو خالد يكونوا شريكين بالشركات وهو متفائل كبير ويقول إنه دايم عايش على ذكرى زوجته الميتة الي تزوجها بعد قصة حب دامت سنتين ) خالد (20 سنة يدرس بيزنس بره في لندن وما يجي الرياض إلا قليل عايش ببيت صديقه الأعزب محمد مصري الجنسية وخالد يتمتع بروح الفكاهة ولكن دائما ما يقول ( أنا مارح أتزوج أبدا ) ولكن الناس دائما يقولون له<< إنت تحب>> ولكن هو ينكر ) **عائلة أبوسعود ** أبوسعود (60 سنة وزير متقاعد وهو جار أبو فاتن بالرياض مغرور حتى وهو متقاعد وما يواطن بيت أبو فاتن ودائما يتمنى إنهم ينقلون ) أم سعود (43 سنة تدير مجلة كبيرة مشهورة وإيرادتها بالشهر عالية جدا وهي التي تصرف على الفلا بمساعدة إبنها سعود وهي إمرأة قوية بليدة ومتسلطة وتظن أن هذه الصفات هي الأفضل لمعاملة الحيتان (كبار الأعمال الحرة) ولكن مع إبنها هي كأي ام ) سعود (22 سنة دكتور تحت التدريب ويشتغل بقسم الجراحة وقام بعملية قلب كان مستعصية النجاح بس هو نجح فيها وإنشهر وأول من نشر الخبر مجلة أمه أكيد وهو رومانسي ويبكي إذا أحس بالضعف في عدم إنقاذه لأي إنسان تحت يده ) شوق ( أخت سعود من أمه وهي أعز صديقة لفاتن وتعتبر لها أكثر من أخت ودائما تقعد تقول لفاتن عشان ترفع ضغطها <<إنت زوجة أخوي >> وهنا فاتن لازم ينرفع ضغطها وتسكتها وتقول مقولتها الي عرفتوها فوق شوق أقل جمالا من فاتن ولكنها أكثر رومنسية وقد تنقلب عليها رومنسيتها في يوم إن لم تدخل عقلها قليلا في مشاعرها) يلا أترككم مع أحداثها@@ الجزء الأول قامت من النوم على صياح أمها وصراخها عشان تأخرت عالمدرسة ولبست ملابسها بدقيقة واحدة ونزلت تسمع إسطوانة كل يوم من أمها : يا بنتي حرام عليك كل يوم تتأخرين على مدرستك ما تنسين إنك في ثالث ثانوي وكل دقيقة من الحصة تضيع عليك تندمين بعدين عليها.. فاتن : يمة والله أسسسسسسسسسسسسسسسسسسسسفة بس النوم حلو ه أم فاتن : دارية يا حبيبتي بس خلاص كلها شهر وتبدى الإمتحانات وإنتوا من الحين تراجعون بعض المواد فلازم ما تضيعين عليك المراجعة ..فاهمتني يا بنتي ؟؟؟ فاتن : أكيد يمة وأنا أسفة بعد كده بقوم بسرعة أوكي يا أحلى أم وطبعت قبلة على جبينها وطلعت تلحق على المدرسة .. وهي في السيارة سألها أخوها فهد الجالس جنب السواق : فتون متى تخلص مدرسة ؟؟ فاتن ردت عليه وفيها ضحكة : وليش إن شاء الله لا تقول زهقت من المدرسة لأنك حتى واجباتك أمي تسويها لك ه فهد: أقول جاوبي ولا إنطمي .. شهقت فاتن شهقة كبيرة وطقت راسه بيدها وقالت : أيا قليل الحيا كذه تكلم أختك الكبيرة .!! وهنا كانوا بنتهاوشون لولا السواق قال: ماما فاتن وصلنا مدرسة إنتي .. قامت وشالت أشيائها ودخلت المدرسة وهي قاعدة تتوعد لأخوهافي البيت قابلتها رفيقتها الوحيدة شوق :هلا وغلا بالفتون فاتن : هلا وغلا فيك حبيبتي وش أخبارك ؟؟ شوق : تمام بس يلا ندخل الفصل لا تجينا أبلة نادية وتصفقنا وهنا تعالت ضحكاتهم وهم يتذكرون من أسبوعين تأخروا هي وشوق إلا وتجيهم أبلة نادية معاها مسطرة ما تستغنى عنها ولو كانت في السيب أو في الطلعة أحيانا يحسون إن المسطرة جزء من جسمها لازق فيها المهم طقتهم كل واحدة طقة هي تحسبها تعور على يدنهم ثلاث مرات دخلوا الفصل وبدت الحصص الدراسية المملة وبدت السواليف من تحت الطاولات تشتغل وحتى بعد الفسحة كمل الفصل سواليفه بأوراق تحت الطاولات تروح هنا وهنا وترجع مكانها الأولي .. بس ما أقدر أقول لكم إن فاتن كانت معهم لأنها كانت في عالم ثاني تسترجع أحداث أمس لما كانت فاتحة منتداها : (6 رسائل خاصة) 3 منها من المشرفين يشكرون على المواضيع الروعة حجتها في أقسامهم وواحدة من (الغالية جد): وتقول في رسالتها (العزيزة جدا (سعودية وأفتخر) أشكرك على موضوعك <الحب الأول فاشل ولكن مع من لا يستطيع ترويض طرفه الأخر> من جد موضوع تستحقين عليه ألف شكر مو مني بس بل من الجميع تقبلي تحياتي سعودية ((الغالية جدا)) ) وهنا يبقى رسالتين ولاحظت فاتن إنها كلها من عضو باسم (الحزن عنواني) وكان في الأولى يشكرها على المواضيع المميزة أما في الثانية وهي الي أشغلتها كانت فيها ( العزيزة جدا <سعودية وأفتخر > لقد لاحظت من خلال مواضيعك أن شخصيتك تشبه شخصبة فتاة أعشقها فاعذريني لأني أخذت إيميلك من مشرف صديقي إستطاع الحصول على إيميلك صدقيني أنا ما أبغى شي إلا إننا نصير أصدقاء بس والله وإذا ما تبين إرسلي رسالة خاصة لي وأنا بتقبل رفضك أنتظر ردك بفارغ الصبر .. (الحزن عنواني )...).. وهنا إنتبهت فاتن على صوت شوق تقول : فتون يلا حبيبتي طلعة بتتأخرين على أهلك فاتن: ها طيب يلا وجمعت أشيائها ولبست العباية وإتجهت للبيت وهي طول الطريق تفكر وش تسوي؟؟ هذا يا أعضاء الجزء الأول وأكمل لكم بعدين أوكي بس أبغى ردود كثيرة لو سمحتوا شجعوني أكملها... ملحوظة للمرة الثانية هي بقلمي والله ... تحياتي هدافة |
أفاااااااااااااااااااااااااااااااااااااااا مافي أحد دخل كلكم ما تبون قصتي
خلاص بتفوتكم ما رح أكملها لين أشوف عالأقل أربع مشاركات تحياتي هدافة |
., ما قصرتي ,..وتسلم يديكي ., ,.في انتظار التكمله ..
°ˆ~*¤®§(*§*)§®¤*~ˆ°][`~*¤!||!¤*~`][.. يستاهلون الطق من الابله ه ,. على العموم تسلمي أختي ويديش يا الغالية على كتبتها واتمنى ان تنال اعجاب الكل انشاء الله ولا تخافين انتي اصبر وتجي الردود ,. تقبلي مروري ,. العايش ,,..][`~*¤!||!¤*~`][°ˆ~*¤®§(*§*)§®¤*~ˆ°
|
مشكورة اختي القصة حلوة ومنتضريت التكملة
|
مشكوره يالهدافه ويعطيك ألف عافيه على القصه
ا لمشوقه ................................... وبصراحه انا ناطره الجزء الثاني............................ شهووووووووووووووووووووووووده |
رووووووووووووعه
بسرعه تكفين كمليها ابي اخلصها |
http://www.stooop.com/Month/7/32532ace9d.gif
مشكورة أختي على هالقصة الجميلة والرااااائعة وتسلم يداااااااك واناملك يالغااااالية وننتظر تكملة القصــــــة على احر من الجمر واتمنى تسرعين بتنزيلهاااااا وأتمنى المزيد من تألقك في قسم الحكم والقصص وتقـــبلي مروووووري يالغلاااااااااااااااااا \\\\\\\\\صاحبة السموF http://www.stooop.com/Month/7/bb943d649d.gif |
الجزء الثاني
لما وصلت البيت كانت أمها مجهزة الغدا وطلبت منها ترقى تتروش وبعدين تنزل تتغدى , فاتن رقت غرفتها ودخلت عالحمام( الله يكرمكم) وأخذت شور سريع وبعد ما خلصت نزلت عالسفرة لما إكتمل عدد الأسرة<ماعدا أبو فاتن> وبدوا يتغدون وكالعادة بدت السواليف والضحك وكان جو الغداء اليوم روعة ............................... فهد: يمة كم بقى على المدرسة ؟؟ فاتن : لين الحين قاعد تسأل فهد يلتفت لأمه : يمة وخري هذه عني< ويأشر علي فاتن > أم فاتن : يمة فتون إتركيه الله يهديك هنا إلتفت فهد وطلع لسانه لها وضحك أما فاتن ارتفع ضغطها وقامت من على الأكل وكانت بتتوجه للدرج لولا صوت أمها: يمه فاتن وين رايحة؟؟ فاتن وكأن ما في شي صار : خلصت يمة أكل الحمد لله وبعدين أنا تعبانة برتاح شوي ولما أقوم أذاكر أمي : خلاص يا بنتي روحي الله يوفقك رقت غرفتها ورجعت أفكارها مرة ثانية لأحداث أمس ما قدرت تنوم حاولت مرتين ثلاث بس ما قدرت تنوم أخر شي جت في بالها فكرة مجنونة إنها ترسل ل(الحزن عنواني) رسالة تقول فيها إنها مو موافقة إنه ياخذ إيميليها لأن كده ما يصير كل ما صارت لحالها تفكر وراسها كده والله بينفجر من التفكير بالموضوع ..... وعلى طوول توجهت للاب توب وفتحت النت وعلى طول على منتديات (----------) وأول ما فتحت وسجلت دخول باسم <سعودية وأفتخر> لقت عندها رسالة في الخاص وكانت منه فتحتها قبل ما ترسل له وكان فيها .. ( الأخت سعودية وأفتخر ما رديت على رسالتي بعد وأنا هنا قاعد على أعصابي لو سمحت يالأخت قولي موافقة ولا لا طولت مرة وقبل ما تتخذين قرارك أبغى أقولك صدقيني أنا بس أحتاج صديقة من السحالي عشان أقدر أفهم تفكيركم لأني من جد حبيت واحدة بعدين أكلمك عنها بس هي مو حاسة فيني وأنا أحس إن إنت أكثر واحدة راح تساعديني لأن شخصيتك نفس شخصيتها أرجو منك الإسراع بالرد وتقبلي جرأتي معليش أخوك ((( الحزن عنواني))) ) طبعافاتن أول ما قرأت الرسالة كل شي خططت له إتخربط وقالت أنا بقول إني موافقة وفتحت لوحة التحكم وطيران على إرسال رسائل خاصة وكتبت إرسال الى ( الحزن عنواني ) وكان نص الرسالة يقول : الأخ (الحزن عنواني ) أنا في الأول ماعجبتني طريقة أخذك للإيميل وكنت ما رح أوافق أكلمك بس ما قدرت بعد ما قلت إن أنت تبغاني في حل مشكلة عاطفية, خاصة إن البنت نفس شخصيتي وأنا موافقة تكلمني بس لا تتعدى حدود الأخوية بيننا أوكي؟؟؟) كلها دقيقتين وجتها رسالة خاصة منه ( مشكووووووووووووووورة يا أحلى أخت بالدنيا مارح انسى موقفك ممكن تفتحين الإيميل الحين أحكي لك عن التطورات بيني وبين حبيبة قلبي أنا منتظرك عالماسنجر سلام) فاتن هنا حسيت إنها في دوامة وحست إنها سوت شي غلط بس مرة فاتن رومانسية وكانت بندم لو ما ساعدته الحين لازم يتزوج الي يحبها سجلت دخولها للماسنجر ولقت صفحة محادثة مفتوحة ومكتوب فيها اهلييييييييين أنا الحزن عنواني ناظرت النك حقه وإستغربت عنوانه كان مكتوب ( أحبك ولو تكرهيني ** وأعشقك ولو ما تبيني) ولاحظت الفرق بين نكه ونكها الي كان (أرضي أرض الخير* والي ما يحبها ما يجيه خير) ردت عليه وكتبت : أهلين الحزن وهنا بدأوا المحادثة بالتعارف البسيط وكان الحوار كالتالي : طبعا في الجزء الثالث ............. وهذا الجزء الثاني يلا وين المشاركات أبي زيادة هذه المرة < طماعة بس والله مشاركاتكم تحمسني أكمل> والجزء الثالث بكرة أنزله إن شاء الله بس لازم مشاركات كثيير ه تحياتي هدافة |
.ما قصرتي أختي والله حلوة ...
^&)§¤°^°§°^°¤§(&^.. عادتنا افتخار ... (( يقصد سعودية )) مشكور أختي ,, هدوفه ’’ على القصة الحلوة ولاتنسين تكميلينها ولا يهمش راح تجي الردود انشاء الله ,. تقبلي مروري يا الغالية ,., العايش ,.,.^&)§¤°^°§°^°¤§(&^
|
اقتباس:
تحياتي هدافة |
http://www.stooop.com/Month/7/32532ace9d.gif
مشكورة أختي على هالقصة الجميلة والرااااائعة ونتمنى نشوف الجزء الثالث قريباً وأتمنى المزيد من تألقك في قسم الحكم والقصص وتقـــبلي مروووووري يالغلاااااااااااااااااا \\\\\\\\\صاحبة السموF http://www.stooop.com/Month/7/bb943d649d.gif |
خلاص اروح انام وتنزلينها اوكيه ....
°ˆ~*¤®§(*§*)§®¤*~ˆ° .. هدوفه وين جزء الثالث يالله تراني منتظر تنزلينه ,. وتسلمي على هل جهد منك ,,. تقبلي مروري ,. .العايش ,.°ˆ~*¤®§(*§*)§®¤*~ˆ°
|
**الجزء الثالث **
&&بيت أبو سعود && دخلت شوق البيت ورمت شنطتها على الكرسي الي جنب الباب وراحت طيران على غرفة مرت أمها عشان تطلب منها اليوم تروح لفاتن البيت طفت شوق الباب ودخلت على امها وقالت: سلام على أحلى وأطيب أم بالدنيا.. أم سعود : هلا وغلا فيك ها وش تبين دائما تمدحين عشان تبين شي أمري. شوق : يمة دايما كاشفتني إنت , بس و الله ما أبغى شي صعب أنا بس أبي أروح اليوم لفتون هي عازمتني عالغدا اليوم <تفقش > وقالت لي أسألك موافقة ولا لا ها وش رايك أم سعود متوترة : والله ما أدري أخاف أبو سعود ما يوافق لأنه يكره بيتهم وإنت تعرفين .. شوق تتصنع الصياح: يمة ودي أفهم ليش يكره عمي أبو فاتن والله إنه مرة طيوب يمة لو سمحت أنا سالتك إنت هو ماله دخل فيني هو مو أبوي هومجر.......... أم سعود مقاطعة: شوووووووووووووق قلت لك مية مرة لاعاد تقولين كده فاهمة هو أبوك الي رباك لا تنسين كده ويلا الحين وراي شغل شوق منزلة راسها : طيب يا يمة أسفة . وتتوجه للباب بس أمها وقفتها وقالت : روحي لفاتن أنا موافقة بس لايدري أبو سعود ولا تخلين السواق يوديك أخاف يقول له خلي أخوك سعود أوكي شوق وهي تضحك من الوناسة : أوكي أوكي وراحت بره تنادي أخوها بأقوى صوت عندها : سعوووووود سعودي حبيبي وينك تعال بسرعة .. ولما وصلت غرفته فتحتها ولقته جالس على مكتبه ومبين إنه مشغول .. دخلت شوق وبهدوء سكرت الباب: سعود مشغول؟؟ إلتفت سعود عليها وكلمها ببرود وكأن العاصفة الي سوتها شوق برة ما تعني له شي : ها شوق بغيتي شي ؟؟ شوق إستغربت طريقة كلامه وحبت تسأله بس هي ما تحب تكلم سعود وهو متضايقعشان كده فضلت تقول الي عندها وخلاص : سعود شوق عازمتني عالغدا وأمي تقول إنت الي لازم تو... قاطعها سعود بنبرة سريعة تنم عن حالة غريق وجد من ينقذه : طيب شوق بوصلك قومي يلا إلبسي بسرعة وأنا كلها دقيقتين وأكون في السيارة .. شوق وهي تركض لغرفتها : خمس دقايق وأنا عندك .. بين الجو الشديد البرودة والثلوج المغطية قمم البيوت والأشجار البيضاء هناك في لندن خالد كان قاعد يقرأ رواية عالمية وكانت الرواية ماخذة عقله لدرجة إنه ما سمع رفيقه في السكن محمد مصري الجنسية وهو يناديه محمد: خااااااااالد ده إيه ده ياربي إنت مش سامعني ولا إيه .. ويقرب محمد من أذن خالد ويصرخ فيها : ميييييييييييييييين واخد عقل الجميل خللود.. هنا خالد شهق من الروعة وعصب على محمد وقام من الكرسي ومسك نعاله وهو ناوي يأدب محمد على حركاته هذه الي دايم يسويها فيه بس مين يقدر على محمد ظاطور على طوول نزل تحت السرير وما قدر خالد حتى يلمسه خالد : أقول أبو حميد إطلع أحسن لك ترى مو ناقص أنا .. محمد وهو يضحك : ه محدش غاصبك تضربني إمشي من هنا وأنا أطلع ه خالد: أقول تعال أبي أقولك شي مهم .. محمد: لا يا شيخ عليناالحركات ده برضو تعال إنت تحت عندي ده الجو هنا دافي قوي (طبعا محمد قال كده لأنه داري عن خالد مايقدر ينزل تحت لأنه وبصراحة يكره الأماكن الضيقة ومعرض للإختناق بسرعة) خالد : خلاص بكيفك (وهو يقعد فوق السرير) خليك هنا لين بكرة ...... كلها دقيقتين وجا لخالد صوت محمد يصرخ :اه اه اه اه اه اه خالد مش عارف أتنفس طلعني خالد بجد بسرعة أه أه أه هنا خالد خاف عليه ونزل له تحت وسحبه وطلعه من تحت السرير ويعطيع كفوف خفيف عشان يتأكد إنه بخير كلها دقيقة وإنفجر الضحك من فم محمد هنا خالد فهم اللعبة وكان ناوي يعطيه بكس لولا صوت التلفون يقطع عليهم راح خالد متوجه للتلفون وتارك محمد غرقان بضحكه خالد : Hello can I help you? على الجهة الثانية : ألو هلا بوليدي هلا بالغالي وش أخبارك ؟ خالد والفرحة بعيونه : هلا أبوي وش أخبارك عساك بخير أبو خالد : الحمد لله تمام بس أنا أبي أسألك متى ترجع إشتقت لك يا ولدي وأنا الوحدة ذابحتني خالد : وبسم الله عليك يا أبوي خلاص أنا كلها شهرين وأجي عنكم اجازة نص السنة أوكي أبو خالد : خلاص يا أبني أوكي يلا في أمان الله خالد: في أمان الكريم سكر خالد الخط وهنا طلع محمد من الغرفة وأثر الضحك عليه لين الحين محمد : كنت بتكلم مين ؟ خالد يقهر محمد : وإنت مالك ؟ محمد يضحك : ماشي ماشي خالد وهو يتوجه للباب ويقلب جد شوي : أنا نازل المكتبة تبغى شي ؟ محمد يقلد صوت الحريم : لا يا حبيبي ربنا يخليك لنا وميحرمناش منك يا رب يا سندي . خالد وهو يهز راسه : ه الل يقطع بليسك وفتح الباب وطلع . فاتن لقت صفحة محادثة مفتوحة ومكتوب فيها اهلييييييييين أنا الحزن عنواني ناظرت النك حقه وإستغربت عنوانه كان مكتوب ( أحبك ولو تكرهيني ** وأعشقك ولو ما تبيني) ولاحظت الفرق بين نكه ونكها الي كان (أرضي أرض الخير* والي ما يحبها ما يجيه خير) ردت عليه وكتبت : أهلين الحزن وهنا بدأوا المحادثة بالتعارف البسيط وكان الحوار كالتالي : ( أحبك ولو تكرهيني** وأعشقك ولو ما تبيني)::هلا سعودية وش أخبارك أول ؟؟ (أرضي أرض الخير *والي ما يحبها مايجيه خير):: أهلين الحزن أنا تمام ..وش أخبارك إنت ؟؟ ( أحبك ولو تكرهيني** وأعشقك ولو ما تبيني):: تمام .. سعودية ممكن طلب ؟؟ (أرضي أرض الخير *والي ما يحبها مايجيه خير):: أكيد تفضل . ( أحبك ولو تكرهيني** وأعشقك ولو ما تبيني):: ممكن أول نتعرف على بعض وبعدين أحكي لك مشاكلي ؟؟ (أرضي أرض الخير * والي ما يحبها ما يجيه خير):: اوكي أبدأ إنت .. ( أحبك ولو تكرهيني** وأعشقك ولو ما تبيني):: أنا نايف 20 سنة أشتغل بشركة أبوي عايش مع أبوي وأختي سارة بس . . (أرضي أرض الخير * والي ما يحبها ما يجيه خير) ممممممممممممم أنا نورة (تفقيش)17 سنة وأنا هذه اخر سنة لي بالثانوي عايشة مع أمي وأخوي الصغير فهد وأبوي دايم مسافر برة عشان شغله.. نايف : الحين أقدر أحكي لك مشكلتي ويا ليت تسمعيني من غير ما تعلقي لين أخلص دييل؟؟ فاتن (نورة): دييل وهذا الجزء الثالث يا رب يصير عاجبكم وإنتظروا الجزء الرابع رح أنزله بأقرب وقت ... تحياتي هدافة |
أفاااااااااااااااااااااااااااااااااااااااااااااااا ا ما أحد رد بعد الجزء الثالث مع انه هو بدايةا لدراما والرومانسية والأحداث المهمة
يلا عاد إدخلوا ابيكم تقرونها لا تفوتكم هدافة |
ماقصرتي . نبي الرابع بسرعة ...
^&)§¤°^°§°^°¤§(&^..انا اقول بتزوجون في الاخير .. الزبدة .. مشكور أختي ,, هدوفة ,, على القصة وتسلم يديش يا الغالية ( وتكفين لاتهدديني ) وانشاء الله تنال اعجاب الكل .. تقبلي مروري ,. العايش ..,^&)§¤°^°§°^°¤§(&^
|
اقتباس:
تحياتي هدافة |
**الجزء الرابع**
في بيت أبو سعود خلصت شوق لبس في ثواني وهي للحين مستغربة إن سعود وافق يوديها لفاتن هذا أخوها وتعرفه مستحيل يوافق يوديها مكان وتذكرت حوار صار بينهم من أسبوع : (شوق : سعود ممكن طلب ) سعود ما سمعها لأنه حاط سماعات dvd player بس لما شاف أخته شالها وقال : نعم يا شوق تبغين شي؟؟ شوق : ممكن توديني عند صديقتي بالمستشفى انا خايفة عليها ولازم أزورها . سعود وبدا عليه الإهتمام الزائد : وش فيها فاتن عسى ما شر خلاص ألبسي وانا اوديك لفاتن. شوق مستغربة: مين قال فاتن الحين ؟؟ سعود: أنت . شوق بنص عين : لا ما قلت فاتن أنا قلت صديقتي بس وكنت أقصد سارة مو فاتن . سعود وكأن سحابة الإهتمام إختفت من عيونه : ممممم سارة أجل خلي السواق يوديك شوق : بس إنت قلت الحين بتوصلني سعود: بس هي ما طلعت فا........... وهنا وقف لأنه حس بدا يخربط بالكلام وأخته بدت تفهم وعشان يصحح غلطته وافق يوديها ..)) هنا فاقت شوق من ذكرى هذا اليوم وهي تحس إن في إهتمام كبير من سعود ناحية فاتن وما لحقت تزيد بأفكارها لأن سعود قاطعها : ها شوق خلصت شوق لما إنتبهت :ها هلا سعود يلا مشينا .. ************************************************** ************** بهاللحظة كانت فاتن تتكلم مع نايف عالماسنجر وتسمع مواصفات حبيبته وكان الحوار بينهم : نايف : انا أحب بنت عمي وهي عايشة بالرياض بس أنا عايش برة وكل ما احاول أقرب منها هي تبعد عني زيادة لأني أول ما أشوفها أحس إني لازم أرفع ضغطها والله ما أقدر أتحكم في نفسي وكل ما أقول اليوم مارح أرفع ضغطهايصير العكس ها وش تسمين حالتي ؟؟ نورة : ها والله ما ادري ما فهمت شلون إنت تحبها وكل ما تشوفها ترفع ضغطها أي حب هذا ؟؟ نايف : ما أدري يا نورة بس والله مثل ما قلتلك ؟؟ نورة: طيب إنت وين ساكن ؟؟ نايف: انا ساكن برة مو في السعودية وهي ساكنة بالرياض .. نورة : ومتى تجي الرياض ؟؟ نايف: اول ما أخلص دراسة هنا بأجي الرياض ؟ نورة: طيب تبي نصيحتي.. نايف : اكييييييييييييييد أنا ما اخذت إيميلك إلا عشان تساعديني.. نورة: ممممممممممممم إسمع, إنت أول ما تنزل الرياض وتبدى الزيارات لازم تحسسها إنك مهتم فيها ومارح ترفع ضغطها بعد كده هذا غير إنك اول ما تحس إنها خلاص إرتاحت لك تقدم لخطبتها بس ما أوصيك لازم تحبك اول لان بنات هالزمن لازم يحبون الي ببتزوجوهم قبل الزواج ..صدقني نايف : نورة شلون أشكرك؟؟ نورة: رد على كل مواضيعي في المنتدى ه نايف : من عيوني وصدقيني انا مقدر نصيحتك واول ما أنزل الرياض رح أسوي بنصيحتك .. نورة : نايف كم بقى لك من شهر وتنزل نايف : مممم تقريبا شهر ونص .. نورة: حلو يعني بتلحق على رمضان هذه فرصتك تزيد زيارات لبيت عمك .. وهنا سمعت فاتن طق على الباب رجعت للماسنجر ولقته كاتب نايف : نورة انا مررررة أشكرك وأنا بعلمك التطورات أول بأول اوكي ردت عليه : العفو حنا اخوان وما أوصيك تكثر إتصالات على بيت عمك أوكي والحين لازم أسكر بااي نايف : بايات يا أحلى أخت بالدنيا سكرت فاتن الماسنجر وهي تقول للي يطق الباب وأزعجها :إدخل هنا دخلت شوق وهي تقول : سلاااااااااااام يا الفتون .. فاتن إستغربت : هلا وغلا بالشوق شلونك ؟؟ غريبة زايرتني .. شوق : وش أسوي إشتقت لك ه فاتن : اكييد ما يصير أصلا تعيشين بعدي ثانية ..ه شوق : اقول عن الإستهبال عندكم غدا ولا لا تراني جوعانة فاتن : وليش وينها (ميمو)<شغالتهم> ما سوت غدا اليوم شوق : إلا مسوية بس أنا قلت لازم اتغدى مع صديقتي حبيبتي, أمون صح فاتن : إيه والله تمونين وبعدين زين إنك جيتي أبي أقولك سالفة .. شوق ضحكت وسالتها فاتن: ليش تضحكين ؟؟ شوق : لأني حسيتك من يومين ماإنتي فاتن الي أعرفها وكنت متأكدة إن في سالفة عشان كده قررت اليوم أجي أتغدا معك وتسولفين عن الي عندك .. فاتن بنص عين : بس أنا تغديت خلاص شوق تتصنع الدهشة والزعل: ها تغديت وخليتني يالدبة كنت نطرت شوي لهالدرجة جوعانة .. فاتن وهي تضحك : لالالا ما أقدر انا على زعلك يا قمر بتغدى معك اصلا انا بسبة أخوي ما عرفت أتغدى زين .. شوق وهي تتوجه للباب طيب يلا ننزل المطبخ أحب اكلكم أنا ه فاتن تستوقفها : لاالالالا وتسحبها للغرفة وقالت لها إنت بتناظرين معي فيلم رومنسي هندي وأنا بقول لأخوي يطلب من كنتاكي اوكي ؟؟ شوق : أوكي بس بسرعة بطني بدت تطلع أصوات تقولين حديقة حيوان فيها . الكل: في مستشفى الشميسي الي يتدرب فيها سعود في أخر سنة تدريب له كان سعود قاعد عند الرسبشن يكلم صيق عمره سلمان وفجأة أعلنت حالة الطوارئ في المستشفى راح يركض سعود على قسم الطوارئ يشوف السالفة إلا ويجيه خبر وقوع طائرة خاصة وكان عدد المصابين إثنين والقتلىواحد, راح سعود يسال عن أي متعلقات يعرفون فيها هوية المصابين , ولما إستلمها كان في ساعة ذهب مرصعة بماس وهي رجالية وولاعة شكلها أنيق وعلب سجائر فاخرة ووجد بعد بطاقات ولما قراها كان فيها أسماء الي في المستشفى( فيصل وهو الطيار مشعل وهو البديل و ..................) توقف لسان سعود عن الكلام عند الإسم الثالث وعيونه إنفتحت على أخرها من الصدمة وقلبه طاح .. في بيت أبو فاتن وصل الطلب من كنتاكي ودخل غرفة فاتن وهم مرة منسجمين بالفلم والدموع شغالة والكلينكس خلص , وتعليقاتهم الي دايم يقولوها إذا شافو فلم رومانسي شوق تصيح بحرقة : إهئ إهئ والله حرام ليش يطقونه بالرصاص مو هو الي قتل حفيدهم هو يحب بنتهم شلون يقتله.. فاتن تصيح ولكن بأقل حرقة من شوق : إيه صادقة انا لو مكانه كان تزوجتها من ورا اهلها هو يحبها هم وش دخلهم إهئ إهئ .. واستمر البكاء والحسرة , إلى ما سمعت فاتن التلفون يرن ويرن ويرن وما أحد رد عليه قامت تلعن وهي معصبة عن ما أحد رد وحطت عالفيلم ستوب وردت بصوت مخنوق ولكن معصب : هلا مين ؟؟ الطرف الثاني : هذا بيت أبو فاتن محمد بن عبد الله ؟؟ فاتن من غير نفس : إيه نعم وش تبي أخوي ؟؟ الطرف الثاني رد عليها وهي إنصدمت من الي قاله وصارخت:لالالالالاااااااااااااااااااااااا وطاحت على الأرض مغمى عليها .. هذا الجزء الرابع والخامس إن شاء الله عن قريب ينزل بس همتكم بالمشاركات يلا تحياتي هدافة |
اختي هدااافه ..
كملي الله يعطيك الف عاااافيه .. قصة رووووعة .. نتمنى الزياااااده .. لا تطوليييييييييييييييييييين .. |
., ما قصرتي ,..وتسلم يديش .,
°ˆ~*¤®§(*§*)§®¤*~ˆ° .. أقول شكله نايف هذا شوي فيه حالة الولد جن على بنت عمه زين ليه ما ينقلع ويطلب يديها ( بقوى طبعا ) ,. تسلمي ,, هدوفة ,, والله حلوة القصة لا تنسين الباقي وانا أحمسيش بالعكس مواضيعك هي الي تحمسني يا أختي الغالية ,. تقبلي مروري ,. العايش ,.°ˆ~*¤®§(*§*)§®¤*~ˆ°
|
اقتباس:
وإنت من جد محمسني ومشكور مرة ثانية وأنا بكملها الحين الخامس هدافة |
اقتباس:
ونايف والله مسكين لو ماكان عنده مشكلو في إنه يطلب إيديها ما كان طلب مساعدة فتون صح ؟؟ مشكوور مرة ثانية هدافة |
**الجزء الخامس**
في مستشفى الشميسي كان سعود في مكتب المدير سعود: ومثل ما قلت لك المصابين الي في الطيارة الخاصة انا أعرف فيهم جاري وأقول لازم ننقله لمستشفى خاص لأن العناية هناك تصير أكبر وأحسن المدير : والله سعود ماأدري وش أقول لك بس هو لازم يبقى معنا هنا لين تتحسن حالته, نقله الحين في خطر كبير على حياته وعالعموم الدكتور أحمد المصري ماسك حالته وهو من أكفأ الدكاترة هنا عندنا وإنت تعرف إطمأن .. سعود زفر زفرة وقال بصوت واطي : شلون أتطمن وعمي أبو فاتن هنا , الحين شلون حال البيت إذا دروا ؟؟ المدير : في شي سعود .. سعود إنتبه : ها لا مشكور بغيت شي ؟؟ المدير : لا تفضل توجه سعود للباب وأول شي فكر يسويه هو يسال عن حال أبو فاتن , ولما وصل لغرف العمليات قالوا له إن الطيار مات وأمل أبو فاتن في النجاة ضعيف حتى الأن خاصة إن المصاب كان مسوي عملية قلب قبل وهذا سوى مشاكل خطيرة لما تعرض لهالحادثة بس الدكتور محمد باذل كل مجهوده في إنقاذه .. هنا سعود خاف مرة وكان لازم يعرف إذا أهل بيت أبو فاتن عرفوا ولا لا , وفكر يدق عالبيت بس تذكر إن أخته عندهم ليش ما يدق على جوالها ويسألها .؟؟.. في بيت أبو فاتن كانت شوق تتصل بالإسعاف عشان فاتن وكانت أم فاتن تحاول تقوم فيها وفهد يساعدها بس مافي فايدة (طبعا كل هذا وتو ما عرفوا ليش صار كده في فاتن لأنهم ما دروا عن سالفة أبوها) بعد ما دقت شوق عالإسعاف رجعت لعند أم فاتن وهي تصيح وخايفة على رفيقة عمرها هدتها أم فاتن وقالت لها لا تخافين وكانت أم فاتن ودها تصارخ بس ماقدرت هي الكبيرة الحين ولازم تظهر متماسكة عشان البقية وهنا سمعوا الشغالة تقول : مدام سيارة إسعاف جا.. وهنا كل من شوق وأم فاتن عدلوا نقاباتهم عشان رجال الإسعاف يقدرون يدخلون وكلها ثانيتين ودخلوا رجلين عليهم ومعاهم سرير نقال وحطوا فاتن عليه ونزلوا بسرعة كبيرة ودخلوها الإسعاف أما أم فهد وفهد وشوق ركبوا مع السواق عشان يروحون مع فاتن المستشفى ....... شوق وهي في الطريق سمعت نغمة جوالها ودرت إن أخوها المتصل لأنها كانت نغمته ردت عليه وهي تحاول تخلي نبرة صوتها عادية بس على مين ؟؟ شوق: هلا وغلا باخوي ها بغيت شي ؟ سعود حس بتغير نبرتها بس هو مو فاضي يسألها : أقول شوق وينك في ؟؟ شوق : ليش ؟ سعود : أقول يلا مو فاضيلك إنت ببيت أبو فاتن ؟؟ شوق < تفقش> : إيه ليش؟ سعود باهتمام: طيب هم عرفوا عن السالفة ؟؟ شوق : أي سالفة ؟؟ سعود : سالفة أبوهم ما دروا إنه بالمستشفى عندي .. شوق شهقت شهقة طويلة خلت ام فاتن تنتبه وتسألها : وش فيك يا شوق تشهقين ؟؟ شوق تأشر بيدها بمعنى لحظة : ها سعود وش صار ؟؟ سعود : طاحت طيارته الخاصة وهو بالعمليات ومات الطيار والبديل . شوق درت ليش سبب طيحة فاتن : طيب هم ما عرفوا وأنا ماأقدر أقولهم الحين ما يكفي الي صار لفاتن ممكن إنت تقولهم؟ سعود باهتمام زائد مخلوط بنبرة خوف: وش فيها فاتن ؟؟ شوق : الحين مودينها المستشفى بسيارة إسعاف وحنا وراها بالجيمس . سعود وزادت نبرة خوفه : طيب إنتوا باي مستشفى لازم أجيكم لازم رجال معكم . شوق :لالالا موضروري اخوي أنا بعلمك إذا صار في جديد مع السلامة سعود : في أمان الله مع السلامة سكرت شوق من سعود والتفتت لأم فاتن وبدورها أم فاتن ناطرة منها تفسير للي سمعته شوق : خالة عرفت ليش فتون داخت ؟ ام فاتن وفهد : ليش ؟ شوق وهي مترددة : ع ....عش..ع. عشان مستشفى الشميسي دقوا عالبيت وقالوا إن <هنا زادت شوق سرعتها بالكلام عشان تخلص الجملة من غير ما تتوتر> قالوا إن أبو فاتن طيارته الخاصة طاحت بسبب ترسب في البنزين.. بعد ما خلصت شوق كلام ما سمعت إلا شهقة فهد من قدام لأنه كان جنب السواق, أما أم فاتن فما علقت إلا بكلمة واحدة وهي <كنت حاسة> وبعدها بدى نهر الدموع ياخذ مجراه على خدها وبعد تفكير قررت تقعد شوق جنب فاتن وتخبرها إذا صار جديد وهي تروح لأبو فاتن تتطمن عليه وتخبرهم بكل جديد ... في الشركة بفرع الرياض كان أبو خالد قاعد في إجتماع وما درى عن أبو فاتن أبو خالد : بس حنا إذا إستوردنا هالكمية الكبيرة كلها ما نضمن بيعها كلها, خاصة إنها ما حصلت خمس ملايين في البلدان الثانية الي صدرناها لها ....... الموظف مساعد : ايه أستاذ بس هيك حنا رح نخسر زبوننا في روما , وحنا بدنا كل الصلات الي تربطنا بالتجارة الخارجية خاصة إن مافي أشخاص يربوطونا بتجارة روما إلا هيدا الإنسان .. أبو خالد جا بيتكلم بس دخل السكرتير وطلب يكلم أبو خالد لحاله , ولما انفرد أبو خالد والسكرتير قال أبو خالد للسكرتير : ما قلت لك ألف مرة مابي أحد يقاطعني وأنا في اجتماع إنت ليش ما تفهم؟؟ السكرتير مرتبك : أيوا يا أستاذ بس حرم أبو فاتن أتصلت وقالت إنه في المستشفى وعايز يشوفك ضروري .. أبو خالد لما سمع الخبر حس الدنيا تدور فيه شلون هذا وهو ما يدري إلا الحين والتفت على السكرتير : وينه الحين ؟ السكرتير : بيقولوا في مستشفى الشميسي لأنه كان أقرب مستشفى للحادث بتاع طيارته الخاصة و ........ ماسمع أبو خالد زيادة وطلع بره وطلب من السكرتير يقول لأعضاء الإجتماع تأجيل الإجتماع ليوم ثاني .. ركب أبو خالد سيارته وطلب من السايق يسوق بسرعة على مستشفى الشميسي ....................................... ************************************************** *************************** **في لندن ** خالد وصل للمكتبة وتوجه لقسم الكتب والروايات عشان يستأجر مجموعة روايات ( كانت هذه المكتبة ترضى بالتأجير شرط ضمان رجوع الكتب) خالد راح يدور بين الرفوف على رواية يجذبه عنوانها, وكانت في الجهة الثانية بنت أول ماشافت خالد أعجبت بشكله ولبسه وحتى عجبها أسلوب ترتيب ملامحه الشرقية الي قليل تكون موجودة بلندن إلا بأوقات الصيف في أيام السياحة , بعد تفكير قررت البنت تتوجه له وتكلمه وتعرف هو مين ؟ مشت البنت لعنده ولما وصلت له سوت حركة خلى كعبها الطويل ينكسر وخلت نفسها تطيح عليه من غير حيا , طبعا خالد إستغرب الموقف وشالها من عليه وجلسه بأقرب كرسي وسألها : Are you ok?? البنت :yes thanks for your help? خالد مبتسم : sure وجا بيوخر عنها مسكت يده بكل جرأة وقالت له : أنا لينا 19 سنة لبنانية .. هنا خالد إبتسم إنها تتكلم عربي بس بنفس الوقت إنقهر إنها واحدة عربية وتلبس هالملابس كانت لابسة تنورة قصيرة مرة فوق ركبتها بشبرين وبلاوز مبين نص بطنها وذراعها كلها مكشوفة , ابتسم لها خالد من غير نفس وقال لها : خالد 20سنة سعودي.. وراح عنها بس هي بثرة لزقت فيه وقالت له : خالد بليز يعني ممكن توصلني بيتي لانك ومتل ما إنت شايف كعبي إنكسر وما أقدر أرجع فيه البيت ................. خالد : بس انا ماعندي سيارة وأنا أصلا أمشي على رجولي<فكر يوخرها عنه بشوي تفقيش> وأنا فقير وأهلي بالياله يرسلون لي فلوس وأحيانا أنوم بالشارع وأنا متزوج وعندي ولدين ........ هنا لينا إستحت على نفسها ووخرت وراحت لشاب ثاني وسيم شافته , هز خالد رأسه وتحمد ربه وشكره وأخذ روايتين واحدة رومانسية والثانية مرعبة واتجه لبيته .......................... في مستشفى الشميسي وصل أبو خالد وراح للرسبشن, وسأل الموظف . أبو خالد : السلام عليكم . الموظف : وعليكم السلام . أبو خالد : لوسمحت يا أخوي, محمد بن عبد الله المصاب في حادثة الطيارة الخاصة بأي غرفة؟؟ الموظف: هو الحين بالعناية المركزة والمشرف على حالته الدكتور أحمد المصري . أبو خالد : طيب مشكور .. الموظف : العفو... توجه أبو خالد للعناية المركزة وجا بيدخل بس الممرضة منعت لأن الدكتور أحمد منع الزيارة ..وبهاللحظة جا الدكتور أحمد وطلب من أبو خالد يجي معه للمكتب .. ولما وصلوا للمكتب طلب الدكتور من أبو خالد يقعد وبدا الكلام بشرح حالة أبو فاتن : الدكتور أحمد : والله يا أبو خالد مقدرش اكدب عليك حالة ابو فاتن خطرة جدا وكان في إنسداد لشرايين قلبه , ولكن الحمد لله قضينا عالإنسداد . بس المشكلة في الصديد الي نزف في دمه وماقدرناش نطلع منه إلا70% .... أبو خالد : يعني يا دكتور هو تجاوز مرحلة الخطر ولا لا ..؟؟؟؟ دكتور أحمد : والله ما أقدر أحدد الحين لأن ....................... وفجأة تدخل الممرضة : دكتور أحمد المصاب فاق بس ضربات قلبه بطيئة وطالب يشوف أخوه.. قام الدكتور بسرعة ووراه أبو خالد وتوجهوا للعناية وين ما أبو فاتن موجود وهناك ما كان في إلا ام فاتن تتكلم بالجوال وتسأل عن حالة بنتها فاتن وأول ما شافت الدكتور وأبو خالد سكرت مع شوق وتوجهت لهم , وسمعت أبو فاتن يطلب من الدكتور يتكلم مع أخوه(أبو خالد) لحالهم وهنا طلع الدكتور وطلعت معه أم فاتن وهي تصيح , وتدعي الله يقومه بالسلامة ... وهذا الجزء الخامس ياليت ما تبخلون بالردود بللييييييييز ... تحياتي هدافة |
اختي والله يوفقك لا تطووولين ..
والله متحمس اكملها .. سرررررررررررررررررررررررررررررعه.. تقبلي تحياااتي .. واعجااابي بقصتك .. عساك على القوووه .. |
., ما قصرتي ,..وتسلم يديش .,
^&)§¤°^°§°^°¤§(&^.. أبيه يموت :Copy (2) of Copy of ,,. ( أمزح) المهم كمليها يا أختي تراني انتظر خبر الوفاة ه ومشكور على هل الجهد منك أختي ,.. تقبلي مروري , العايش ,.^&)§¤°^°§°^°¤§(&^ ,, لا تنسين هدوفه التكمله ’’
|
اقتباس:
مشكوووووووووووووور مرة عالمرور شاعر وإنت مرة والعايش محمسيني أكملها تحياتي هدافة |
اقتباس:
حرام عليك ليش تبيه يموت يالعايش (( فكر بفاتن )) خخخخخخخخخخخخخخخخخخخخخخخخخخخخخ مشكور عالمرور عيوش ه تحياتي هدافة |
**الجزء السادس **
في العناية في غرفة أبوفاتن قعد ابو خالد قريب من أخوه عالسرير ,التفت أبو فاتن عليه وقال : أخوي أنا ما أضمن اعيش لبكرة , هنا قاطعة أبو خالد : لا تقول كده يا أخوي إن شاء الله بتعيش وبترجع لأهلك ولبنتك ..... أبو فاتن : مافي أحد يعيش أكثر من عمره وأنا أبغى أقول لك إن بنتي فاتن وولدي فهد أمانة في رقبتك بعدي خاصة فاتن يا أبوخالد هذه عمري كله أمنتك عليها بزواجها إرضيها وبالنسبة للوصية هي عند محامي الشركة و....كح كح ....كح كح .. بسرعة قام أبو خالد وهو يدمع ونادى عالدكتور وكلها ثانيتين وطلع الدكتور من الغرفة ويهز راسه ويقول ( البقية بحياتكم ,عظم الله أجركم ) هنا طاحت أم فاتن على اقرب كرسي وهي تصيح وتردد بشكل جنوني ( مات ,مات,أبو فاتن مات ) وأبو خالد دمع وهو يقول (إنا لله وإنا إليه راجعون- إنا لله وإنا إليه راجعون ) ............................... في المستشفى الثاني الي فيه فاتن قعدت شوق جنب فاتن وهي تمسح على راسها وتقول لفاتن: يالدبة خوفتينا عليك في احد يسوي كده؟؟ فاتن بابتسامة باهتة : معليش , وفجاة وكانها تذكرت شي : إلا أقول شوق وشلون أبوي الحين ؟؟؟ شوق : والله مدري تو أمك ما كلمتني .وتبتسم المهم إنت شلونك ؟؟ فاتن بقلق : غريبة أمي مادقت عليك لين الحين تطمني وتطمنك !!! شوق : لا تخافين إن شاء الله عمي بخير وانت تقومين بالسلامة وترجعون للبيت.. شوق تذكرت كلام الدكتور الي كلمها عن حالة فاتن : <<والله يا أخت شوق الظاهر إنها تعرضت لصدمة مفاجئة خلتها تفقد وعيها لساعة , أهم شي الحين تصير بعيدة عن كل الصدمات عشان تقدر تسترجع قواها وتقدر تقوم وترجع للبيت>> رنة جوال شوق أيقظتها من أفكارها وردت على الجوال : شوق : هلا سعود بغيت شي ؟؟ من الجهة الثانية كان سعود يصيح ويحاول يستجمع قواه عشان يقول لشوق خبر الوفاة بس ما قدر وظل ساكت .. شوق باستغراب : سعود سعود وش فيك ألو ألو ............ سعود بصوت يملؤه الدموع : شوق فاتن جنبك ؟؟ شوق ناظرت فاتن وقالت باستغراب : إيه جنبي وش تبي منها ؟؟ سعود: قولي لها عظم الله أجرها في عمي أبو فهد... وسكر الخط ....... شوق سكرت بعد ماسمعت هالكلام وناظرت في فاتن الي كانت تناظرها بتساؤل وتفكر إنها ماتقدر تقول لها الدكتور وصاها ما تسمع أي صدمات وإلا حالتها بتتراجع .. هزتها فاتن وسالتها : مين كان يكلمك أمي ؟؟ شوق وهي تخفي دمعتها وتحاول تبتسم رغم إن الإبتسامة طلعت باهتة : لا هذا أخوي سعود (تغير الموضوع) المهم الحين أنا لازم أرجع البيت رح أخلي فهد اخوك يقعد معك لين أمك تجي أوكي ؟؟ فاتن بابتسامة وهي متأكدة إن شوق مخبية عنها شي :أوكي .. شوق تتوجه للباب وتناظرها وتقول : في أمان الله . رح أزورك بكرة . فاتن : في أمان الكريم .......... ولما طلعت شوق ماتدري ليش حست فاتن إن شوق مارح تزورها بكرة زي ماهي تقول لأنها مخبية عنها شي وما تدري إيش هو ولما تعبها التفكير فضلت النوم وطردت كل الأفكار السودة من عقلها .................. لما طلعت شوق من غرفة فاتن دقت على أخوها وقالت له يجي ياخذها لعندهم طبعا أخوها وافق وراح لها وثلث ساعة كان هو قدام المستشفى ركبت شوق قدام جنبه وقالت : ماقدرت أقول لها الدكتور يقول في خطر على حياتها لو سمعت أي صدمة الحين .. سعود وهو يسوق السيارة وقف على جنب الطريق وقال باهتمام زائد : الحين هي وش أخبارها ..؟؟ شوق : زي الزفت ما أدري ليش هالبنت حساسة مرة ..تخيل أنا لحقت نفسي لأني حسيت من نظراتها إنها فهمت إني مخبية عليها شي بس مشتها بمزاجها .. سعود وهو يكمل طريقه للمستشفى وقاعد يسمع من شوق الي قاله الدكتور عن حالتها,, وأول ما وصلوا الشميسي قابلت شوق أم فاتن الي راحت لها بسرعة وسألتها عن حالة بنتها وشوق طمنتها وقالت لها كل شي بخير .... وكان أبو خالد بهالوقت يكلم أبنه خالد ويقوله على الي صار ومن الجهة الثانية خالد إنصدم وقال : لاحول ولا قوة الا بالله .. وما سكر أبو خالد طلب من الإدارة إنه ياخذ الجثة عشان يدفنها ........ في اليوم الثاني الي كان أول يوم عزى كانت أم شوق وشوق مع ام فاتن يواسونها , أما فاتن فهي ماكانت تدري بعد إلا لما جت ودرت في ثالث يوم عزى لما السواق هو والشغالة راحو لها المستشفى عشان يرجعونها البيت ولما رجعت لقت الكل لابس أسود ويعزون امها الي كان وجا كئيب من كثرة الصياح وأول ما دخلت توجهت لأمها وقالت وهي تجلس عالأرض تحت رجول أمها : يمه وين أبوي؟؟ وين أبوي ؟؟ <<تزيد نبرة صوتها وتصيح >> يمه الله يعافيك قولي لي أبوي عايش وما مات يمه ريحيني << وتصارخ >> يممممممممممممممممه قولي لي أبوي مامات لا مامات <وتلتفت للحريم >> إنتوا كذابين أبوي مامات إنتوا تضحكون علي تضحكون علي <وانهارت>> لااااااااااااااااااااااااااااااااااااااااا شوق قامت وشالت فاتن من الأرض وتوجهت للدرج وطلعتها لغرفتها ونيمتها عالسرير اما فاتن ظلت تقول : هم كذابين ياشوق صح كذابين أبوي مامات أبوي بس سا ...........................<<<طع طع >> وفجأة تلتفت لشوق الي عطتها كفين على وجا قويين وهي تقول ومنهارة : خلاص يا فاتن خلاص كلنا بنموت خلاص ليش تسوين كده خلاااااص أبوك مات فاهمة لا تقولين مات أبوك مات خلاص ......... قامت فاتن ورمت نفسها في حضن شوق الي ضمتها بكل حنية وهدتها ... هذا الجزء السادس يلا لاتبخلون بالردود ولا تنسون إنتوا تشجعوني .......... تحياتي هدافة |
ميرسي عالقصة الروعة ياريت تكمليها
|
اقتباس:
هدافة |
**الجزء السابع**
بعد ما خلصت أيام العزى الثلاث بأسبوع جا أبو خالد لبيت أخوه أبو فاتن ومعاه محامي الشركة إستقبلهم فهد إلي بعد وفاة أبوه صار يحس بالمسؤلية وأنه هو رجال البيت دخلهم في مجلس الرجال وجلس جنب عمه بعد ما طلب من الشغالة تحضير القهوة .................... ربت أبو خالد على كتف فهد وقال: رجال يا فهد يازين ما ربى أخوي ............... ابتسم فهد ابتسامة باهتة , بعدها قال أبو خالد وهو يأشر على الرجال الي معه وقال : هذا محامي الشركة هنا ابتسم المحامي وكمل أبو خالد :معاه وصية أبوك الله يرحمه وتوقف لدقيقتين كأنه يقرأ الفاتحة على روحه وبعدين كمل : ولازم المحامي يقرى الوصية قدام الكل عشان كده نادي أمك وأختك يسمعونها ................ أومأ فهد براسه وقام متجه للصالة وهناك ما لقى إلا أمه جالسة تقرأ القرأن وأول ما شافته قالت : صدق الله العظيم وسكرت القرأن وابتسمت لإبنها .. راح فهد تجاا وقال : يمه عمي أبو خالد يقول لازم تجين تسمعين الوصية الي كتبها أبوي مع أختي فاتن اليوم .. هناأم فاتن إستغربت لأن زوجها ما قد قالها عن هذه الوصية شي بس طلبت هي من فهد يروح وهي بتنادي فاتن وبتلحقه . بغرفة فاتن كانت تكلم شوق عالماسنجر وتقول لها قد إيش هي مفتقدة أبوها مع أنه دايما كان مسافر بس هي دايماتحس إنه معاها . وفجأة تلاقي أحد يدخل عليها على صفحة المحادثة ونك نيمه (أحبك مهما تكون حزين ,, وعيونك في الحزن بدر الليل ):سلام وش أخبارك؟؟ فاتن استغربت النك وردت بسؤال ...... (الله يرحمك يا أبوي ويجمعنا معك بالجنة ):أهلين مين معي ؟؟ (أحبك مهما تكون حزين,, وعيونك في الحزن بدر الليل ): هلا سعودية أنا نايف .. (الله يرحمك يا أبوي ويجمعنا معك بالجنة) أخلين نايف شلونك وشلون بنت عمك ؟؟ نايف : عظم الله أجرك في أبوك .. فاتن : شلون عرفت ؟؟ نايف : شوفي النك حقك .. فاتن : أها مشكور .. هنا فاتن سمعت أمها تناديها فاتن : نايف ممكن لحظة؟؟ نايف : خذي راحتك .. توجهت فاتن لأمها برة وقالت : هلا يمه بغيتيني ...؟؟ أم فاتن : إيه يمه إلبسي عباتك وتعالي محامي الوصية جا ولازم تكونين موجودة .. فاتن : ثوان وأنا عندك .... رجعت فاتن لغرفتها وسكرت صفحة المحادثة الي كانت مع شوق وراحت للثانية عند نايف وكتبت : نايف أنا لازم أسكرالحين معليش .. نايف : لاعادي على راحتك انا بس بغيت أقولك إني راجع الرياض بعد أربع أيام لشوي ظروف صارت إضطرتني .. فاتن: أوكي نايف تجي بالسلامة , في أمان الله نايف : في أمان الكريم سكرت فاتن المحادثة والنت كله وأخذت عبايتها ونزلت تحت عند أمها عشان الوصية ؟؟ ولما دخلوا مجلس الرجاجيل قال المحامي : إنتوا كاملين ؟؟ قال أبو خالد : إيه كاملين يلا إبدأ بسم الله ...... طلع المحامي ورقة من ظرف كبير وقال هذه الورقة فيها الأسماء اللي لازم تكون موجودة في هذه الجلسة وقال الأسماء واحد ورا الثاني ( أبو خالد , أم فاتن . فاتن ,فهد وخالد) هنا قال أبو خالد للمحامي : كاملين بس ناقصنا خالد ولدي لازم الكل يعني ... قال المحامي : لا يا أبو خالد هذه وصية وطلب أبو فاتن إن الكل لازم يكونوا موجودين ..... إستغرب الكل من طلب أبو فاتن الغريب بس أبو خالد هز كتفه وقال: خلاص أنا بدق على ولدي خالد وأقوله يجي باول طيارة عشان الوصية وإن شاء الله بعد بكرة نقرأ الوصية ...........وسلم على أولاد أخوه وطلع برة يوصل المحامي لبيته .. في لندن خالد كان قاعد في الصالة ينتظر العشا اللي وعده فيه صديقه محمد , لأنه كان مرة منكد لما سمع خبر وفاة عمه وماكان له خلق يتعشى برة زي كل يوم ............... محمد من المطبخ بدلع الحريم : ياحبيبي يا خالد أما أنا عملتلك شوية أكل إنما إيه تاكل صوابعك وراه خالد إبتسم إبتسامة باهتة بعدها قال : أقول أبو حميد خلص عشا تراني مرة جوعان .... محمد يستهبل : واحد مكانك كان مفروض يقول أنا مش عايز أاكل , إزاي تاكل يا عم إنت وعمك ميت ؟؟ه خالد : بلا إستهبال يامحمد الحين مر أسبوع على وفاة عمي وأنا طوول هالمدة ماكلت شي ومارحت الجامعة .. محمد وهو يحط الأكل على السفرة : طيب يا أخويا منا عارف بس حبيت اناغشك شوية .. خالد يقلد اللهجة: وأنا مش عايزك تناغشني وبطل بقة .. محمد يضحك : أيوة يا عم بتتكلم مصري أحسن مني خالد بنبرة جدية : محمد .. محمد : أيوة يا سيدي خالد: إنت متى تتزوج ؟؟ محمد إستغرب السؤال ومارد بس قال : يلا العشا خلص قوم تعال كل .. قام خالد وتوجه للسفرة وقعد على كرسيه وقال : مارديت على سؤالي ؟؟ محمد يتصنع الجهل: ها أي سؤال؟ خالد: لحووووووووووووووووول إنت متى تتزوج ؟ هذا السؤال .. محمد يهز كتفه:ما أدري عادي يعني,ليش تسأل ؟؟؟ خالد: لا بس إنت أخر مرة كلمتني فيها عن الزواج كلمتني عن واحدة إسمها عالية سورية رحت كلمتهاوقلت لها إنك تحبها , وبعدين من هاذاك اليوم ماجبت طاري الزواج ولا طاريها هي ... محمد: لا بس خلاص بح .. خالد باستغراب : بح يعني إيش ؟؟ محمد وهويحاول يكتم ضحكته: طلعت متزوجة .. خالد طاحت منه كاسة العصير ومسك بطنه من الضحك: ه صدق مو صاحي ما تسأل عنها أول وبعدين تحبها ...... محمد متصنع الغضب : بقول لك أيه مش تتطنز أحسن لك أنا مكنتش أعرف إنها متجوزة إلا لما كلمتها وجه جوزها بالوقت ده ........................ خالد بعد ماخلص نوبة الضحك الهستيري اللي دخل فيه مسك الجوال ورد على أبوه اللي إتصل فيه وقال : هلا يبة أبو خالد: هلا وغلا بابني الوحيد شلونك وشلون دراستك؟ خالد : تمام إنت يا أبوي وش أخبارك وأخبار جماعة عمي إن شاء الله بخير !! أبو خالد : إيه بخير بس وليدي , إنت تقدر تاخذ إجازة من جامعتك يومين ؟؟ خالد: ليش يبة بغيت شي ؟ أبو خالد: أبغاك تجي هنا الرياض يومين وبعدها ترجع بكيفك .. خالد مستغرب : طيب يبة انا جاي بعد يومين أو ثلاث أيام عادي,لازم الحين ؟؟ أبو خالد: إيه لأن الوصية تتطلب وجودك ,والمحامي مشغول ولازم الوصيه بعد بكرة تنقرى قدام الكل زي ما أمر عمك ؟؟ خالد بتفهم: خلاص يبة بكيفك بحاول أجي على أول طيارة موعدها بكرة الساعة 2 الظهر .. أبو خالد : خلاص أوكي بنطرك بالمطار ..في أمان الله خالد : في أمان الكريم ........ سكر خالد من أبوه وسيدا توجه لغرفته يحط ملابسه بالشنطة , دخل عليه محمد مستغرب وسأله : ليه بتلم حاجتك ؟؟ خالد: أبوي يقول أرجع بكرة الرياض على أول طيارة .. محمد: ليه خير إن شاء الله.. خالد: لا بس أنا لازم أحضر وصية عمي .. والتفت لمحمد ونظرلت الرجا على وج.. محمد : بس كفاية فهمتك عايزني أخد لك أجازة من الجامعة خلاص يا سيدي إعتبر الإجازة من دلوقتي .. خالد حضن خالد وقال: مشكووووووووووووووور يا أغلى صديق بالدنيا ه محمد مخنوق تحت ذراع خالد: خلاص كفاية أه أه أه .أه أه كفاية خنقتني ه. خالد وخر عن محمد وهو يضحك ويقول:مشكور وش بيصير بالوصية ؟ وليش لازم العائلة كلها تكون موجودة ؟؟ وش راح يصير لما نايف يرجع الرياض؟؟ وسعود وش شعوره تجاه فاتن ؟؟ وخالد وش بيصير لما يرجع الرياض ؟؟ كل هذا إن شاء الله بالأجزاء الجاية تقبلوا تحياتي هدافة |
مشكورة ياقمر وبليز كملي القصة
|
مشكورة شوشو عالمرور وتقبلي تحياتي وأنا هالمرة بنزل أجزاء اكثر
هدافة |
**الجزء الثامن **
توجه أبو خالد للمطار لإستقبال إبنه الوحيد , وأول ما وصلت رحلته وشاف خالد جاي من بعيد بشنطته فتح ذراعينه ناطر أبنه ينرمي بحضنه ويدفيه , وبعد ما انتهت طقوس اللقاء ودموع الفرح بالعودة الي الوطن , ولأن خالد قدامه بس يومين ويرجع للندن قام أبو خالد وابنه وركبوا السيارة وتوجهوا لبيت أبو فاتن عشان يخلصون من الوصية ........... لما وصلوا كان فهد قي إستقبالهم وماعطى فرصة لخالد يرتاح لأنه اول ما فتح الباب نط بحضن خالد وهو مرة فرحان لأن خالد بمثابة الأخ الكبير المحروم منه , وبعد ما شبع فهد من حضن ولد عمه دخلهم مجلس الرجاجيل الخارجي واتجه داخل البيت ينادي أمه وأخته ,لقى أمه كالعادة بالصالة تقرأ القرأن واخته أكيد بغرفتها .................. فهد: سلام . أم فاتن سكرت القرأن : وعليكم السلام . فد: يمه يلا جا عمي وولده عشان الوصية والمحامي كلها خمس دقايق وواصل لعندنا إتجهزي إنت وفاتن تعالوا لمجلس الرجاجيل الخارجي .. أم فاتن: إن شاء الله (وهي تتووجه للدرج) الحين أكلم أختك روح إنت لا تترك عمك وولده لحالهم طيب ؟؟ في غرفة فاتن كانت قاعدة عالسرير ماسكة كتاب الي يشوفها يقول إنها تذاكر بس فاتن كانت في عالم ثاني عالم الذكريات الي مضت مع أبوها ,دخلت أمها عليها بعد ما طقت الباب مرتين وما تلقت رد : أم فاتن باستغراب : فاتن ليش ماتردين يوم طقيت الباب ؟ فاتن إنتبهت : ها لا ولا شي (تبتسم) بغيتي مني شي يمه ؟ أم فاتن : إيه يابنتي عمك وولده جو عشان الوصية ولأن .................................................. ....................... فاتن أول ماسمعت أمها تقول (وولده) راحت بعالم الذكريات وتذكرت موقف صارلها من أربع سنوات قبل لا يروح خالد للندن كانت هي وقتها بثاني متوسط وكانت في حديقة البيت الكبير حج العائلة كلها قاعدة عالنافورة وتحرك الموية بيدها وفجأة أحد مسك يدها وقال : إرحمي الموية من لمساتك الناعمة , إذا ما تقدرين ترحمين قلب تعلق فيك .. تفاجأت فاتن من الصوت لأنه كان حج رجال وهي مفروض إنها تتغطى ولما لفت لقته خالد ولد عمها .. فاتن وهي فاتحة عيونها عالأخير ولسانها إنعقد من الصدمة :أ.أ.........خا..........خالد وش .......قاعد تسوي هنا ؟ خالد كان وقتها بثالث ثانوي وكان للحين ماسك يدها : فاتن إنت ليش كده؟ فاتن تو تأثير الصدمة عليها : ها!! وش فيني ؟ خالد بحرقة : ليش دايما تصديني ليش تعامليني على اني أخوك أنا مابي أصير أخوك , فاتن أنا أحبـ....................... قاطعته فاتن وهي تسحب يدها من يده : خالد إنت ولد عمي وما ترضى علي أتكشف على رجاجيل وإنت مو محرم لي (وتلف الجهة الثانية عشان ترجع داخل مع الحريم بس خالد رجع مسكها من كتفها وبقوة لفها لجهته وحاول يتكلم بس منعه دموع فاتن الي قطعت قلبه وبعد ما استوعب خالد إنه يمسكها بقوة نزل يده وقال وهو يناظر الأرض : أنا أسف فاتن .. فاتن إنهارت وقالت بكل حرقة وألم : مارح أسامحك خالد مارح أسامحك أنا أكرهك أنا أكرهك وخرعني .. ركضت فاتن عالصالة الداخلية ومنها لغرفتها في هالبيت وفي اليوم الثاني سمعت إن خالد سافر عشان جامعته في لندن وبعدها ما شافته أبدا............... أفاقت فاتن على صوت أمها : فاتن هو وين وصلت ؟ فاتن : ها لا ولا شي روحي يمه إنتي وأنا شوي ولاحقتك ........ أطاعت أم فاتن طلب بنتها لأنها تعرف إن فاتن كانت أغلى واحدة عند أبوها الله يرحمه وقدرت حالة الهذيان الدائم عند بنتها ولبست عباتها وتوجهت للمجلس .. أما فاتن فظلت بغرفتها دقيقتين بعدها إنضمت لهم في المجلس .............. في بيت أبو سعود كانت شوق قاعدة بالصالة تبرد أظافرها وتستمع للأغاني في قناة _______ , وفجأة يدخل أخوها سعود البيت ويرمي شماغه عليها وين ماكانت قاعدة طبعا هو مو قاصد بس شوق سوتها سالفة ....... شوق معصبة : هيي إنت وين داخل خير إن شاء الله ترمي عفشك على وجيه الناس ؟؟ سعود بدون خلق وهو يقعد على أقرب كرسي له ويناظر التلفزيون : أسكتي شوق تكفين الي فيني مكفيني . شوق بعد ما حست إن في شي غريب باخوهاخاصة إنه جاي مبكر من المستشفى اليوم فضولها زاد تبي تعرف وش فيه شوق : سعود وش فيك ؟ سعود :............................. شوق باستغراب: سعود وش فيك قول لي أنا أختك حبيبتك ..!! سعود:........................................... شوق : سعود وصمخ أكلمك أنا !!......... سعود: ..................................... شوق بعصبية فاقت حدودها: سعوووووووووووووووووووووووود عمى أكلمك ............. سعود مقطب جبينه: خير إن شاء الله جنيتي إنتي وش ذا ؟ شوق بدلع لأنها حست إن أخوها معصب : وش أسوي يا أحلى أخ أكلمك وإنت معطيني الطرشة .... سعود يقلدها : (وش أسوي يا أحلى أخ أكلمك وإنت معطيني الطاف) أقول سكتي بس إنت ووجهك أووف وتوجه للدرج : أنا راقد غرفتي لا تقوميني للغدا فاهمة !! شوق بعد ما حست إن اخوها ما يبي يتكلم بالسالفة فضلت السكوت وقالت : إيه فاهمة .. ماتدري شوق ليش حست غنها لازم تكلم فاتن بهالوقت مسكت جوالها ودقت عليها ...... في بيت أبو فاتن كانت فاتن متغطية ومتجهة للمجلس الخارجي وجت بتفتح الباب وتدخل إلا تلاقي تلفونها يرن وتشوف رقم شوق ردت فاتن بدون نفس : خير شوق في شي ؟ شوق : أفاااااا كده تكلمين رفيقة عمرك ؟ فاتن :فكينا عاد وقولي وش تبين ترى أنا واصلة حدي ؟ شوق مستغربة : وش فيه العالم اليوم كل ما أكلم أحد يقولي واصل حدي وواصلة حدي .. فاتن : بلاك بثرة وماتعرفين الأوقات الصح في الإتصال .. شوق : طيب ليش رديت إذا أنا داقة بوقت غلط .؟؟ فاتن تتهرب من السؤال لأنها تعرف إنها ردت عشان تأخر شوي فترة لقائها بولد عمها : ها أقول شوق تدرين إن اليوم بنعرف وش في الوصية ؟ شوق مبلمة: إيش أي وصية ؟ ( بعد ما استوعبت ) أها طيب إسمعي اول ما تعرفين وش فيها علميني أوكي ؟؟ فاتن تبتسم : أوكي .. سكرت فاتن وجات بتفتح الباب إلا هو ينفتح ويصقع فيها الشخص الي طلع وتشوف رجال وسيم ورياضي عيونه سواد الليل , وبعد فترة ماتقل عن دقيقة إستوعبت إنها صقعت بولد عمها خالد وتوها لازقة فيه وخرت بسرعة وقالت وهي تناظره وتناظر هو قد إيش تغير : أنا أسفة .. خالد بابتسامة باهتة وهو يتذكر أخر لقاء بينهم : لاعادي أنا الي طلعت فجأة .. قالت فاتن عشان تخفف التوتر : وين رايح بيقرون الوصية ؟؟ خالد : بجيب جوالي من السيارة نسيتها فيه وبجي على طوول ........ فاتن: أوكي على راحتك ودخلت داخل وما خلت غير طيفها وراها الي خالد بغى يتعلق فيه ويضمه لصدره ....... توجه خالد للسيارة وكل ما يتذكر صقعة فاتن فيه وقد إيش هي كانت لازقة فيه كأنها قطعة منه يبتسم ويتمنى ياخذها ويضمها لصدره أو يشيلها ويدخلها قلبه ويسكر عليها ....... بعد ما أخذ جواله إتجه مرة ثانية للمجلس ولقى فاتن أخذت محلها بين أمها وأخوها راح هو جنب أبوه وجلس والكل ناطر يبدى المحامي في الوصية ................ هذا الجزء الثامن إن شاء الله عجبكم تحياتي هدافة |
**الجزء التاسع**
بعد ما إجتمعوا كل العائلة في المجلس إبتدى المحامي كلامه باسم الله وفتح ظرف الوصية وكان فيها : (( عائلتي الغالية جدا أكيد هالوصية ما انفتحت الا لأني إنتقلت لخالقي وخالقكم , وصدق أنا ما بيكم تزعلون ولاتصيحون عشاني ,عيشوا حياة عادية وسعيدة , أنا مابي منكم إلا أنكم تكونون سعيدين وتنسون كل الماضي , زوجتي الغالية إنت الحين عمود البيت أبيك قوية وتحافظين على نفسك وعلى اولادنا , فاتن حبيبتي وأول فرحتي إهتمي بدراستك وأول ما تخلصين ثانوي أبيك تدخلين جامعة برة وتتفوقين فيها وترفعين راسي وراس أمك ديري بالك دايما على أمك <هنا فاتن صاحت وارتمت بحضن أمها وأم فاتن بدورها تهديها وخالد وده لو يقوم يحضنها ويدفيها بحضنه ويحسسها بالأمان بس للأسف مايقدر > وقف المحامي عن قراءة الوصية لين هدى وضعهم وبعدين كمل : ويا فهود أبيك ما تضعف أبدا وتهتم لأمور أمك وأختك وأهم شي دراستك فهد فاهم حبيبي إرفع راسي وانا ميت؟< ماقدر فهد يمنع دموعه خلاها تسيل بكيفها على خده > كمل المحامي : أما بالنسبة للشركة فهي الحين تصير ملك أخوي فيصل (أبو خالد) ومعه بالشراكة ولدي مشاري <وتوقف المحامي عن قراءة الوصية لأنه شاف شهقة فاتن وفهد إلي تنم عن الإستغراب و أم فاتن فجأة قامت وقالت بهستيرية وهي تاخذ الوصية من يده : أي ولد مين مشاري إنت وش قاعد تقول ها وش قاعد تقول ؟ بهاللحظة خالد قام ويهدي فيها وفاتن تساعده لين هدت أم فاتن وجلست بس علامات الدهشة والخوف والرعب أخذت ملامح وجا . قام المحامي وشال الوصية من الأرض وهو يتأسف وكمل القراءة : لا تستغربين يا زوجتي الغالية أم فاتن من مشاري هذا ولد زوجتي الاولية ألي إنتي ماقد سألتيني عنها وكنت دايما تقولين مابي أسمع شي عن الماضي كل الي أبيه هو الحاضر والجاي بس وأبدا ما قد سألتيني عن زوجتي الأولى بس إلي ما تعرفينه إن زوجتي الأولى سعاد توفت من سنتين وولدي مشاري عمره الحين 22 وهو عايش بروحه بالبيت القديم ويشتغل محامي تحت التدريب وأنا كل أسبوع أعطيه مصاريفه الي يحتاجها, زوجتي العزيزة وابنتي الغالية فاتن وابني الغالي فهد لا تزعلون مني بس هذا ولدي من لحمي ودمي مثلكم ,وهذه سعاد كانت بنت عمي واهلي غصبوني أتزوجها مع أني كنت أحب أمكم وبعد ما تزوجتهاكلها سنة وسعاد جابت مشاري ولما صار عمره9 سنوات صارت بيننا مشاكل خلتني أنفصل عنها وأتزوج امكم الي طول عمري أحلم فيها وأمكم أبدا ما كانت تحب إني أكلمها عن الماضي أو عن زوجتي الأولى ومن سنتين إكتشفت إنها ماتت بسبة مرض سرطان دم وماقدرت اخلي مشاري بروحه صرت أساعده بمصاريفه وجامعته والحين هو لازم يشيل مسؤولية حلاله وحلالكم وياخذ قسمي في الشركة وحان الوقت تعرفونه وكان لازم أقول لكم ... وأبيكم لما تشوفون مشاري ماتحسسونه بأنه دخيل عليكم لا أبيه يقول هذه أمي وهذه أختي وهذا أخوي طيب ؟ وهذ الوصية حجتي أما بالنسبة لمشاري فأخوي فيصل يعرف مكانه رح يجيبه لكم تشوفونه وتتعرفون على أخوكم الكبير ورجلكم من بعدي..... إدعولي بالرحمة ولا تنسون أنا أحبكم مرة ..... محمد عبد الله .. بعد ما خلص المحامي الوصية سكرها وعطاها لأبو خالد واستأذن لأنه وراه شغل راح خالد معه يوصله للباب وسلم عليه ورجع للمجلس وشاف نظرات الدهشة في عيون الكل خاصة فاتن إلي كانت دايما تتمنى أخ كبير ,شافت أمنيتها تتحقق ماتدري شلون؟ وكيف؟؟ ومتى؟؟ بس إلي تعرفه إنها فرحانة بهالأخ كثر ماهي زعلانة على حالة أمها لأنها غصب عنها رجعت للماضي وذكرياته .. قطع أفكارهم ودهشتهم صوت أبو خالد يقول : مشاري بن محمد بن عبد الله الحفيد الأول للعائلة رجال بمعنى الكلمة أهم شي عنده دراسته كل تفكيره في حياته إنه يتزوج ويعيش حياة مستقرة مع زوجته عمره 22سنة وتو مادرى عن أبوه .. ناظرت أم فاتن أبو خالد باستغراب وقالت وهي تحاول تخلي صوتها طبيعي : مشاري مايدري للحين إن أبوه ما..... قاطعها أبو خالد وقال : إيه بس لا تخافون أنا بعلمه عن قريب إن شاء الله وقت ما تصيرون مستعدين إنكم تشوفونه انا بعلمه .. قالت فاتن بسرعة خلت الكل يستغرب وخاصة امها : قول له قول له ياعمي حنا مستعدين نشوفه خله يجي اليوم ولا أقول بكرة أحسن ... ناظرها خالد وهو مستغرب من حماسها وقال : تراه أخوك عادي يعني .. فاتن إنتبهت وفهمت سبب تلميحه وفسرته إنه غيرة وتضايقت منه شلون يفكر كده وهي بس متحمسة عشان أخوها إلي تتمناه طوول عمرها وقالت بلا مبالاة لكلام خالد وتوجه كلامها لأمها : يمة حنا مستعدين صح قولي إيه قولي إيه .. أم فاتن جات بتتكلم إلا وينط عليها فهد ويقول : يمة تكفين خله يجي بكرة أبي أشوف أخوي الكبير .. أم فاتن قالت بكل حزم : انا مو مستعدة الحين .. جات فاتن بتتكلم بس ام فاتن طلعت من المجلس متجهة لغرفتها وسكرت الباب .. بالمجلس فاتن وفهد مرة متحمسين وقعدوا يقولون لعمهم إنه يجيب مشاري بكرة وأمهم بتتقبل الوضع عادي بس أبو خالد مو مقتنع بكلامهم وقال : والله ما يصير لازم أمكم تصير مستعدة تماما لهذه المقابلة لأنها هي الي بتأثر في علاقاتكم معه ... فاتن وفهد بعد ما زهقوا من المحاولة فضلوا السكوت , وفاتن دق جوالها ولما شافت (توأم روحي ) إبتسمت لأنها عرفت إن المتصل شوق واستأذنت وطلعت برة في الحوش عشان تقدر تشيل النقاب وتتكلم : فاتن : هلا وغلا بالغالية توام روحي .. شوق مستغربة : وش فيك متحمسة ؟؟ فاتن وهي تحاول تمسك قلبها لا يطير من الفرحة : إسكتي طلع لي أخ كبير.. شوق إنفتحت عيونها عالأخير ومن الصدمة ما قدرت تقول شي ....... فاتن : أللو وينك شوق .. شوق : .................................................. ................... فاتن : شوق وين رحت؟ شوق : .................................................. ................ فاتن معصبة : شوق وصمخ وين رحت يالدبة ؟ شوق بعد ما استوعبت الموضوع : قولي والله فاتن تتصنع الغباء : على إيش؟ شوق : لاتستهبلين على أخوك . فاتن باستهبال : أها .... والله العظيم عندي اخو <وزادت نبرة الحماس > واسمه مشاري محمد عبدالله وعمره 22 سنة < وصارت تضحك من الوناسة > ونفس الشي شوق وبعد ما هدى الموقف شوي سألتها شوق : شلون كيف من وين جا ؟ ضحكت فاتن وقصت على شوق القصة كلها .......................... شوق : ه ما أصدق كنه فيلم هندي فاتن : أي فيلم هندي الله يخسك ويننا فيه حنا ؟ شوق : خلاص لا تزعلين فيلم ياباني .. فاتن: أقول عن السوالف الفاضية خسرتيني تعالي بيتنا اليوم اوكي ؟ شوق : خلاص بسال سعود إذا فاضي يوديني ؟ فاتن : أوكي يلا باااااي شوق : بااايااااااااااااااات سكرت فاتن مع شوق ورجعت النقاب على وجا عشان ترجع تقعد للمجلس بس لما وصلت المجلس لقته فاضي وتأكدت إنهم رجعوا بيتهم , راحت مستانسة لغرفتها وفتحت الإيميل وهي تتمنى تلاقي نايف عشان تحكي له التطور بس لقته غير متصل رجعت سكرت النت ونامت من كثر التعب والوناسة ............... وحلمت بشكل أخوها .... في بيت أبو سعود لما سكرت شوق مع فاتن إتجهت لغرفة اخوها سعود ولقته نايم واستغربت للحين هو نايم بالعادة يقوم مبكر جات بتطلع وتسكر الباب بس هو نادها من جوه , إستغربت ودخلت وجت بتفتح النور بس هو منعها وطلب منها تجلس , إستغربت شوق من حالة أخوها وطلبه بس ما سألته جلست وانتظرت هو يتكلم ... مرت عشر دقايق بس هو للحين ساكت وهي مرة متضايقة من حالته . شوق وهي تشيل اللحاف من عليه :سعود وش فيك من الصبح وإنت حالتك مو عاجبتني قولي يمكن أقدر أساعدك ؟؟ سعود بعد تنهيدة طويلة : شوق خالد وش كان يسوي عند رفيقتك ؟؟ شوق إستغربت سؤاله بس ردت : سعود خالد ولد عمها عادي وهو رجع من السفر لأن الوصية كانت تتطلب حضوره .. سعود قام بسرعة من مكانه وقال : غنت كلمت فاتن بعد الوصية ؟؟ شوق لثاني مرة تستغرب من سؤاله قامت لعنده وقالت بنبرة حازمة مو سؤال : سعود إنت تحب فاتن .. سعود التفت لها بسرعة وبعدين لف وج الجهة الثانية وقال : إنت ما جاوبت على سؤالي كلمت فاتن بعد الوصية ولا لا ؟؟ شوق : إيه سعود كلمتها ولا تخاف أبوها ما أوصى إنها تتزوج ولد عمها إرتحت الحين .. وجت بتتطلع بس سعود اوقفها وقال : إيه شوق أحبها بس صديقتك مو معطيتني وجه أصلا ما تفكر فيني خير شر .. شوق بألم على حالة اخوها وفاتن: والله يا اخوي ما أدري وش أقول لك بس أقدر أاكد لك إنها مستحيل تتزوج خالد لأنها تكر وطلعت وتركت أخوها في دوامة الأفكار لحاله وتذكر قبل أربع سنوات يوم كانت علاقة أبو فاتن وأبوه حلوة عزمهم مرة على تمضية يوم في البيت الكبير حج عائلتهم وكان هو وخالد مرة أصدقاء وجا بيدور عليه لما إختفى فجأة لقاه واقف مع فاتن وهي مو متغطية وهو ما سك يدها هنا سعود إنصدم لأنه كان يحب فاتن مرة ولما شاف هالحركة رجع لأبوه في المجلس وقال إنه تعبان ويبغى يرجع البيت ولما أخذ السيارة إتجه لبيته وهو يتوعد لفاتن ويقول ليش تخونني وأنا إلي أحبها أنا الي أضحي بنفسي عشانها ليش دايم الكل مع خالد بس وأنا وين رحت انا وين مكاني من هالحب كله ليش يا فاتن ليش تسوين كده معي , وأنا دايما أتخيلك زوجتي وأتخيلك جالسة معي بالبيت تواسيني وقت الحزن وتفرحين معي وقت الفرح ليش تخونني ومع مين مع أعز صديق لي , ليش كده ((هدافة امانة خلاص مابقى شي فيني يكفي وصف ترى بصيح )) ((ه خلاص سعود اسفة ))...... إنتبه سعود ورجع لعالم الواقع بسبب رنة جواله وشاف رقم غريب أول مرة يشوفه سعود : هلا مين معي ؟ ........: كيفك يا صديق العمر ؟؟ سعود : مين معي أخوي؟ ........: افا ما عرفتني وانا دايما تقول لي غنت توأم روحي لحقت تنساني أنا خللود خالد فيصل عبد الله .. سعود وهو يحاول يخلي نبرة صوته فيها شوق لخالد : هلا هلا هلا والله خالد متى جيت الرياض؟ خالد : جيت وبس المهم أبغى أشوفك ترى مرة مشتاق لك وأنا كلها يوم وأرجع للندن ؟؟ سعود وهو مرة فرحان لأن خالد بيرجع بعد يوم : خلاص وش رايك نتقابل قدام مدرستنا الثانوية القديمة ؟؟ خالد: خلاص اوكي دقيقتين وانا عندك .. سعود : يلا جاي .. هذا الجزء التاسع والعاشر بعدين .... تحياتي هدافة |
هاااه ..
لك فتره ما كملتي القصه .. ووووووووووووووووينك .. سرعه واللي يسلمك .. |
مشكور شاعر عالمرور وهذا انا بنزل العاشر
تحياتي هدافة |
**الجزء العاشر**
في بيت أبو سعود كان سعود مرة متكشخ عشان يقابل خالد وما يدري ليش جا في باله إنه لو تكشخ رح تقبل فيه فاتن وتترك خالد ولد عمها ,كلها ثانية وضحك عالفكرة الغبية الي فكر فيها ونزل تحت وما لقى إلا أبوه كان قاعد في مكتبه دخل عليه سعود: السلام على أحسن أبو بالدنيا إبتسم ابو سعود (ياسر): هلا وغلا بالدكتور .. سعود: أي دكتور أبوي انا توني أتدرب .. أبو سعود: لا وش نسيت إنك سويت عملية قلب ماحد قدر عليها غيرك ولا هذه صدفة بعد ... سعود: ه لا مو صدفة بس هذه حكمة ربي وقدرته وأنا بصراحة ماأحب أحد يموت على يدي سويت كل الي قدرت عليه وأتكلت على الله والحمد لله الحين نجحت العملية ..................... أبو سعود: الحمد لله ( وانتبه على كشخة أبنه ) إلا أقول وين رايح ؟ سعود توهق لأن أبوه قايل له يقطع علاقته بكل أهل أبو فاتن : رايح للربع شوي اليوم ما في تدريب بالمستشفى .. أبو سعود وهو مو مقتنع لأن إبنه سعود ما يعرف يكذب بس قال: اوكي يا وليدي بس لا تتأخر بتتعشى معي اليوم أبغاك بموضوع .. سعود وهو يحب راس أبوه : طيب إن شاء الله ......وراح توجه للباب وركب سيارته وتوجه للمكان الي تواعد فيه هو وخالد ... في بيت أبو خالد نزل خالد من غرفته وكشخته ماتقل عن سعود وتوجه لأبوه في مكتبه وقال له إنه بيروح مع سعود صديقه بعدها طلع من البيت وركب سيارته وتوجه للمدرسة القديمة . أما أبو خالد فقاعد في المكتب يخلص شوي أشغال عنده ويتمم أوراق الشراكة الي بينه وبين مشاري . وقطع عليه صوت الشغالة تقول : بابا فيصل ماما أم فاتن دقت وتقول هي مستعدة تشوف بابا مشاري ... هنا فرح مرة أبو خالد وابتسم وطلب من الشغالة قهوة وجلس على مكتبه مرة مرتاح وحط براسه اول مايخلص شغله هنا بيروح لمشاري , بس ما قدر ينتظر لبس شماغه وركب السيارة الثانية ووجهته كانت لبيت مشاري أو بيت محمد بن عبد الله القديم ... مشاري كان قاعد يقلب بأوراق القضية الي رح تأثر بحياته كمتدرب إذا نجح فيها , وفجأة يسمع الجرس قام عشان يفتح الباب <لأنه عايش لحاله حتى شغالة ماعنده لأنه مايحب الشغالات يحب يخدم نفسه بنفسه>> فتح مشاري الباب وابتسم مشاري : هلا هلا عمي كيفك ؟ تفضل تفضل << أبو خالد دايم كان يزور مشاري بناء على رغبة اخوه>> أبو خالد: الحمد لله شلونك إنت وش اخبارك ؟؟ مشاري يبتسم : الحمد لله تمام .. شلون أبوي صاير له شهرين ماشافني ولا شفته هوتو مارجع من السفر؟؟ أبو خالد متوتر شلون يقول له : لا مشاري أبوك رجع و ............................ مشاري مايدري ليش قلبه دق بسرعة : وإيش عمي قول ؟ أبو خالد وهو يستجمع بقايا قواه عشان يعلم مشاري بالي صارلأبوه: والله يا مشاري اخوي ...... أخوي محمد ..... أقصد الطيارة الخاصة والله ...... لأنه هو الي ....... مشاري صار قلبه يدق أقوى من قبل ومسك عمه من كتفه بأدب وقال : وش فيه أبوي وش فيه قول عمي تكفى تكفى قول ... هنا أبو خالد إستسلم للدموع وقال بكل حرقة : عظم الله أجرك .... مشاري فقد توازنه و من الصدمة إرتمى على الأرض وهو مو مصدق الي يسمعه ويتمنى إنه يكون يحلم ويتمنى يموت لو كان هذا صدق, وبعد ما تأكد إنه ما يحلم رجعت أنهار دموعه تاخذ مجراها على وج لثاني مرة بحرقة صار يتيم ام ويتيم أب صاير يتسائل ليش هو عايش ليش؟؟ ليش هو الي يصير له كل هذا وهنا قال بصوت عالي وكأنه يخاطب عمه ويوجه له الكلام بس هو في الحقيقة قاعد يكلم نفسه من الصدمة : ليش ليش ؟؟ شلون ؟ كيف ؟ ليش كل هذا يصير معي ؟ ليش أنا ؟ ليش أنا يا ربي ليش؟؟ وهنا إنهار وصاريبكي بصوت : ليش <<ويلتفت لعمه >> ليش يا عمي ليش فهموني ياعالم ... قام أبو خالد وقعد جنبه عالأرض وضمه لصدره وهداه وطمانه وقال له : إعتبرني أبوك مشاري لاتخاف إنت عندك اهل وأصحاب لا تقول ولا تحس بيوم إنك وحيد كلنا حولك يا مشاري كلنا حولك ......................... ((( مشاري محمد ,22سنة .. محامي تحت التدريب . ذا قلب طيب وحساس جدا , ومشاعره تسبق عقله دايم , دائما يشعر بالوحدة , ماعنده إلا صديق واحد , ملتزم ويحب الخير للكل ))) وأخيرا تقابلوا خالد وسعود وبعد ما ضموا بعضهم توجهوا للبر وقعدوا في السيارة وكانو يسولفون بأشياء عادية وكان خالد يحكي له عن لندن أما سعود فكان يقص عليه أجواء المستشفيات والحالات الي تدخل المستشفى تقطع القلب وبعد فترة صمت دامت ربع ساعة : خالد: سعود قد حبيت مرة ؟؟ سعود إستغرب السؤال وكان وده يقول أنا أموت في بنية عمك بس فضل يقول : لا أي حب الله يهديك ؟ خالد بعد تنهيدة طوييييييييييلة : أنا حبيت تخيل سعود أنا الي طول عمري أتطنز على الي يحبون احب ومن أربع سنين .. سعود يتصنع الدهشة : إنت صادق ولا تكذب ؟؟ خالد يلتفت له بهدوء : والله يا سعود والله أحبها بس هي معذبتني تكرهني ما تبيني قالت لي : أكرهك أكرهك ... سعود يحاول يهدي فيه وكان وده يسأل مين هي مع أنه داري الإجابة بس كان لازم يتأكد : طيب خالد أقدر أعرف مين هي؟ خالد : غنت تعرفها صديقة اختك وبنية عمي .. سعود إنصدم صح كان داري الإجابة قبل بس غير إنك تسمعها بأذنك قال بهدوء : طيب ليش هي تكرهك ؟ خالد بعد تنهيدة : ما ادري سعود ماأدري هالبنت بتجنني بتذبحني بتقتلني ماأدري وش أسوي معها ؟ سعود على قد ماهو فرحان إن فاتن صادة خالد على قد ماهو زعلان عشان رفيقه خالد وحالته وحاول شوي ينسى إن خالد يحب نفس البنت إلي هو يحبها : طيب خالد ما حاولت تكلمها لما رجعت الرياض؟ خالد: حاولت أصلا أنا كل يوم أكلمها .. سعود إستغرب وبنفس الوقت عصب أو نقدر نقول غيرة : شلون وإنت توك تجي الرياض ؟؟ خالد: أكلمها عالماسنجر . سعود باستغراب : ليش هي معطيتك إيميلها خالد : إيه بس ماتدري إني خالد كلمتها على أني شخص ثاني .. سعود باستغراب : كيف يعني ؟؟ خالد: في يوم إشتركت في منتدى وذا المنتدى كان فيه واحدة إسمها ( سعودية وأفتخر) عجبتني شخصيتها لأنها مثل شخصية فاتن وقررت إني أخذ إيميلها من مشرف صديقي قدر يحصل إيميلها لأني كنت لا زم أتأكد إنها (سعودية وأفتخر ) هي نفسها فاتن ولما أخذت إيميلها .................................................. .... وقص له القصة كاملة وكان سعود طول الوقت مستغرب من هالصدفة والغيرة تزيد بقلبه .... وبعد ما خلص خالد قال سعود: وشلون تأكدت إنها هي نفسها فاتن ؟؟ خالد: عادي طلبت منها نتعرف قبل ما أقول على مشكلتي وهي وافقت .. سعود يحثه يكمل : ها وبعدين .. خالد: قلت لها إني نايف وكذا وهي قالت كل شي عنها صح إلا إسمها غيرته لنورة ووقت ماتوفي أبوها عمي كانت حاطة النك (الله يرحمك يا أبوي ) وهنا تأكدت إنها فاتن بس هي ماتدري إني خالد وهذا الي مضايقني ... سعود إستغرب من القصة وبنفس الوقت تضايق أن خالد قادر يوصلها حتى ولو عن طريق الكذب وعشان يغير الموضوع لأنه بدا يحس بالغيرة من جد قال: خالد يلا أنا تأخرت والوالد يبغاني في البيت وطلب مني لا اتأخر .. أومأ خالد براسه ولف بالسيارة وطلع من البر , بعدين نزل سعود أخذ سيارته ومشى كل واحد من طريق والإثنين يفكرون بنفس الشخص ألي سرق قلوبهم وما رجعها فـــــــــــــــــــــــــــــــــــــــــــــــــ ــــاتن فــــــــــــــــــــــــــاتن ومين غيرها .... بعد ماقدر أبو خالد يهدي مشاري ويسوي له كاسة عصير تساعده في ترويق دمه قال: مشاري أنا ما جيت عشان أخبرك بوفاة أبوك وبس لا أنا جيت عشان سبب ثاني .. رفع مشاري راسه لأبو خالد باستغراب وقال: أمر عمي ... أبو خالد : أنا جاي أقولك إن أخوانك من أبوك طلبوا يشوفوك وأمهم موافقة .. هنا مشاري إنصدم ثاني مرة وقال من غير تصديق : قول والله أبو خالد يبتسم : والله والحين لازم تعرفهم عشان بكرة إن شاء الله بنزورهم مع بعض ... مشاري مبتسم إبتسامة شاقة حلقه: بكرة خلاص يلا قولي أسمائهم إنت ياعمي ما تدري < وهنا قام وقف وهو يتكلم> شلون انا كان ودي بأخ أو اخت يشيلون عني وحدتي ... أبوخالد: أوكي عندك أول شي أمهم طيبة حنون وقلبها كبير وطبخها لايعلى عليه <إبتسم خالد> وكمل أبوخالد: وعندك فاتن 17 سنة تحب السعودية كانها أمها الي ولدتها مع أنها سافرت بلدان كثيرة وهي متزنة وعاقلة وأحيا رججتها تقهر . مشاري : ه يا حليلها أختي فاتن ولا أحسن بقول لها فتون ... أبو خالد : ه وهم كده ينادوها المهم نجي لفهد فهود 10 سنين مليان وعشقه السيارات ومرة مرجوج.. مشاري : فديته فهود والله .... أبو خالد : وبس هذول أهلك الجديدن .. ونسيت أقول لك إن خالد ولدي رجع من السفر مشاري : ربي يخليهم لي .. أبو خالد : أمين المهم بكرة الساعة 12 الظهر إنت جاهز لأنك بتتغدى معهم اوكي ؟؟ وبعد الغدا أبيك بسالفة طيب ؟؟ مشاري :خلاص طيب .. أبو خالد وهو يتوجه للباب : يلا في أمان الله مشاري : ليش عمي خليك شوي معي.. أبوخالد : لا يا وليدي مرة تعبان بروح أرتاح وإنت تجهز لبكرة (وهويطلع) في أمان الله مشاري وهويسكر الباب وراه : في أمان الكريم .. سكر مشاري الباب واتجه لغرفته وحط راسه ونام يتخيل شكل أخته واخوه وامه الجديدة ...... تحياتي هدافة |
لاااااااااااااااااااااااا..
ليش ما كملتي ؟؟ الله يساااامحك .. كمليهااا بسرررررررررررعه .. |
اقتباس:
أسسسسسسسسسسسفة شاعر مو بيدي أنا مألفتها على أوراق وتو ما نقلتها عالكمبيوتر ياليت تعذرني إذا تأخرت ومشكور عالمرور تحياتي هدافة |
القصة رائعة بس ياريت تكمليهااليوم لوتقدري ولك الشكر
|
| الساعة الآن 11:51. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون