|
(( كذا تجي شــاعر ))
هاذاحالنا بالهزمن ..........
كانك تبـي تنعـدّ ضمـن المشاهيـر اهـل السلـوك الناعمـه والدقـاقـه جمّـع بنـي عمّـك ونـاد الجماهيـر ولكل صاحـب شـان ارسـل بطاقـه وسو أمسيه وحده ولوكانـت عصيـر وحـاول تكـوّن فالصحافـه صداقـه واصهل مثل جسّاس وكليـب والزيـر واشهر على الشعّار مـوس الحلاقـه وامدح وسـب وغـن لجـل الغناديـر سب الوفي وامدح من النـاس عاقـه وخذلك لقا وسـط النيـاق المغاتيـر جنـب الرحـول وماسـكٍ راس ناقـه واجلس على المركى وقدّامـك الطيـر وبيت الشعر خلفـك يهبهـب رواقـه وصوّر مع اهواة القنـص والصقاقيـر وجمّـع حوالينـك شـويّـة رفـاقـه هـذا يقـنّـد فـالـدلال المباهـيـر وهـذا يتبسّملـك ويرخـي شقـاقـه وهذا حلب لك من حليـب المصاغيـر وهـذا علـى مدحـك يـزوّد نفاقـه واجلس على الروض الخضر والنواوير وزوّد برستجيـك وهـرجـك لبـاقـه وصوّر على الشاطي وصوّر على البير واطلـع بكامـل رونقـك والأنـاقـه كذا تجـي شاعـر وسيّـد شواعيـر لو كان ماتقطـف مـن الشعـر باقـه الوقت غير وطابعـه يالشلـي غيـر راحـت تقاليـد العـرب والعـراقـه وين القصيـد اللـي يهـز الطوابيـر مثل البحـر موجـه يزيـد اصطفاقـه اللـي ليـا عـدّوه عنـد المناعـيـر ثم سمعـه السامـع يزيـد اشتياقـه تبدّلـت كـل الـصـور والتفاكـيـر وصرنـا نتشفّـق للفرايـد شفـاقـه في ساحة الشعّـار للوضـع تفسيـر كم شاعرٍ كلّت مـن الركـض ساقـه ما اعـم أنـا لاشـك فيهـم هواميـر تفتح علـى المعنـى ثمانيـن طاقـه اهـل المعـان الوافيـه والتعابـيـر جلّـه خـذوه ولا شقْـوا فـي دقاقـه هـذا وحبْـك الشعـر مـازاد توقيـر الرجـل مـن فعلـه يبيـن انطلاقـه الله يوفّقـنـا لحـسـن التـدابـيـر ويصدّنـا عـن مهتويـن الحمـاقـه هذا هو الموجـز وباقـي التقاريـر: الشعـر شعـر المصلحـه والعلاقـه راكان بن محمد بن بدن (( السموحه )) |
سأحجز مكان
لأعود بعد الإستمتاع بقراءة هذا النص الراقي سأسجل الإعجاب ولي عوده هنا |
اميره شاعر ماشالله عليك
اختيار جميل ورائع وتستاهلين تصفيق صفقت لك من ضيقت البال تصفيق تصفيق جمهور(( الهلال ))السعودي لاجاب سامي غول في حزه الضيق وضمن.. فريقه... للنهائي صعودي تحيه لك |
وانا بعد لي عووووووودهـ
اميره وش ذا الزين صدقتي ياحلى اميره ه ربي يسعدك ياقمر |
الله عليك بس الي يشرب حليب المغاتير يصير شاعر والي يصور جنب الطير يصير شاعر زين الي هواية الطيور والقنص يكون في علمك وهذه وجهة نظر الشاعر من يملك الناس في مشاعره وكلماته تحرك شجون القلب وتحفظ بس سب الوفي غريبه شاعر يخون مشاعره ويسب الوفي طبعاً هذه وجهة نظر لاشخاص معينه وليست لكل الشعار وكلنا بدو نصور عند الابل ونشرب من الدلال المباهير قبل نعرف الشعر والقاف دمتي بود واختيار مميز |
اخوي الواله
فخر لي يكون شاعر مثلك معجب باختياراتي وياهلا فيك ننتظر |
محمد بن خالد صح لسانكـ ع الابيات اللي تهبل وكانك تدري اني من محبي الهلال دمت بسلام |
اقتباس:
شعولتي عيونك الحلوه ودوووم هالضحكه يارب والله يسمع منك وانتظرك |
ممتازة 0000
ولكن مع هذا لن يتغير موقفي من النقل مهما حصل000 دمتي سالمة وغانمة |
| الساعة الآن 03:21. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون