![]() |
المسافر
الله يـردّ المسافـر طـوّل الغيبـه=لو هي اسابيع عندي عدّة اعوامـي
له وحشـةٍ زادت بقلبـي لواهيبـه= من حرها اوجس النيران بعظامـي البدر لا غاب ماللكون مـن هيبـه= مهما النجوم كثرن باعداد وارقامـي يطـول ليلـي تناوشنـي مخاليبـه= خوفٍ وهوجاسٍ والكابوس باحلامي لا سافر اللي تحبّه اكبـر مصيبـه=يبحر بك الهم في وسواس واوهامي ما تامن الوقت فالأقدار تجري بـه= ولا تدري اللي تخبي سود الايامـي واللي مسافر ترى يسلى عن صحيبه= المشكل اللي على جمر الغضى نامي ولو كل منهم يعيش الوقت تغريبـه= احدٍ بكيفه واحد في الغربه الزامـي لا كلمّه من يحبه ما وضـح عيبـه= يقول مبسوط يخفي جرحه الدامـي فالقلب عند السفر تكشف عذاريبـه= ولو هو قويٍّ تحوّل كومة حطامـي وأنا بغربه وحالي صارت صعيبـه= يمضي بي الوقت مثلي مثل الايتامي والاّ كسير يجرّ الصـوت ويجيبـه= محدٍ سأل عنه من صدقان واقوامي ينطر حبيبه لعلّ بيـوم يـدري بـه= يفهم مشاعره ما يحتـاج لافهامـي مسيت بالحب نبع الحـب والطيبـه= صبحك بالخير مصدر كل الالهامي اتعبني القيـد ليـت القيـد تركيبـه=ان كان افكّه ولا حسّيـت بالآمـي ارجع إليَّ تـرى طوّلـت بالغيبـه=ارجع إليَّ قبل مـا تكسـب آثامـي يالله ترد المسافـر بالـف ترحيبـه= افرح بلقياه ينعـش قلبـي الظامـي |
بوحٌ اعتلى الإبداع فعشقته العيون كلماتٌ لامست القلب لا نملكُ أمامها سوى أن نشهد بأنك تميزت بكلمات خاطرتك ونسجتَ حروفك بكل إبداع وفن شكراً لكَ ودمتَ لنا حرفاً مبدعاً |
الله يـردّ المسافـر طـوّل الغيبـه=لو هي اسابيع عندي عدّة اعوامـي له وحشـةٍ زادت بقلبـي لواهيبـه= من حرها اوجس النيران بعظامـي صح لسانك أخوي كلمات في قمة الروعه والابداع تقبل تحياتي وتقديري لك أخوك...مزوووح51555 |
الساعة الآن 11:55. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون