منتديات روعة الكون - يم شعر البحر(العراقيه)

- - يم شعر البحر(العراقيه) (http://roo3.net/vb/t61971.html)

يم شعر البحر(العراقيه)

يسموني الاسد صدگي يبت الناس
يعني بكل بساطه چنت صايود
ومن شفتچ تغير طبعي كله اندار
وبعيونچ يا روحي صرت انا مصيود
احبچ صرت مغرم ميت آنا إعليچ
وحگ رب العباد الواحد المعبود
خليني الچ بس حارس وناطور
تره الايام تجري والوكت معدود
لخلي هالمحنه تصير الچ شاجور
وشهگاتي رصاص ونبضي بارود
بظلوعي لسيج دربچ التمشيه
ورموش العيون تصير كل جنود
ما غمض جفن والله وحگ عيناج
ابقه مساهر اباب الگلب معكود
لو معجب يمر يسأل عليچ اليوم
اگله هالگلب بابه تره مسدود
لا تفكر تحب روح يبن الناس
ما تكدر تلوح تضوگ هالعنگود
روح انت بطريقك شوفلك دلال
يضحك يبتسم ويقابلك بورود
اوضح الك اكثر بعد يفلان
تره هذا حبيبي وحبه ماله حدود
وهذا الباب يبقه بس الي مفتوح
الله والنبي هم العليه شهود
حتى من افارك شهگه الانفاس
ولحمي والعظم ينترس بيه الدود
ابقه بس اله هم حارس وناطور
وليوم الحشر روحي عليه تذود
صح جسمي يروح ويندفن ينزال
بس روحي تجي تركض عليه تعود
احبچ يا بعد روحي ينور العين
وانأ بحبچ تراني ميت ومولود
يا حوريه ونزلتي بساحل گليبي
يم شعر البحر يم العيون السود

الله الله الله

دام قلمك في ابداع

تحياتي

غزال العرب بنت الانبار

لك مني كل المتابعه

حبيبتي
الف شكر
على مرورج الاكثر من رائع وشكرا على مرورج المتواصل
نورتي الصفحه

كلماتك راقيه جدا
اسلوبك جميل
من ابداع الى اخر
الله لايحرمنه من كتاباتك
ومن حروفك
دمتي لانا قلم نابض بالحيويه
دمتي بالف خير

صح لسانك أختي ولك كل الشكر والتقدير

ننتظر جديدك القادم

كل عام وأنت بألف خير

ياكل الهلابيكم
ويااهلا وسهلا بيكم
نورتوني والله
ربي ميحرمني من طلتكم الحلوه يااااااااااارب
تقبلو تحياتي

سأتلذذ الأن بقراءتها

وأستمتع بالمفردات والمعاني

فهذه المتعه لا تــُعوض

في هذا المتصفح الماسي

ولي عوده بعدها

الواله شكرا لك ولمرورك الرائع
نورت الصفحه
تقبل تحياتي

الله يعطيك العافيه اختي الغاليه
فعلا كلمات رائعه رائعه
بصراحه جد مبدعه
واحاسيس راقيه
من يقرأها مرة يعود اليها
مرات عديدة
دمتي عزيزتي بكل ود
ولك مني ارق تحيه