|
فلسفة شاعر (((( تحتاج تركيز )))
البارحه مابين لالا ويمكن = قضيت ليلي بين يمكن ولالا خليتني مابين ماظن واظن = وسجت بي الافكار والفكر جالا سهرت ليلي كله اسب والعن = يلعنك ياحظٍ تعكس ومالا اسامر اللوعات وانوح واون=ونة يتيم اهموم قلبه تتالا قامت همومي فوق صدري تلون= لاراح همي هم يأتي ويالا عليك ياللي داخل القلب تسكن =قصرٍ لحالك لا لذولا وذولا ركز معي ياغاية الروح وافطن =في قافي اللي لك بنيته على (لا) ابتفلسف لك وابظهر واببطن =من فلسفة شاعر وسيع الخيالا الكيلو الف جرام لكن وش الطن ؟= واقرب مسافه صح خطٍ عدالا والذره التعقيد فيها ويكمن = صعبه وايضا تجزأتها محالا لُكن جا بالانشطار وتمكن =تمكن اشتاين وسوى انفصالا وركز معي في لا مع لم مع لن = للنفي تستخدم بليا جدالا وافهم وش المقصود لاقلت لكن = هاذي ترى استدراك في كل حالا قال المثل قد وافقت طبقه شن =وقال القناعه مال عن كل مالا وركز ترى الدولار ماهو كما الين =مثل الجنيه اليا صرف بالريالا شتت افكارك توكل وخمن =يمكن تصيب وذي تصيب استحالا ليه على القاف المعقد تمكن =شاعر ولامن قال ماقام لالا نرجع شويه وانت هالحين لحٌن= لحن على الطاروق يالالالالا بشتتك تشتيت يالين تيقن = اني بحر وان البحر دون جالا ركز ترى البيلوت شريه وديمن = وايضاً سبيت واحمر القلب لالا والحكم عشره واحد وعكسه الصن =خمسه بواحد والخساير توالا خليني اسكت ياهوا البال احسن =من فلسفة شاعر طويل الحبالا اخاف راسك لو تفلسفت دخن = واخاف دمعك لو تبصرت سالا خلي حبوبي داخل الراس تطحن = ولاتتعبي نفسك بكثر السؤالا شاعر وله بالشعر مس من الجن =نجمه على كل النجوم يتلالا وختامها خليتني دون موطن = تقفي وتقبل ياحسين الدلالا بذكرك قلتي فهد يوم ياذن =بحق الاذان اتقول مانسى الوصالا وصلوا على المختار ماصبوا البن =على النبي صلاة ربي تعالا بقلم رحاال |
هذه يبي لها معادله خااااصه
عشان تفك رموزه السحريه هنا لـ اعجاز الشعــر كلمــــه وانت معجزة هذا المنتدى لاهنت يارحال ومازلت منذهل منها ولي عوده |
اقتباس:
اشكرك على اطراءاك اخوي وشهاده اعتز بها تسلم على مرورك العذب |
رحــــــــال..
فهــــــــــــــد... الله.. الله.. الله صح لسانك.. واعتلى شانك شـــــــــــــــــــاعــــــــــــــــر امتعتنا جداااااااااااا بهذه الرائعه .. اشكر شاعريتك على هذا الابداع منقطع النظير اجبرتنا على التامل والوقوف طويلا لاتحرمنا من ابداعك |
الرائع والمبدع استاذ الذرة فهد تسلم يالغالي على تلك الابيات السابقة التي احتوت فلسفه غريبه ولها من الطلاسم الكثير فكلما توقفت عند بيت رايت فيه شيئا غريبااا دخلتنا بحكم السبيت الى ادوات النفي ومن عالم الدولار الى عالم الريال وهموم البشر المتلاحقه الله يعين العقول الي تفكر من كثر ماصابهاااااا من الصداع باتت تطحن من الحبوب اخي الرائع فلسفتك فعلا عجيبه سلمت اناملك على تلك الرائعه وربما اكون اخطأت في التفسير او ماقدرت اعبر لكنني بوجه عام قد فهمت ماتقصده من خلال رائعتك وهو الى اين وصلنا بعد ان كناااااا وكانواااااا دمت عزيزي فهد هكذا متألقا وغامضاااااا فالغموض من صفات الفلاسفه مااروعك واروع فلسفتك لاحرمنا من وجودك بيننااااااااا |
|
http://www.up07.com/up5/uploads/8c2f96f805.gif صح لسآنك على القصيدهـ الرنآنهـ لا عدمنآك http://www.up07.com/up5/uploads/8c2f96f805.gif http://www.up07.com/up5/uploads/32b55ccfd6.gif |
اقتباس:
وتكمل الروعه في تواجدك هنا وشهاده منك اعتز فيها واشكرك على شذى مرورك |
عليه أفضل الصلاة وأتم التسليم رحاااااااااال صح لسانك أخي تقول تحتاج تركيز والله حنااا نحتاج تركيز القصيده ماعليهااااااااا كلام موزونه طرحاً وأسلوباً وتناسقاً المعنى والله مالك حيله . مبدع وتسلم يمينك يافهد . أختك جفاف ورده . |
[QUOTE=احساس مؤلم;1361849]
الرائع والمبدع استاذ الذرة فهد تسلم يالغالي على تلك الابيات السابقة [/QUOTEالتي احتوت فلسفه غريبه ولها من الطلاسم الكثير فكلما توقفت عند بيت رايت فيه شيئا غريبااا دخلتنا بحكم السبيت الى ادوات النفي ومن عالم الدولار الى عالم الريال وهموم البشر المتلاحقه الله يعين العقول الي تفكر من كثر ماصابهاااااا من الصداع باتت تطحن من الحبوب اخي الرائع فلسفتك فعلا عجيبه سلمت اناملك على تلك الرائعه وربما اكون اخطأت في التفسير او ماقدرت اعبر لكنني بوجه عام قد فهمت ماتقصده من خلال رائعتك وهو الى اين وصلنا بعد ان كناااااا وكانواااااا دمت عزيزي فهد هكذا متألقا وغامضاااااا فالغموض من صفات الفلاسفه مااروعك واروع فلسفتك لاحرمنا من وجودك بيننااااااااا اخي العزيز كم اسعدني ردك وشهاده منك اعتز فيها وافتخر واعلقها وسام على صدري لا خلا ولاعدم |
| الساعة الآن 01:43. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون
