كيف تصبحين دلوعه خلال 7 ايام (خاص للنساء)......

كيف تصبحين دلوعة خلال 7 ايام

عرررررض خاااص لكم لحقواااااا

عليك بإتباع الخطوات التالية بحذافيرها...


1.لا تلمين شعرك ابدااااا بل دعيه يسترسل يمنة ويسره بدلال ((ابوك ياللغه .. الفصحى))

2.اذا كنتي وسط مجموعة بنات او في عزيمة تكلمي بصوت منخفض جداً يعني أخفضيه لاقصي حد وتكلمي ببطأ شديد ورقة وبنعومة ومططي الكلام قد ماتقدرين .. (( مو تجلسين تصارخين وانتي تسولفين ))

3.اجلسي على طرف الكرسي وحطي رجل على رجل... ((خخخ بس مب إطيحين ))

4.اذا احد قال كلمة شعبية عندك حتى لو تعرفينها ابتسمي وقولي شو ؟ مافهمت

(( عشاان تسوين نفسك كشخة ومطورة ))

5.اذا احد قال شي يضحك اضحكي بنعومه هكذا ه مو وانتي تضحكين كذا خخخخخخخ ((لأن مب يالسين في قهوة ... ))


6.سبلي عيونك وحركي رموشك كثير وحاولي كثير تطالعين السقف..(( ياعيني على الحركاااات ))

7.لا تفتحين فمك كأنك عند طبيب اسنان وانتي تاكلين وخاصة اللبان والاحسن انك ماتاكلين لبان.. ((ه اما هذي مستحيل بنت ما تتعلج))


8.اذا شفتي حشره او اي شي يطير صارخي ..(( اصررررخي واركضي ولا يردك غير سطح اصحاب البيت))

9.في المدرسة لا تجلسين تراكضين بين الاسياب وتلاحقين البنات تسحبين شعر هذي وتدغدغين هذي امشي بهدوء وعند المقصف لا تزاحمين اذا زحمة اوقفي بعيد لحد ماتخف الزحمة بعدها اشتري واكيد مارح تلاقين سندويتشات بتخلص ..

10. من ناحية اللبس البسي كلشي عليه صور دببه وقطط وارانب واشكال والوان... واهم شي روحي محل اكسسوارت واشتري كل الكلبسات والشباصات الصغيرة وصفيها على شعرك يومياً..... (( حشاا مو قميص كراسة رسم ))

11. لازم على طول تشترين دباديب وقلوب وصور اطفال وحركتااات وكثري من الاشياء الغربية...

12.طبعاً لازم تقولين انك ماتطبخين ولا ترتبين حتى غرفة نومك (( بنووتة ودلووعة وماتسووي اي شي ابد كل اللي تسويينه ميري تعالي وميري شووفي))


13. طبعا اذا طلعتي تتمشين او تتسوقين في احد المجمعات امشي اقل من مهلك ((هذي الموضة هالايام)) >> يعني الاخت هادية ورزينة )).

الموضوع الاصلي  من روعة الكون